萬金油與孺子牛（第二季）見山無底（第三季連載中）: 31

「我哋由Kerry做marketing嘅時候已經開始合作，真係已經好多年。佢嘅專業性、分析力，係我哋合作過嘅人入面，可以話係最厲害嘅一個。佢啲嘢會幫你跟得最緊、最好，我自己都試過5:00收到佢嘅email，但係我真係好欣賞佢。Michael，呢個唔係我哋合作時候見到嘅Kerry。」這個是大福集團主席。

「Michael，我知道博聯同恆榮打緊仗，但係呢個形式嘅打法，確實令我哋幾個集團有啲頭痛……Flora同Kerry兩個，都好唔簡單，我知道佢哋唔會將自己嘅專業、公司同我哋品牌放喺危險嘅位置，但係，而家已經好貼近嗰條線……再玩落去，唔止我哋，內地頭三大集團已經開始驚…」利嘉國際的CEO說。

「佢哋呢場火，係我見過燒得最快最旺最危險嘅一場火。Michael，都知道我哋呢幾個集團向來要玩法。我哋一齊搭呢個圈、互利共贏，大家向來都係喺同一隻戰艦上面。唔好介意我哋直接，我哋都係驚火燒連環船啫……」他是建才集團主席董事長。

他們已經每人發言了一次。

「點呀Michael？有冇咩諗法？」TY反問我。
我正想再喝酒，Donald阻止我：「喂你夠啦你，第六杯啦！」




「我去個洗手間…」我想站起來，Donald拉住我：「答埋先啦～」
「我明白大家嘅顧慮。Flora同Kerry確實……」我欲言又止，轉個角度說：「對於點撲火，我有少少想法…但係我需要多少少時間。」我望向TY。
TY只是問了我一個問題：「你係咪真係想撲火？」
我沉默了一秒，回答他：「我向大家保證，唔會再燒到我地隻船。」
其他人是點點頭的，只有TY和Donald的神色不太好。我知道，我只是「出口術」過關，TY不會真正「收貨」。

Donald跟著我去洗手間，還刻意站在我旁邊的尿槽。
「TY問你嘅嗰條問題，你係知道答案嘅…」他邊上洗手間邊對我說。
他刻意跟我過來洗手間，就是為了說這句。
「我叫咗司機接我，一陣送埋你返醫院…」




Donald望了我一眼，又瞄了我私處一眼，搖搖頭。
「Donald哥…」我停頓了一下，害羞又不太理解地問：「咩意思啊你？」
「冇～我意思係，你成個人個package都好好，但係…」他又笑了。他拉好褲鏈去洗手，再說：「唔使啦～我個仔過緊嚟接我。你自己返去啦。」便離開了。

曾家才！你看還看，怎麼瞄完我之後，這個表情呢？我……！
看着他離開的背影，我真的又生氣又尷尬又害羞。

我最想不通的一點，以Kerry的性格，針對CEO決策、搶Farmans，為恆榮出師打Flora尚算有正當理由，但商會交流會的間接針對，這真的超出了她性格，甚至失控也不足以形容。真的需要這麼誇張嗎？還是她和Flora之間發生了什麼？…

離開的時候，TY等到其他人走後，走到我身邊。




「最近係咪苦惱緊永和物流？」
他居然主動提及自己的佈局。這個是他升級兩個集團對決的一個手段。
「你試吓交俾Kerry。」
TY是在給我提出一個「撲火」的方法。

表面上Kerry似乎需要和Flora打對台，理論上應該會把火焰燃燒得更厲害。但TY這個方法其實有點像森林救火的原理：當一個森林火焰燃燒得太厲害，無法撲滅，撲救者會在一個邊緣燃起另一條火線，兩股火線相遇的時候就會互相抵銷。這個方法原意是用來保護還未被燃燒的地方。

還有一個厲害的點，可以讓我間接看看，Kerry面對這個疑似是她「追光」的對象加情敵，所以這麼執着。我這個估算，到底是否正確？

我投以欣賞和佩服的目光對TY，他依舊是那種表情平淡、平靜微笑的狀態，望向我。

「好啦～我都走先。Michael，遲啲見。」
「再見TY。」

我將永和物流的事全權交給Kerry處理，外加了一個條件，希望他盡量令永和留在恆榮，不要讓他們選擇博聯。這是我故意，用來觀察她和Flora的。