萬金油與孺子牛（第二季）只緣身在此山中: 18
「講真，我哋都好耐冇見過你個樣咁愁。係因為博聯同恆榮嘅事？」Daisy問。
不是。
「係喎佢哋嗰邊啲嘢你最update。Daisy，講啲嚟聽吓！」
「我聽返嚟呢，就係恆榮BD主管Kerry林泳昕，呷醋呷到上枱面。之前特登令到Flora嗰邊嘅董事會要調查佢、仲查埋佢老公嗰邊。仲有，我聽uncle講，佢之前走去Flora地盤插旗，差啲搶走Farmans份合作。之後仲一直針對Flora，uncle佢哋話，佢哋只可以私底下搵Michael、Donald同TY去解決件事，完全唔敢靠邊！」
「唔怪得你咁愁啦！正室反擊…Flora…你……」
她們又望向我，我再一口氣喝了半杯酒。
「你有冇咁鍾意嗰個Michael Suen啊？為咗佢入博聯，你俾佢女朋友攻擊，佢有冇幫你出句聲啊？」
我沉默了。
默默地吃著洋蔥圈。
「最新嗰單係，呢個Kerry Lam居然係六大集團交流會度，想令Flora曝光佢同老公嘅嘢。呢個Kerry Lam真係好癲！為咗佢條仔，去到咁盡…」
「哇…咩女人黎架？」
「而家佢哋仲要成日合作，真係難為Flora喇…」
「真係唔可以睇少而家啲妹妹仔，做埋啲商業包裝去針對人，呢啲手段都算係極品……」
「我估Michael喺屋企一定係俾佢食住嗰啲～咁強勢又狠嘅女人…」
我握緊了酒杯，心頭揪緊了。
其實Kerry…不是這樣的人……
想起她現在可能和Michael在開開心心吃她最想吃的pizza。
她開心的是Pizza、還是Michael？當然是Michael……
我把半杯威士忌喝光，再叫了一杯。
她們一臉憂心地望向我：「你唔好飲得咁快啦Flora…」
「我哋feel到你唔開心…」
「Flora，你係咪真係咁鍾意Michael？…」
Michael…Michael…我……
所以我不開心，是因為林泳昕搶走了Michael嗎？
「我都明嘅…鍾意一個人嘅時候，真係好難控制自己。」Tammy繼續：「我初初未同我老公一齊嘅時候其實佢係有女朋友嘅，但係我真係好鍾意佢。嗰陣暗戀佢真係暗戀得好辛苦～明知佢有另一半，明知佢已經心有所屬，但都係成日諗住佢、個心真係好唔舒服，真係做嘢都冇心機……」
我正在呷酒，聽到這句我腦海卡頓了，被酒濁倒喉嚨。
「咳咳嗯……」
「點啊你葉嘉儀？叫咗你慢慢飲㗎啦。」
她們拉開我手中的酒杯，把洋蔥圈和薯條放到我面前。但她們望向我的眼神改變了。
「你就戀愛腦啫～葉嘉儀由中學到而家，都係事業型女強人。」
「咁果個Michael係咪真係咁靚仔㗎？」
「我有相！同埋我知道佢有做開gym，好大隻～」
她們在看Michael的IG和Facebook，還有那些商業活動的相片。
「又真係幾靚仔喎…」
「咁Kerry Lam呢？有冇相？」
「有！我有！」
她們在看Kerry的IG，我也偷偷一起看著每一張相片和story。
她有一張近期的和朋友聚會在別墅派對的相片，那件有些少低胸的背心，加上短裙，確實讓人有遐想。也難怪，她的追求者那麼多。
「其實佢幾靚女…」「點啊？你幫邊邊㗎？」
「靚係靚，冇我哋葉嘉儀咁靚囉～」
她們滑到一張大概兩年前她和李氏集團的二少爺的遊艇派對，她那身三點式泳衣，讓我的是誰瞬間回溯到和她訂造西裝，我看到她的三圍。她真的…是一個很吸引的美女……
「又靚女又大波…唔怪得啦～」
「咁佢真係幾有競爭力喎，Cambridge MBA，33歲升做marketing head，36歲做到香港頭三集團第三把手…」
「唔怪得我聽啲uncle講，世界集團Ken少，山傲集團Rachel，都喺度公開追求佢……」
「而家咪又係靠男人…」
我聽到這句，立刻盯住說出這句的Hilary，下意識反駁：「佢唔係靠男人㗎。我同佢交過手，佢係一個能力好強嘅人。」
「葉嘉儀，使唔使咁大反應啊你？我哋講緊你情敵喎…」
我……
她們原本還在看着電話，忽然像想到了什麼，銳利又詭異地望向我。
「咩事啊？」我呷著酒。
她們反轉手機，也呷著自己的酒或吃小食，停頓了一下，她們似乎在互相對望確認什麼。
「葉嘉儀！你記唔記得你出嚟做嘢之後，有段好長嘅時間，你成日同我哋呻你個女上司Cola？」
「係有啲咁嘅事。」我答。
「有一次佢原定坐嗰班飛機有事，你記唔記得你嗰陣同我哋講，如果佢死咗仲好？」
「記得。」
Cola其實是我一個很欣賞的女上司，她很會照顧後輩、能力和手段也很強。雖然她對我特別照顧，但可惜她已經結了婚，有時對於她太過分的照顧，我反而會表現得很抗拒，甚至都後期抗拒得會做一些小動作去對付她。
「如果佢嗰陣真係坐咗嗰班機，你係咪真係會覺得，佢死咗你會好開心？唔准諗，即刻答！」
我停頓了。她們望向我。
不是，答案一定是「不是」。如果她真的出事，我會哭得很厲害，甚至……
他們沒有問我答案，繼續說：「如果Michael決定同你一齊，甚至而家即刻同你結婚！你會唔會好開心？」
我……
她們看到我這個表情，沒有追問我，反而轉了另一個話題，繼續吃喝。
「黎啦～飲杯～…」「飲杯～」……