萬金油與孺子牛（第二季）只緣身在此山中: 11

「你知你欠我啲咩咩？」我輕輕地說，與他對望著。我停頓了一會，想到地皮的事。
我補充：「你將地皮嘅主導權交比博聯。我唔係想為難你，我係驚，你唔犧牲塊地皮，TY下一步，會逼你博聯同恆榮二揀一。」

他深呼吸一口氣，放開了手，走過去拿了盒雪茄，打開了露台門。之後又坐回我旁邊點燃雪茄吸了一口，呼了一口。我拿起另一根雪茄，望向他：「你呢隻牌子成8000蚊一支，老細，我係李氏做咗咁耐，都唔捨得買。霍生都係需要見客應酬嘅時候先食，你咁豪啊？」
上次Kerry就是留意他的雪茄在煙灰缸中。

「要唔要試吓？」他遞給我。
我接過，吸了一口，呼出。
「佢係貴得有道理嘅～唔係淨係食，係享受…」他接過煙，吸了口，感受著它的香。
「地皮果邊，你俾啲時間我再諗吓。限期之前，點都要處理。」他說。





此時他放在茶几上的電話屏幕亮起，是Kerry的訊息。
「你媽媽同我媽媽尋晚整咗魚子醬蛋糕，佢哋叫我問你今晚要唔要返嚟一齊試吓？」
是林泳昕……
Michael把手機反轉，繼續抽雪茄。

「Auntie咁犀利嘅，連蛋糕都有研究…」我開口，但我不知道為什麼我會開口。
他繞到她身後，邊從後抱着我邊抽一口煙，呼氣，貼近她臉頰說：「我以為你淨係鍾意用魚子醬眼膜，魚子醬蛋糕你都啱？」
「你咁留意我嘅咩？」我有點受寵若驚。
他把雪茄放到我嘴邊，我吸了一口，呼出。





「其實我都唔係好識呢啲，但係你keep得咁好，係值得我了解吓…」他烘近我。
「咁…交換啊？我買盒眼膜俾你。」我反問。
其實，我是否在贖罪？覺得自己搶走了Michael，就叫他回去吃蛋糕？…

「得一盒眼膜？」
「你仲想要啲咩？」我好奇地問。
Michael似乎在思考什麼。是Kerry嗎？Kerry上次也在看我的護膚品。
我主動說：「其實我地女人護膚呢，真係有好多嘢，但係你唔熟嘅話，我好難知道你想要啲咩㗎喎……」
他抽了一口煙，溫柔地將我的頭髮繞在耳後：「我唔識，你咪教我囉……」




「咁…我教你點查唇膏……」我望向他，吻了上去……

我的合約丈夫讓律師把我們合約到期前最後的文件給我confirm。他因為家中情況，目前我們滿22年，可以離婚。作為合約補償，他會把一半家產給我，包括他持有的公司股權，這些全部都是我二三十歲時最想要的東西。但我現在，自己也持有李氏集團和博聯股份，其實，早已經沒有了當初那種慾望和渴求。

事業、金錢、地位和名聲……雖然我還有進步空間，但能保持目前狀況，也已經不錯。只是當我離婚之後，可能我會有一個名義上的空缺。
對於孫家弘，看來我要再主動一些……

「Leo，關於博聯同Farmans嘅合作，我哋……」
正在聊合作的時候，他收到一個訊息，暫停了我們的會議。
小休過去，Leo的態度180度改變。
「Flora，關於我哋合作上嘅細節，或者我哋遲啲先傾。我有啲事，我哋再約？」
這個告訴我，他剛才才收到的訊息，應該是收到一個比我們更吸引的方案。

「Flora姐，我搵下屬了解過，Leo嚟緊約咗恆榮嘅Kerry Lam傾合作。」
COO告訴我。




林泳昕，你又出手了……