萬金油與孺子牛（第三季）此中有真意: 7

我正轉身望向她，Kerry忽然烘得很近我。
「聽唔明啊？…」她壓低聲線，輕輕、帶點兒挑逗對我說。

她……
我……

「又Hang機……」她喃喃自語。眼神似乎閃過一絲不滿。
她緩緩退後，拿起手袋，邊對我說：「唔該曬…男朋友…」
她轉身下車離開了。





我……
她……
我…Hang機？…什麼意思？
嗯……

這天下班時份，朋友為我烘焙好的撻出爐，我拿著去恆博的業務發展部。

「TY哥，你黎搵Kerry姐？」Mary把我招呼進來。
正好看到Michael在茶水間角落的身影。
「我買咗蛋撻比大家，可以一齊食……」我主動上前說。




我讓助手把蛋撻拿出來。他們部門的同事立刻上前圍向我。

「TY哥！Rosewood撻，好難買㗎！想買都未必有！你係點樣買到咁多㗎？」
「TY哥，有你喺度，Kerry姐日日都一定好有口福…」
「TY哥你放心！我哋一定會幫你照顧好Kerry姐…」……
Michael的舊直屬下屬Alan、Alison、Karen等都上前。

「Kerry姐，你男朋友嚟咗…」
Tammy和Kerry在辦公室走出來。Kerry看到蛋撻似乎雙眼發亮，走到我身旁。





「呢間酒店嘅撻好難買，你點會買到咁多嘅？」Kerry笑著問。
「我問我朋友，佢叫廚師幫我整。」我故意溫柔地微笑。
「咁犀利嘅…」Kerry的表情，是喜歡的。

Kerry正想拿一個，我阻止了她：「等等……」
我助手把一個盒遞給我，我在Kerry面前打開，裏面有酒店四個款式：蛋撻、奶茶撻、咖啡撻、抹茶撻。
她之前說過，想嘗試一下味道。

Kerry似乎很震驚，瞪大雙眼望向四個撻，嘴角壓不住：「你…特登搵人整埋季節限定款㗎？」
她…很喜歡……
嗯。

我把盒遞給Kerry：「慢慢食。」
她向來都愛吃。這四款，就順手給她試吃。
她的評語…應該也可以幫我朋友提升水準……




阿Ken…好像也有找Kerry試菜……
嗯。對。

「Kerry姐，你男朋友真係男人天花板啊…」
「Kerry姐你就好啦！…」
「TY哥你真係男人天敵啊…」……

Michael終於走過來。
「TY？黎咗？」Michael的眼神比平時銳利，而且在偷偷打量我。
他在比較。

「Michael，食個蛋撻？」我邀請他。
「多謝TY。不過呢款蛋撻我之前食過，你知我唔係太好呢啲。」他禮貌地回應。
我和他對視著。他，不友善。





「唔緊要。」我回應。
「你食唔食椰子糖？」他遞向我。
我正要開口拒絕，他收回：「唔好意思TY，我唔記得你唔太可以太多糖分攝取……」
Michael，競爭了。
Kerry眉頭皺了一下，但又很快回復，繼續吃撻。

「的確係…唔緊要，你食。」我從容地回應。
「咖啡對個心唔好，Michael，你都盡量飲少啲…」但我補充。

「我仲後生，齋啡、茶我之前問過醫生，佢話攝取適量冇問題。」他是故意的。
我微笑不語。

他和我同時望向正在吃撻吃得很開心的林泳昕，但他很快將目光重新投回我的面上。
他眼神的銳利，是我樂見的。





他拉高了襯衫手袖，正好展示到肌肉。
嗯……
這幾年，我確實沒了。Michael的肌肉、身型，確實是一個外表上的很大優勢。

「Mary，個冷氣好似…」他只說了一半，下屬回應了他。
「Michael哥，個冷氣同平時一樣喎……」
他呷了一口咖啡。
Michael這個年輕人，確實還很有火。子豪和他，在競爭方面的火候，還是那麼強。

「Kerry，收工未？」我問Kerry。
「差唔多。你有嘢做嘅話唔使等我喎…」Kerry吃著第四個撻，她果然，是個小吃貨。
「我去同Donald傾陣。」我回應。

「TY，最近我哋確實係多咗兩個新project，係阿聯酋果邊嘅，的確係需要啲時間處理。」Michael說完這句，Kerry展現了一個極短暫的不恥微笑。
我微笑，望向Michael，再望向Kerry：「唔緊要，我去搵Donald先。大家慢慢食…」





「多謝TY哥！」「多謝TY哥！」……