「三十分鐘的一人之境」: 「三十分鐘的一人之境」第一章

下星期就聖誕節喇, 

今日係假期前既星期五, 

辦公室都洋溢住節日氛圍,

同事們上上下下都打扮得帶有聖誕感,

好似響全年裡面，總有一晚，





大家都有種不明文既默契,

暫時放低工作身份。

紅紅綠綠既Christmas jumper, 

閃閃爍爍的聖誕頭飾,

未到下午茶時間, 幾位同事已經在茶水間,





品嚐緊客戶送來既紅白美酒, 精緻既朱古力,

因為是日晚上正是一年一度的公司聖誕派對,

其實都唔係咁偏好熱鬧既聚會,

講明先, 我無果D什麼社交恐懼,

只係更享受獨處,





但係一年一度既聚會, 

都唔好意思破壞大家既雅興,

最後下午五點放工, 

就離開辦公室, 

時間尚早, 

正值日落, 

就決定慢步走30分鐘路到舉行派對的餐廳,

一邊沿著電車路, 戴上耳機開著Spotify, 





聽住九十年代尾的港台流行曲, 

雖然係冬天, 但氣溫都唔低, 

十五六度帶少少微風,

夕陽西照, 同時有點陽光既餘溫照在面上.

耳機裡播緊既係果D千禧年代, 

已經很少人再主動搜尋的歌。

「其實我不忍告別你, 其實我深深愛著你...」





下一首

「朋友願明白不用待我太好了, 無需刻意去安排太巧妙...」

有D歌一起個前奏，

甚至會記得當年是哪一個情境聽過.

播左五六首歌,

行到左餐廳門口, 

玻璃門外望入去氣氛好熱鬧, 

佢地既嬉笑聲隔著門都聽得到。





望左幾秒, 

耳機裡那首歌剛好播完。

除下耳機收好, 

之後吸了一口氣, 

掛返起個笑容, 

就推門入左去.







凌晨十二點半，派對接近尾聲。

同事們都開始飲到步履不平,

相繼離開, 臨上Uber前, 

仍然好似依依不捨咁,

回頭揮手, 再講一次

Merry Christmas, 我地出年見喇!

此時我都順勢隨大家離開派對,

我屋企離餐廳不遠, 

走20分鐘左右就到,

唔駛猶豫就向跑馬地方向行, 

又戴上耳機, 沿馬路邊, 

仍然隔住耳機隠約聽見汽車聲,

身後既黃色街燈從背後影在地上,

一路跟住自己既影行,

好似有個沉默既老朋友陪我一齊行返屋企一樣,

行到屋企樓下, 

踏上樓梯,

一級一級行上二樓,

估計老婆仔女早已入睡,
 
小小翼翼咁打開鐵閘大門,

在玄關的小長櫈除低對鞋,

稍坐幾秒, 緩下心跳,

洗澡過後, 仍然未完全將今晚派對既氣氛降溫,

望住枱上面, 係朋友早前送給我作為生日禮物既威士忌,

難得長假期開始, 又未有睡意, 

轉身去廚房攞隻酒杯,

回到飯廳, 經過飯枱一手拎起支威士忌,

緩緩步向露台, 無開燈, 只係靠街燈微微照射入尼,

坐低左響右手邊既舊扶手椅, 

隔住張茶几, 左手邊有一張長櫈,

放下支酒同杯,

戴上耳機又繼續果個90's廣東歌Playlist,

「未眠如我不止一個, 誰沒有癡過夢過......」 

伸一下懶腰, 

吸一下城市舊區地味,

望出露台馬路對面,

仍然在營業既7-11, 

門外有架等緊客既的士,

除此之外, 街上空無一人,

再拎起支酒, 向酒杯斟左三分一杯,

輕輕呷一啖, 留在口中, 先沖洗下味蕾,

然後用鼻響杯邊聞一下酒香,

無太多專業品嚐成士忌既知識,

估計酒係咁樣品嚐掛?!

一陣醇香從鼻孔經過鼻腔再進入大腦,

身體放鬆, 雙眼放空,

腦入面又不由自主咁, 

想像到一個從未發生過既畫面。