萬金油與孺子牛（第二季）只緣身在此山中: 4
由於我們人太多，便分兩批入去。
「乞嗤……excuse me…」Michael把自己的西裝外套披到我身上，我望向他低聲問：「Kerry望住？」其他人望向我們的眼光非常耐人尋味。
「Kerry呢？」他再望一次，發現她不在病房中，又不在我們這邊。
「廁所掛？佢冇講喎。」Yanny說：「我幫你搵吓佢？」「佢會唔會啱啱去咗洗手間啊？」Dennis開口。
「唔緊要，一陣先。我去販賣機望吓有咩飲。」Michael說完便走去窗邊方向。
「Michael哥！」到我們了。
「Flora，你都嚟咗？」
「係呀Donald哥。你今日身體好啲嗎？」我問候Donald。
「Donald你今日點啊？」Michael帶點憂心地坐在他身邊。
「都係咁啦～Michael，你同佢哋都有心啦。公司點啊？」
「嚟緊山傲會同我哋合作喺香港嘅第一個項目。同埋跟進返之前第三期嗰個規劃。」Michael補充：「Uncle Hanson叫你要平復情緒。你前排又做過啲咩嚟，咁大起伏？你而家要快啲養好個身體，我同班細嘅等緊你架……」
「哈哈…」他還是缺乏中氣，但依然很熱情地回應Michael：「你成個阿爸咁！我唔嫌你長氣，佢哋都嫌你長氣啊！」
「咁你係我個仔嘅契爺嚟㗎嘛～」
「係喎，Kerry呢？」
「Donald，我係度。」Kerry正好進來，站到他另一邊床空位。
「忙唔忙啊最近？」Donald說：「忙還忙，你記得唔好chur死班細嘅。你知你㗎啦…」
Kerry的腔調似乎剛剛哭完有點沙啞：「嗯…我知啦。Donald，你都要好好保重。出院你要抱下皓熙…」
Donald似乎留意到Kerry的異樣，望向Michael：「你搞喊人呀？」
「冇呀。」Michael淡淡回應，又轉移話題：「你唔好擔心我哋咁多啦。你要擔心嘅話，快啲好返出院，過嚟公司大大聲咁鬧我。」
「哈～我幾時有鬧過你？」
「但係我想你鬧我…代表你有中氣。」
「收到啦～快啲帶佢哋去食嘢，唔好阻我瞓覺！」
我回頭打算離開的時候，看見Kerry原本望向我的目光躲開了，似乎故意把視線轉移到Michael身上。林泳昕這一連串目光的奇怪，我有點懷疑，她和Michael之間，到底隱藏着什麼秘密？
我們到中環高樓層吃fine dining，店舖雖小但裝修和景色都很美。
「孫生，頭先喺電話嗰度已經聽你講咗。你可以過嚟睇睇我哋啲食材，雖然同你d同事嘅menu唔一樣，但我哋整返份俾你，你睇吓啱唔啱食…」老闆親自邀請Michael去廚房。
「你諗住俾咗你嗰份俾我食呀？」我有點不好意思主動開口。
「唔好咁講，而家我嗰份係你哋之中最特別嘅喎～有錢都訂唔到㗎～」他輕鬆地幽默。
我有點欣賞地微笑：「孫家弘，你中央冷氣嗰朵咁響，係真係有原因～你真係好暖男。」
「你而家讚緊我定踩緊我呀，Flora姐？」
「讚美嚟嘅～意思話你係一個體貼嘅老細～」她輕撥瀏海。
「Kerry姐你做咩坐角落頭啊？你唔坐Michael哥隔離？」Jenny和Yanny對著躲在角落的Kerry說。我看見Michael只是輕輕望了一眼便隨老闆走去廚房。
我的目光不經意和Kerry對上了，她望過來的眼神，我想用一個字來形容：「Soft。」給人一種，有點觸電的感覺。我有種被她隔空挑逗的感覺，緊張地吞了吞口水，呷了一口茶鎭定自己。
