萬金油與孺子牛（第二季）只緣身在此山中: 13

今日是香港頭十大集團每季一次的商業交流晚宴，是商會業內的交流會，主管級或以上才可以出席。今次在港島一間私人會所。Donald因為這個商會交流，向醫院申請出院一天。

Michael和 Donald 坐在我們的同一桌，TY 在另一桌最前面的，Kerry坐在我對面。

晚宴進行到中段，有一個環節是各集團代表簡短分享近期的市場動向。輪到恆榮，Kerry 站起來，她的分享，前半段是數據，後半段，她說了一段：「近期市場上有一個值得關注嘅現象——部分跨集團跨國合作決策，出現了一些非商業因素的干擾。作為上市公司，我地認為，任何涉及利益相關方嘅決策，都應該有更嚴格的披露機制……」

她沒有點名。但在場所有人，都知道她在說我。
林泳昕真的很大膽，居然將戰場搬到這個商會交流會，看來她是存心令我「形婚」、婚姻中的「合約」的事「被曝光」。
這代表她急了，她可能知道了我婚姻合約快要到期的事，怕我以後有更「自由」的身份接近Michael。她是對的，這正是我的想法。





Kerry在偷偷觀察我反應。我繼續喝她的紅酒，非常平靜。

輪到博聯，Flora 站起來，說：「Kerry 剛才提到嘅披露機制，我完全同意。」
場面靜了一下，似乎所有人都沒想到我會這樣開口。

「事實上，博聯國際過去，一直係香港上市公司 ESG 披露嘅標桿之一…」我停頓了一下：「我本人喺所有涉及個人關係嘅商業決策上，一直有主動迴避，有完整書面記錄。」
我故意環視了一下全場：「如果任何一位有疑問，歡迎查閱我地董事會會議記錄。我們係相當透明。」

下一句話，我輕描淡寫，但每一個字都咬得很清楚：「當然，我也相信，真正有實力的人，不需要靠打擊別人來建立自己的位置。市場，係會自己講野。」
我這句，是回敬Kerry的。我坐下來，繼續喝紅酒。





全場沉默了，紛紛望向我們這個方向。然後有人開始輕輕鼓掌。

我撇了一眼 Kerry，她的表情沒有變，但她的手，放在桌上，手指微微收緊了一下，然後鬆開。
我繼續旁邊的CFO Clevis說話，嘴角微微上揚。
林泳昕，你以為一兩個局，就可以動搖到我嗎？今日，證明你太急了。

我留意到Kerry 把手機拿起來，低頭看著屏幕，臉上什麼表情都沒有。再看看Michael，他似乎在和Donald竊竊私語。

晚宴結束時，Kerry走得很匆忙。




我走近喝得有些面紅耳赤的Michael，用手背輕輕摸我耳朵，關心地問：「點啊？要唔要同你一齊返去？」其他公司路過的高層，紛紛耐人尋味地看了我們一眼。我的嘴角，偷偷上揚。

「Michael！」TY走了過來，他身邊還有六大集團的主席或CEO。TY給了我 －個眼色，我知道他們有話要說。我便說：「唔阻你哋傾偈，我返去先～」便和CFO Clevis他們先行離開。

這天，TY約了我吃午飯，順便聊一下董事會的事宜。
「最近點啊？商會交流會果次，Kerry咁提出，你會唔會介意？」TY居然這麼直接。
「都係咁啦。博聯收購恆榮嘅話，Kerry同一班主管會擔心，其實都在所難免。佢只係用緊一啲，佢認為可以保護到公司嘅方法…」
可能是，也可能不是。

「博聯有你，－班董事都好放心。我最近裝修咗屋企嘅私人影院房，買咗套新嘅Hi-Fi，遲啲返上海嘅時候，就可以悠閒睇返套戲～」TY呷著茶，問我：「你鍾唔鍾意睇舊嘅電影？」
「中意啊，無論係新同舊嘅電影，有陣時得閒都會去睇下。」我呷一口茶回應。
「有冇睇過呢套…」TY展示給我他手機的搜尋記錄，《Only the brave》。
「有，真人真事嘅改編。」
「遇到呢啲咁大火嘅情況，佢哋通常都係會用以火攻火去保護未燒到嘅嗰片森林。可惜，呢個結局有啲傷感……」
「估唔到TY你都鍾意睇呢類型嘅電影。」




「哈哈….」他笑了笑：「係㗎，我咩類型嘅電影都鍾意睇。電影有時係一面鏡，你會睇到啲平時睇唔到嘅角度。」
TY看似在跟我閑聊，但似乎想告訴我什麼。關於林泳昕嗎？……

「真係唔係好慣香港呢邊嘅樓同環境，始終喺上海住咗10幾年。」他雲淡風輕地吃了一口點心。
「香港呢邊嘅天氣又潮濕、住屋環境都係比較細，同上海的確係唔一樣。」我微笑，也夾了口點心。
「下次你再嚟上海，我邀請你去聽吓我套新嘅Hi-Fi？」
「多謝先TY～」