萬金油與孺子牛（第二季）只緣身在此山中: 64

「我想你哋聽我講一句。講完之後可能我之後都唔想再留喺呢個group…」

－個星期之後，TY出院了。
Marcus將「Kerry苦主群」改成「Kerry才是苦主群」。

Marcus還在輸入：
「你哋到底有冇人問過，Kerry自己想點？」

「Kerry為你地做咗咁多嘢，你哋一個二個，以為自己好愛Kerry，但一個二個都幫Kerry自把自為做決定。」





「言舅父，你將Kerry推咗比Rachel，係因為你怕、你懦弱。你以為你好大方，你先係最自私嗰個。你唔係愛佢最愛嗰個，你係鎖住Kerry最耐果個。」
Marcus，真的很真實很清醒。TY給Kerry的，是枷鎖。

「Rachel姐，對唔住，但係我必須要講，你留係Kerry身邊係一直想補償你當年好勝、睇唔到自己個心，你覺得只要留係佢身邊，就機會等到佢回頭。你同言舅父一樣，只係換咗個位置去執着、唔放手，你哋都係加咗把鎖比Kerry！」
Rachel一直以朋友身份，但還在執著Kerry。

Marcus一直在輸入。

「Michael哥，對唔住，你係最有問題嗰個。你本身已經得到Kerry個人、Kerry個心，係你自己推開佢。佢今日呢個狀態，你有份一手造成…」
確實。明明他已經是一個得到了Kerry的人，偏偏自己推開Kerry。





「Flora姐，你係Kerry姐計算過嘅人，但都係計算過之後都冇辦法唔在乎、冇辦法傷害嘅人。你嘅放手成全，係我最欣賞。但係你心底裏面，好可能係另一個言舅父。」
我……
但如果TY是Kerry的最愛。我根本沒有身份……

「原本我都唔想講咁多嘢，唔想插手。我知道我開咗呢個group其實就係最大嘅插手，咁係因為我真係對你哋每一個人都好冇眼睇。我份人向來好簡單，愛就愛，唔愛就唔愛。愛，我就相信自己係佢最好嘅選擇，我會俾佢最好嘅嘢。唔愛，我就好好放手，唔會令佢再擔心我。」


「如果你哋冇一個識愛佢，咁唔該，你哋離林泳昕遠啲。」他繼續：
「我對自己好有信心。你哋唔識愛，咁就我黎愛佢。」




Marcus他…也喜歡林泳昕……

所有人都已讀，所有人都在線上。

Marcus退出了群組，把管理員交給Ken少。
但Ken少，也退出了，他把管理員交給TY。
剩下TY、我、Rachel和Michael。

TY、Marcus、Rachel、Ken、Michael和我。六個人，六個答案，都是指向同一個女人。

Marcus的愛情是清澈的、簡單的、清醒的，是敢愛敢恨的。他有的特質，是我們都缺乏的。

這個群組我們愛上同一個人，擁有同一個弱點。

最近世界集團、山傲集團和松山資本在組建一個加深俄羅斯和中港來往的投資貿易公司，主要是AI投資、物聯網和批發層的跨境合作，和俄羅斯本國最大的貿易公司合作。恆榮本來和山傲、世界集團已經簽訂長遠合作計劃，合併成恆博實業之後更加入了松山資本董事會。





TY出院之後，重掌松山大股東執行權，Michael的信托、恆博身份和我自己已經入局的事，他已經知道了，他亦似乎很平靜。

這天，Michael的馬「永遠開心」和Ken少的馬「嘉利之星」第一次出賽，居然是在同一天同一場。這天，Rachel的「昕昕向榮」、TY的「泳躍言峰」也在另一場同時出現。TY、Flora、Rachel、Ken少、我在同一枱；Kerry、Bianca、TY老朋友邵總、Donald、Marcus在另一枱。

TY有三隻馬，「松山奔流」、「泳躍言峰」、「萬里昕空」。－隻是公司名、－隻是師徒情、還有一隻是「林泳昕」的名字。其實他三隻馬已經是他整個人完整的宣言。Rachel只有一隻，馬名明顯，而且一隻更代表她的一心一意，和她的性格很像。Ken少的10隻馬都是和公司、個人有關，但最新的一隻，偏偏是進可攻退可守的馬名。

Bianca來了。她是Michael一個曖昧對象。Michael 對Bianca、Venus和Karen，都保持著曖昧關係，TY、Donald、Rachel、Ken，甚至我本人，也知道。
我和Michael……同樣很複雜……