萬金油與孺子牛（第二季）只緣身在此山中: 10

他把毛巾遞給我擦著臉，我深呼吸地與他對望：「對唔住呀，我有啲醉…」
他去廚房打開雪櫃，邊問我：「你頭先飲咗咁多酒，肚唔肚餓啊？煮啲嘢俾你食？」
「唔該Michael。」
他拿來了一些菜、雞蛋和公仔麵，清洗及先煮一下，順手沖了杯解酒茶，坐到我身邊。
「慢慢飲。」
「唔該…」
「你知唔知…我老公…其實係一個好好嘅人。」
我說。
「但係我哋之間…從來都唔係嗰回事。我好後生嘅時候…就知道，我揀咗一條路，呢條路…係冇感情嘅。我以為我唔需要…」
我停了一下，然後說：「直到我遇到你…」




我與他曖昧的對望。

氣氛，有的。欣賞，有的。想他照顧我，有的。
這不是喜歡嗎？

水滾了，他把煮好的麵和其他一碗放到飯桌，扶著我走去飯桌。我拍拍我身邊那個位置，帶點酒醉的喘息，讓他坐到我身邊。

「你記唔記得我哋第一次交手？」我吃了一口麵，還是有點醉意。
「我記得。」
「Kerry其實係度…」我說：「咁你知唔知…佢望你嘅眼神，唔係望向一個普通同事嘅眼神。嗰陣我就知道，佢睇中你了。」




我停頓了一下，輕輕說：「但係我唔知道，佢係因為睇中你呢個人，定係…睇中你呢個位置…」
我是故意這樣告訴他的，但也是真相。因為，她望向Michael的眼神確實是充滿城府，但對他的人、還是位置，我無從得知。

那麼，那次她喝醉了，吻完我翌日又忘記了，是把我當成Michael嗎？

我吃麵時Michael用手細心幫我紥住頭髮。我猜，他平時也是這樣對林泳昕吧，所以林泳昕才會因為他，不斷攻擊我。

我望向Michael，他用紙巾抹走我嘴角的雞蛋。Michael確實很細心體貼，也難怪Kerry會這麼喜歡。這樣的男人，實在讓人亳無抵抗力。
我放下筷子，一步步靠近他，再次吻上他。他沒有推開我，而是深深回應我的吻……





翌日早上，我在客廳沙發上喝著代餐奶昔，望着窗外景色發呆，沉思著。

Michael昨天吻我的溫柔，我腦海閃過了林泳昕的吻。那種…奇怪、心的壓迫感覺、唾液忽然分泌很多……我和Michael之間是否要有？還是，那些反應，是因為我身體在抗拒才產生？

此時，Michael坐到我身邊，靜靜地望着我。
我望向他。
「點呀Flora姐？我尋晚好唔掂咩？你咁嘅樣…」
「你應該知，我冇人可以比較㗎喎……」我一如既往烘近他，輕輕道。
「要唔要啊？」他把面膜遞給我。
「做咩啊？用我買嘅面膜同我賠罪啊？」
「佢細路女黎啫，你唔會同佢計較嘅～」他輕描淡寫。
「佢令到董事會同委員會公開埋我老公啲資料喎，你真係覺得佢係細路女？」我靠在沙發，繼續喝奶昔，又說：「林泳昕嘅能力，就算唔係同一間公司，都唔會睇唔到。」

Kerry她為了Michael，真的很用力。
我望向那片面膜，不禁感嘆林泳昕的觀察力。





Michael主動坐近，一手擁在我腰間，語氣溫柔地說：「所以如果你要反擊嘅話，我唔會阻止㗎～更何況我心目中嘅葉嘉儀，係五大集團都爭緊、都心服口服嘅女神。點會同啲細路女計較？」
「點啊孫家弘？我而家有冇咁老啊？」我輕拍我手臂，捏他的二頭肌。
他把我擁緊在懷裏，放低了姿態，溫柔地說：「冇～我抵打。咁…你想點對付恆榮，你講，我照你意思。」
我睨了他一眼：「而家恆榮CEO係你，你叫我話你知點樣對付你，有意思咩？」
他笑了。
我生氣了，推開他，但他把我擁回懷中。
「唔好嬲啦～你想要啲咩？我補償返俾你。」

我回頭望向他，與他鼻尖貼上鼻尖，握住他手。

補償……如果我真的把你搶走，那林泳昕……