萬金油與孺子牛（第二季）見山無底（第三季連載中）: 22

「而家開咗好多夾公仔機店，我之前做marketing嘅行家話好多鋪都租咗俾呢啲連鎖嘅夾公仔管理公司。」她拉住我隨心走入一間，看到有一隻在洞口附近的毛公仔，她在沉思。
「點啊恆榮cool魔？計緊啲咩數啊？」
「呢個地段嘅鋪租黎講，呢度25部機，扣埋公仔成本、水費電費，一間鋪到底有冇賺到15000蚊一個月呢……」她在思考，喃喃自語，我則在旁邊兌換了四個$5，回到她面前的機。
「如果有，咁佢其實已經有20幾%ROI。」我投了個五元。
Kerry立即震驚了：「孫家弘你玩呢啲架？」
我用「斜甩」將公仔再拉近洞口，平淡地回應：「晴晴教我玩㗎，佢哋好多同學仔都會放假一齊玩。我之前研究過少少台灣嗰方面嘅Youtuber，有d唔伏嘅機其實用少少技巧，係可以玩，但係要識分。」我再投一個五元。Kerry好奇地靠近玻璃，看見我的毛公仔又拉近了。

「好似又真係就出啦喎！…」她似乎有點興奮：「點解我見你會㩒呢個掣嘅？」
「喔～呢個叫二收，你想個爪提早收嘅話，就㩒。」我再投一個，斜甩，二收。
「哇！！孫家弘！！你咁犀利嘅連呢啲都識玩！」公仔出貨了。Kerry興奮得雙手繞咗我頸後，吻了我一口，我耳朵就紅了。她把毛公仔拿出來，笑說：「呢個公仔晴晴中唔中意架？」這個林泳昕，自己崩潰了，還掛念著我女兒。




我繞在她腰間，烘近她，與她曖昧對望著，我感覺到她也很害羞。

「做咩啊？…」她輕輕、溫柔地、害羞地，眼神有點點左閃右避。
我慢慢、一點點，再貼近她唇，嘗試感受她的體溫、心跳、她的所有。她主動吻上來，唇瓣慢慢回應，與我吻上了一會。

唇瓣分開了，我留戀地望向她，拭走在她嘴角留下的唾液絲。她用毛公仔輕輕打在我胸膛上，抿了抿唇，溫柔地埋怨我：「呢隻唇膏好貴架～我今日已經補咗好多啦…」
「咩牌子呀？我買返比你啦！」
「Flora姐果隻。我冇SVIP，同埋我喺香港買架…」她睨了我一眼，便走出店鋪。我立刻追上她，拖住她手。
「好貴架？你想要嘅我買比你…」我還未說完。
她有點小生氣：「唔使啦～你個個女人都買嘅～」




我立刻從後擁抱着她，把她嚇一嚇，回首盼了我一眼。

「其他人自己買咪得囉～特別係有SVIP果啲～我淨係買比你一個。」我在她耳邊低聲說。
「咁…Flora啲化妝品同護膚品，我全部都要一set～」她居然想要Flora姐的化妝護膚工具？為什麼？
「下？…」我澄清：「你哋啲化妝品同護膚品我唔識㗎喎。我都唔知佢用緊啲咩…」
她帶點質疑望向我：「真係？」看來這個是「女朋友陷阱」，幸好我真的什麼都不懂。
「唔好話識，直頭見都冇見過！」其實…我見過，也記得。家中還有一盒她特意拿過來一起用的名牌面膜。所以我這樣回答，其實真的有點諷刺自己。
「放過你啦～」
我知，她不想打開「潘朵拉的盒子」。





我們走到北角，她忽然向我租了房的北角海璇那個方向看了一眼。
「北角…係咪好住過貝沙灣啊？」
她可能已經從舊下屬那邊聽說過我租房的事。
「貝沙灣環境舒服啲嘅應該。」我故意回應。
「貝沙灣太隔涉啦…啲人中意市中心，方便、一講就識。」她…真旳在說租樓嗎？
她緊抱住那隻公仔，停下了腳步。我站到她身邊，靜靜地站著。
「海璇好唔好住啊？」她開口了：「可唔可以參觀吓你間新屋？」
我覺得，Kerry對Flora，不止是情敵，似乎有種不知如何形容、莫名的執着。為什麼？

「上黎啦。」我不逃避，因為我覺得她提出的時候，她也是鼓起勇氣的。
她深呼吸了一口，眼神堅定地跟我上去。

我開了燈，她看了一眼四周，已經留意到我廚房多了些食物。她放下毛公仔，打開了雪櫃，看著那些飲品發呆了。我不敢想像，她可能是看見Flora買的代餐奶昔。