吃之前，Michael站到正中間，舉着清酒杯對大家說：「最近Donald入咗醫院，公司少咗人，辛苦大家。今日大家食好啲！同埋希望Donald快啲好返。咁大家唔使客氣～酒水隨便嗌，我嘅～」
「多謝Michael哥！」「多謝Michael哥！」「多謝Co爺！」……
Michael確實是一個很有魅力的男人，面對比他年紀大的下屬，駕馭力超班。他的暖、安全感，是男人中的典範，也是女人眼中的模範老公。
「清酒啱唔啱？」
「唔該…」他斟了杯給我。
「你呢個恆榮大股東真係稱職～係你呢間中央冷氣房做嘢，一定好開心。」我舉杯與他乾杯。
「真係唔好意思，冇得俾你跟住我做嘢～」他笑笑說，回應我的乾杯，－口把酒喝光。
「話唔定遲啲有呢？」他和我相望而笑。
「你個心唔好，今晚唔好飲咁多…」我壓低聲線，關心他。
「如果我飲多咗，你送我返去囉～」他也壓低聲線對我說。
「你個Kerry坐得咁遠，佢聽唔到我哋講咩㗎喎…」我望向正在享受美食的Kerry，還有兩個似乎在講我壞話的「左右門神」Jenny和Yanny主管在Kerry身邊。
「佢聽唔聽到，我都係照咁同你講，冇咩分別…」我和他曖昧地對望着，她拓著腮望著他，呷了口酒。
我有點好奇Kerry為什麼躲在角落，她應該要一直觀察着Michael才對，為什麼一整天躲到一邊？他們之間，似乎有隔膜。
「你呢個邊有我呢個和牛咁好食？…」我默默把Michael碟上的普通三文魚腩吃掉，把和牛給他。畢竟他為了邀請我吃飯，把原本屬於他的套餐給了我，這個讓我有點不好意思。
「果然係美魔女～仲咁貼心。」他再次望向我。
「咩意思啊？嫌我老啊？」我故意烘近他。
「嫌你啲女人魅力太勁，搞到我移唔開視線…」他連喝了兩杯清酒。
「咁…我俾你望足一晚囉～」我嘴角上揚。
「好啊……」
林泳昕她，怎麼還未出手？
奇怪，我為什麼期待她出手？
「多謝Michael哥，我哋返去先啦…」「星期一見！」
酒過多巡，Michael似乎喝醉了。
「得啦Vincent…我自己走，你哋返去先啦。」Michael轉身打算自己走。
「Michael哥，你唔諗住帶埋Kerry姐走咩？」Michael回頭看Jenny和Yanny，還有Vincent。
「你哋幫我送佢返去。你哋走先啦，我有下場……」
「喂！得唔得呀你？…」他有點東歪西倒。我立刻走過來扶住我，他輕輕鬆開我。
「孫家弘！你想去邊啊？」Vincent在背後叫他，他回頭回應：「自己飲酒啊！」是因為林泳昕，我知道。
「你小心啲…」
我一直跟着他身邊，因為擔心他會醉在街頭，我帶了他上恆榮一家酒店的頂樓酒吧。用他的員工證，訂了一間空缺的海景房。既然他脆弱的時候Kerry不在，那就不要怪我出手。
「你今日飲咗好多啦……」我還未問候完，Michael便直接吻上我。
我有點驚訝，與他近距離對望。想不到，他這麼快便撇開了那個枷鎖。
「你真係好醉啦……你好紅啊…」我用手背摸摸他臉頰，有點暖。
我拿走了他面前的威士忌，把我的水換了過去。我說：「你飲少少水好唔好？」他沒有拒絕。
「Michael…我知…你只係因為飲醉酒、因為林泳昕，但係…我入博聯……」我想趁這個機會，再次進攻。我故意欲言又止。Michael再次吻上了上來，我享受地回應着……