萬金油與孺子牛（第二季）見山無底（第三季連載中）: 21

她和我對望，我手插褲袋，靜靜站在她身旁。

「你哋仲等緊我呀？」她主動說。
「－直都等緊。」我望向窗，不想給她壓力。
「我飲醉咗嗰日…唔該曬。」她是指送她回去，還是那「四個補漏方案」，我不知道。
我在旁邊的販賣機買了一罐黑咖啡，問她：「飲唔飲啊？」
「兩啖得唔得？」
我點點頭開給她，她喝了幾口醒醒神，遞給我：「多謝。」
我接過來，在她唇印上繼續喝，展現了淡淡微笑。





「你…點解唔問我，你想知嘅嘢？」她低聲說。
我釋然地微笑，踏前走近她一步，主動握住她的手指。
「你會唔會，唔想食佢地啲蘋果同橙？」我直接問，但不是真的問蘋果和橙。
她有點錯愕，很猶豫，因為TY可能還在，她知道TY在等她。她思索了很久，但下不到決定。我拉起她手，十指緊扣，去按一下升降機。她看到我這個舉動，驚呆了，目光停留在我身上。
「如果你呢一刻決定唔到，我哋去食其他嘢先？」升降機到了，我拉了她進去。

我們之間微妙、靦腆、曖昧，她沒有放開我手，只是在偷望我。升降機門開啟，我帶她去醫院附近最近的天后甜品店。

「你想食咩？」
我們在卡位對著坐，她看著餐牌，忽然淚又落下。




我坐到她旁邊，主動握住她手。她將我手拉到她小腹位置，頭伏在我肩上，輕輕道出：「你好耐冇同我一齊食過野啦…」
是我，在她每次需要我的時候，精準地推開了。但，她真的那麼喜歡我嗎？

「想唔想食芝麻糊湯圓？要唔要埋開心果糊？」我主動問，或者我，是在嘗試打破自己「分析性的思維」。
「要。兩樣都要。」她邊流眼淚邊在我肩上點頭。
「Ditarsa就嚟問我，做咩件件裇衫個膊頭都有粉底同唇膏啦～」我溫柔地說笑。
「甩色呀嘛～」她似乎止了淚，有點生氣怒視我。她是在指Flora。
我把她的手握得更緊，坐得更貼近她，留戀地望向這個她：「其實個月亮真係唔係咁好睇架咋。」
如果愛情是牢籠，我或者…還是甘願走進去。可能是我，真的沒辦法看到她一個人，承受所有。





兩款甜品到了，我把兩款都放在她面前，都給她吃。
「你想食邊個啊？」她問我。
「你揀先～」
「umm 黑芝麻糊有埋湯圓好吸引啊，不過呢間個開心果糊好出名，我都未試過。」如果她兩個都喜歡，我…不需要她選擇。
「兩個你都食咗先，食唔晒我幫你食。」我拓著腮望向她。
她笑得很甜，每款吃了一半，嘴角都未擦，又望向我：「我仲想食…芒果布甸。」我笑了，馬上點了一個。
「我地…要唔要叫幾個甜品俾佢哋食？」Kerry主動問我。
「會唔會我哋上到去佢哋已經走咗啦？」我邊吃邊回應。
「咁啊？…」她正在思考，芒果布甸也到了。她正想訊息問TY，我心底裏有種想阻止她的反應，我的手差點碰上她要碰手機的手。這個理性和感性不同步的感覺，我忽然發現，或者我也在逃避。
她留意到我這個反應，她把手機放回袋中，不經意地說：「Rachel好似話佢今晚有會要開。你一陣仲想唔想去食嘢？」
她的看穿我的反應，正如我看穿她對TY的師徒感情。但，我真的看穿了嗎？

「你仲食得落？你食得落嘅話，我OK啊～」我取笑她。
「我今日淨係食咗一餐咋，梗係食得落啦！」看來她最近確實很辛苦。
「好～食唔食你屋企樓下嗰間日本菜？」




她聽到這家餐廳反應有點奇怪，還吞了吞口水，但又瞬間回復正常，望向我：「我第一次準時放工，就係為咗同你食呢間。」
的確，我還認為你是在計算我。我現在不是沒有了這個想法、沒有了這個分析，而是選擇，無論有還是沒有計算我，我都不再在乎。
「上次同Rachel飲醉酒上咗去你屋企，我哋就係啱啱食完呢間。佢啲清酒幾好飲，連Rachel都飲到失控。」我沒有試探的意思，只是單純想跟她分享。
她似乎和TY有很接近的技能，有時候感覺，她是分得出我對她的說話或行為，是否包含計算。
「其實…我上次都係度。我喺角落頭度食緊嘢。」她這個回答，絕對是我意料之外。

我意想不到地望向她，她沒有迴避我的眼神。猜不到，我又沒有留意到她。
「唔怪得你嗰晚咁嘅反應啦！」我繼續吃，亦沒有再問。
她見我不追問，反而表情更難以置信。
「咩啊？你兩個醉到咁，你哋想我講啲咩啊？」她看來什麼都聽到。但她為什麼要告訴我？
我選擇繼續吃，反問她：「你嗰布甸仲食唔食㗎？唔食我幫你食埋佢。」
「食！你叫比我架！」她立刻護食，真的很可愛。

「咁食完我哋去拍吓拖、行一陣，你再睇吓想食啲咩？」
她聽到我這句，又呆了望住我。




她再淡淡地說：「你好耐冇同我拍拖啦……」
我再次與她十指緊扣：「食埋先啦～」

吃完天已經黑了，我和Kerry在天后散步向北角方向散步。