萬金油與孺子牛（第二季）只緣身在此山中: 5

Michael租了海璇單位。

「Michael…」
我穿了低胸背心短裙，見Michael沒有反應，我問：「你做咩咁望住我嘅？唔好睇啊？…」

「好好睇…」我轉個身讓他欣賞，他主動拉住我手讓我側坐到他腿上，把花膠湯和湯勺拿起在我面前：「花膠雞腳湯，我媽煲嘅。靚花膠嚟㗎，美顏～」
我有點受寵若驚：「你特登拎俾我㗎？」他點頭。
我雙手繞在他頸後，深深吻向他：「孫家弘～多謝。」

我咬了一塊大花膠，烘近他，他吻了下去。我蜻蜓點水地吻了他數口，他也亳不客氣反攻過來……





翌日洗涮的時候，我腦海中想起在醫院看見林泳昕故意對我移開視線的目光、還有那夜林泳昕望向我的那個觸電的眼神，心中浮現一種奇怪的感覺，是一種從來沒有的感覺。我現在的合約丈夫，其實是我第一個男朋友。一直以來我將心思放在事業，我以為我已經放棄了感情的賽道，直至遇到Michael。

我深呼吸，再洗一次臉讓自己清醒一下。

「Michael～你屋企得酒同埋雪茄，我一陣落去幫你買啲嘢食上黎。本身仲諗住煮早餐俾你㖭…」Michael從後擁着我，在我頸窩感受着。
「Flora姐…早晨啊～」他伏在我肩上撒嬌。
我溫柔地摸摸個頭：「你咁可愛架咩孫家弘？」他像孩子一樣對我點點頭。
我笑著說：「肚唔肚餓啊？你俾我換埋衫，我哋落去食嘢好冇？」他點頭，但不肯放開我的手，跟了我回房間。
「喂～你唔放手我點換衫呀？」




「一齊換。」
「你咁痴身架咩？冇你收啊…」……

「Flora，關於恆榮同博聯run緊嗰個系統最新嘅市場分析同業務報告，我已經準備咗，我差唔多去到博聯，拎上嚟俾你。」我還在見客，林泳昕的訊息提醒我原本這個時間約了她，但我這邊一直超時。
「唔好意思呀Kerry，我仲見緊客行唔開。你唔介意嘅話放低俾我秘書，我睇完再同你約個時間開會？」我回覆她，之後就專心繼續見客。

直至終於見完客，我收到訊息發現Michael進醫院，便很緊張地過去找他。

「Michael你有冇事呀？嚇死我啦，我頭先見完客即刻趕過嚟…」
我跑了進去，才看到坐在他身邊的Kerry。




「少事啫，你去做野啦，唔使理我。」他安慰我。
「係囉Flora姐，雖然Michael係董事，但博聯嘅野都係你主力負責。佢入咗醫院你唔使咁緊張，唔會影響到博聯運作。」
我知道林泳昕在宣示主權，但，我沒有生氣。

「Michael唔止係我老細，仲係我朋友，我關心佢係好應該。其實Michael係一個對人好好、又暖男、令人覺得相處好舒服嘅人，喺我嘅角度，佢既然可以做到好老細、好嘅朋友，感情上佢一樣做得到。如果佢嘅對手係一種好逼迫嘅人，我自己覺得，先至會令Michael嘅情緒大上大落，影響到身體。」
我回應她。

「Flora姐咁直接，咁我都直接啲，其實我同Michael已經訂咗婚，我哋有個仔架喇。感情上嘅嘢，我比你更清楚。佢嘅身體，我都好清楚。」林泳昕，那種既銳利又曖昧的眼神，非常複雜。她給我的那種感覺，彷彿讓我有種壓迫感，令我心跳加速。
「啊，仲有，你上次講嘅意大利牌子，我建議你都係換過隻。成日都甩色，整污糟啲衫，洗起上嚟都唔係幾方便…」

「Michael，我遲啲再嚟睇你。我諗今日你未婚妻因為太擔心你所以心情唔係幾好…我返公司先。」空氣中那種無形的曖昧感，到底是從何而來？我裝作鎮定，維持平時的語氣和形象回應。便匆匆離開。

沒猜錯，TY進駐了博聯董事會了。
他的目標很明確：
收回屬於博聯的地皮、全面收購恆榮。




地皮中包括了Michael之前叫我們調查的那塊。看來TY真正要做的，可能是利用那塊地皮，去達到他自己的目的。

這件事似乎很困擾Michael。

我還不是很清楚箇中原因。但就收到法律部提出以私隱保護為由刪除資料披露的細則。這些細則其實是一些很普通的細則，所以這個舉動讓人感覺有點刻意而為。