萬金油與孺子牛（第二季）只緣身在此山中: 19

「叫咗你唔好飲咁急㗎啦…」
「點啊葉嘉儀你？想唔想幫你叫Michael Suen過嚟？…」
「喂你唔好嚇佢啦～搵林泳昕個電話…快啲…」
我喝得很醉，還剩下一點清醒，伏在桌上，但我冇力阻止她們拿走我的手機……

「多謝你套西裝……喂你哋快啲睇！呢件係最新設計，我前兩日喺門市見到樣版，你哋估吓幾錢？」
「廿萬？」
「係三十萬！」
「唔係啊嘛？從來未聽過葉嘉儀會送成三十萬比人，親戚朋友就話啫，呢個喎？情敵黎架喎…」
「呢個係咩啊？快啲一齊睇！……琴晚咁冇分寸打攪你，真係唔好意思。搞到你要瞓梳化、又整燶晒你啲多士……」




「嘩！呢粒花生真係……」
「葉嘉儀中意果個係林泳昕……佢自己一定唔知啦！佢係感情上面不嬲都少條筋…」
「快啲call佢call佢！…」
我想阻止，但我真的伸手也無力。

「喂Flora？」是Kerry的聲音。
「係咁嘅，我哋係Flora朋友，佢係酒吧飲醉咗，但係又係咁嗌你個名喎。你方便嘅，過嚟同佢傾兩句？」
「係呀，佢真係係咁嗌你個名㗎！」我隱約分到是Hilary加把口。
「喂……」我盡力地吐出這個字。
電話另一邊停頓了。她們都以為Kerry收了線。




「你哋俾個地址我，我而家過嚟…」
林泳昕……

之後我好像斷片一段時間……

隱約清醒時，看見我疑似在自己家中的床上躺着，手擁在軟綿綿的胸上，面和鼻尖貼著一個人的臉頰、非常靠近嘴唇，有點模糊的面孔，有點像林泳昕，之後我又斷片了……

我真正醒來時，有些宿醉頭痛。
我拍拍腦袋，看一看手機時間，立刻嚇了一跳，已經到了上班時間。我差點嚇得要死，忽然秘書跳了一個訊息給我：「知道Flora姐，我已經幫你將會議改咗晏晝。」
改下午？




我按進訊息，看到我昨晚傳了一個訊息給她，告訴她我上午會放假，叫她幫我重新安排會議。
我有傳這個訊息嗎？

我真的很久很久未試過醉得早上會延遲會議。應該說，三十年都未試過，我昨天真的失守了……

洗涮之後，我看到廚房桌上有張便條：「煲內有解酒茶」
這個字跡……
我打開煲看，還好，解酒茶沒有「煲燶」。
阻慢！
等一等！
我昨晚……到底干了什麼？……

「點呀葉嘉儀？琴晚同kerry hap唔happy啊？」
「我哋好識做㗎，人哋過咗嚟之後就走咗。你仲有冇頭痛啊？下次唔好飲咁多啦～」
我們的姊妹群，她們關心我的訊息原本很好，但看見有Kerry這個名字，我不禁立刻按去其他公司群的對話，回覆著我需要回覆的人。一個、－個，他們群組的對話慢慢由最頂降下去，我深呼吸了一口，放下手機。





我拿起字條原本想扔進垃圾箱，但我猶豫了，我把它拿回房間，放進了我的迷你夾萬中。我沒有喝解酒茶，還是喝了代餐奶昔。

回到公司之後第一時間，我構思了一個必須博聯主導的永和物流計劃書，而非採用上次和Kerry開會的共識。我只是輕輕告訴Michael，暗示他是TY要保護博聯利益。其實我知道，這個是謊言。

最近，Kerry沒有再和我爭奪客戶，我們之間，唯一最着急的，只剩下TY的地皮和收購問題。
Michael有邀請我上他的單位，但最近我都已工作理由拒絕了他。
如果Michael回歸家庭、或者我放棄執着於他，或者…或者Kerry的生活就會回復原狀。我們之間，以後只會剩下商業合作……

「Flora，Donald個仔Damian幫Donald搞咗個出院Party，想邀請埋你。」
不是Donald邀請我，而是TY。
「冇問題。」
Donald休養了兩個多月，終於可以出院，對他們來說絕對是一個好消息。Donald是一個商界強人、我們的老前輩，恆榮之所以成為香港第三大集團，他實在功不可沒。