萬金油與孺子牛（第二季）只緣身在此山中: 31

「TY…點解…」Kerry會震驚這麼久，是很正常。
TY的撤局，不是一時興起。他是挑時機的。他在讓子彈飛。

「我同donald傾過，如果佢願意，就同Michael同James傾合併啦。」
原本我還好，但如果合併，我和Kerry…是否就要在同一家公司……
我不介意做回deputy COO和Michael分工，但林泳昕…不是…是Kerry……

「Flora唔使擔心，我哋會尊重你嘅意願。」TY對我說。
「合併對博聯都有好處，股價、業務涵蓋範圍等等分分鐘可以追近李氏集團嘅規模。」我呷了口水，強行讓自己用最理性的商業框架分析。





「如果真係合併，你同Michael、Kerry嘅合作就會更多。」TY微笑：「Flora，你OK嗎？」
他和我對望，我迫自己不要撇向旁邊那個不停向我這邊望的Kerry。
「只要係對公司有利嘅決定，我都會盡力配合。」
我再吃了幾口喳咋。
只是TY，溫柔地追問：「我唔係問公司，我係問你，O唔OK？」
在TY面前，他其實已經知道答案，我掩飾只會更糟。
「會慣…」我望向他們微笑。
TY滿意地微笑。

週末的晚上，我四位姊妹來了我家開派對。我已經在群組告訴她們，如果今晚問我一句感情問題，我就馬上把她們趕出我家。她們答應我。





「你公司真係諗住合併啊？你嗰個董事真係幾一時一樣…」
「你講TY？人哋係亞太最大天使投資公司松山資本嘅執行董事長，先有咁得閒搞呢啲細囈嘢啊～」
所以證明，他很重視他的接班人。
「咁勁？咁Kerry Lam…」「咳嗯…」Daisy故意咳嗽，阻止了Tammy給他們眼色。

「你哋快啲試吓我新調嘅酒～我自創嘅！」Joanne拿來四杯朱古力奶顏色的酒。
「咩嚟㗎？」「成杯朱古力奶咁嘅？」
「你哋飲一啖先～」她堅持。我也喝了一大口。
「朱古力奶vodka？」我笑著問。




「喂！好飲喎ane姐！」「點發現架？」
「之前同幾個議員去果d晚宴，有個新晉嘅小弟弟教我地飲～」
「小弟弟～～～～～～」他們紛紛用那種詭異？有耐人尋味的眼神望向Joanne，又推她手臂。
「靚唔靚仔㗎？」「大唔大隻先？」
我偷笑，－口呷下半杯。
「俾你哋睇吓啦～我地交換咗IG～」
「陳淑嫻～～～」「唔聲唔聲…」「Charm啦～大姐姐～～～」…

我默默地喝完一杯，自己嘗試把Joanne放廚房的朱古力奶溝入vodka，再呷了好幾口。
酒精在喉嚨、口腔、胃的感覺，加上那種快速上腦的感覺，似乎真的可以讓我忘記，忘記我那種痛……

「唉葉嘉儀……我哋知你失戀啦……」
「點啊？你係咪好辛苦啊？……」
有段時間我不知道自己在幹什麼，但我好像走了入自己房間拿了些什麼……然後…好像伏在桌上……
有段時間我好似在廁所吐了…聽到他們安慰我……





翌日我有一點點頭痛、眼角有淚痕，已經躺在床上。
睜開眼的第一時候，我嘆了一口氣，發呆望向天花板。
明明告訴自己不可以，但…我還是…喝醉了……

「Flora姐，你有冇好啲啊？」
「陰公豬囉葉嘉儀…唔好怪我哋多事，琴日可以做嘅嘢我哋都已經幫咗你啦…」
看到他們群組幾句訊息，我嚇得彈起來，正好看到比我打開了的迷你夾萬。我有一種不祥預感。

我立刻看看一大早被一堆公司群組洗版以下的訊息，果然，第一條是我昨晚給林泳昕發過的一個錄音。我立刻按進我們的對話，發現昨晚我的對話傳送了兩張一次性閱讀的相片及她，最後還有一段錄音。

是他們幾個的聲音：
「Kerry，葉嘉儀飲到好醉啊，佢喺佢個夾萬仔嗰度拎咗呢兩樣嘢出嚟俾我哋。佢揸住排胃藥又唔係食嘅，你睇吓呢兩樣嘢，係咪你嘅？」

重點是，Kerry已讀了，而且她還在線上。




我嚇得立刻把手機反轉，心跳加速腦海一片空白。

死啦……
撤不回了……

手機訊息聆聽響，我看了一眼，是Kerry。
「你而家得唔得閒啊？」