萬金油與孺子牛（第二季）見山無底（第三季連載中）: Donald角度——番外7

Kerry幫Michael向我請假。Michael胸口痛，醫生紙寫上「過度疲勞、情緒過激導致心絞痛」。你說，有什麼心絞痛是疲勞、情緒，而且要一個女人自己請假陪同，並且幫一個男人請假？
世界集團的項目，林泳昕似乎已經知道，我在懷疑她和Michael的關係。她是間接告訴我，我放過去和她權力平衡的Michael，她擺平了。
哈哈哈……

翌日下午，我把Michael召到我辦公室。

「Michael你今日有冇好啲啊？你面色好似仲係麻麻哋。」問。
他點點頭。
我故意說：「聽講你呢排同Kerry相處得幾好，世界集團果邊話，想你同Kerry －齊負責跟。你哋兩個都冇問題？」
他，不就是在怕我嗎？




「我冇問題。Kerry應該未知。」他說。
「應該未知？但係你琴日嘅假紙係佢俾我㗎喎。」我故意說。Michael似乎在沉思。
似乎Michael對Kerry的佈局是完全不知情。但他應該猜到，我已經知道他們的關係。

他似乎有點不適，對我說：「其實琴日食早餐嘅時候撞到佢，之前London有一日佢唔舒服我幫咗佢，所以佢還返個人情比我。」他再補充：「而且你知Jerry係我朋友，佢話阿Ken對Kerry有興趣，想我幫手裏應外合。」
Michael是怕我會知道他和Kerry的關係，我會加大力度。所以他在掩飾。

「哈哈哈哈！原來Ken少中意Kerry呀？Kerry肯定唔知啦咁！我幫你保守秘密！」我笑了笑。
「冇錯。」他說，但眼神不是百分百相信我。
「哈哈哈！好好好…咁你就了解下Kerry點諗啦。」我點點頭。




「好。」
他離開了。

林泳昕實在太強了。
商業和感情，用一個佈局，多重得益。
用Rachel鞏固自己生意及事業位置，亦可以用感情激TY。
用Michael去建立對立山頭，收歸Michael強化權力去打破我的「防火牆」，同時還可以升級對TY的情感衝擊，迫TY前進。
這個女人，早就不是她中學時期、單純喜歡吃阿芬整的桂花糕的林泳昕。

可惜以孫家弘目前的所知，他不清楚Kerry的佈局，其實很正常。但孫家弘是有能力的人，要發現，我相信只是遲早的事。





雖然可能對Michael有點不公平，但Michael，的確可能是可以迫TY感情上出手的一個人。

既然世界集團分不到高下，那就看看，我將Kerry之前在市場部的兩三個得力助手換到業務發展部之後，能否不出Michael潛力。

「所以Peter哥咪升唔到職囉。」「你咩意思啊！」「你地咩意思先啱，我哋Co哥論手腕論能力論經驗都比你地個cool魔好！」「我哋Kerry姐係一打十…」…這個討論一發不可收拾。

我和Ben在門外正聽到他們的爭論。我伸手攔住Ben，先退後一步聆聽觀察。

Kerry走到Michael身邊帶點瞹昧：「聽唔聽到啊萬金油～」
「你個名幾時變到咁好聽架？」Michael睥向她，她仿佛有點甜笑：「宇宙最強甄子丹啊我～」
「我都可以一打十架～」Michael耍了兩下功夫裝模似樣，她被他逗笑了：「哈哈哈…孫家弘你可以拍喜劇～我叫Adrian幫你出宣傳片…」
「會唔會有關公災難架？」
「哈哈哈…我幫你拆掂佢…」忽然全場靜下來震驚地看著正在打鬧的Michael和Kerry。





他們對望了一眼，Michael立刻變臉：「呢度唔係M&S team，唔係你話晒事。我哋講求team work，唔係一人公司。林小姐，唔該你留返啲精力同客人打交道。」
Kerry默契地配合：「孫生，我唔該你地有時間講八卦，不如實事求事。」

「咳嗯。」我走前幾步，故意咳嗽。

「曾生。」「曾生！」……他們似乎全部都嚇一跳。
「做咩啊？我有冇阻住你地做野？」我說。
他們紛紛回到自己工位。
我看了他們一眼，走過去說：「黎緊我同阿Ben會去New York同Mr Cook傾合作。我同李老闆本身已經傾好咗個大綱，你哋負責跟。不過，我想你哋一人做一份project。邊份好，我同李老闆就揀邊份。」
「Ok冇問題。」
Michael和Kerry對望了一眼，其他人呆著望向他們。
「咁我地就好好Battle下～」Michael雙手插褲袋，自信地說。
Kerry恢復高冷的形象：「如果你輸咗，唔好怪我喎。」

嗯…哈哈哈……真有趣！





Kerry的仕途扶搖直上，會引起其他主管的不滿甚至競爭，是很正常的事。世界集團項目，公司有「內鬼」，我知道了。但我根本什麼都不需要做，Michael和Kerry會看見。

Ken解僱了他集團一個喜歡他很久的女主管。Ken的能力和手段向來不錯，但人情世故方面，還需要向他伯爺多多學習。

Michael行動了。公司的內鬼和搧風點火的Jenny，他找到了，行動了。人事部jenny的野心，我向來很清楚，是計算之內。

林泳昕……
從來雙手都是乾淨的。
嗯……梁德言，你的女人，比你可怕。