萬金油與孺子牛（第三季）此中有真意: 8

「梁德言。喺Donald office？」
Donald在用他最新買的景舟石瓢，沖著金磚會指定用的那款大紅袍，和我一起看著一段歐洲球賽直播。此時我便收到訊息Kerry的訊息。

Donald看了一眼手機，笑了笑，向我展示他的手機訊息：「Donald，你係咪仲喺office？」是Kerry問他的。
「你女人啊～」Donald取笑我，吃著合桃。
我拿了一手合桃放在掌心，目光放在球賽上。

「喂梁德言。你唔理我愛將啊？」Donald偷走我手上的合桃，輕輕敲著他手機的玻璃屏幕。
我呷了一口茶，望向他：「唔使理我，你可以照答佢。」
Donald皺着眉，歎了口氣：「點呀？話曬Kerry，我由佢11歲睇到而家。佢有幾固執，你唔知咩？」




我微笑了笑，再拾了一手合桃放手心，吃了兩顆。
「還好啦。」我說。
「還好啦？」Donald冷笑。他給我和他斟了杯茶，呷了一口，他在我面前回覆：「喺度。」
「你真係要搞搞佢～你都搞咗好耐，好似仲衰咗咁…..」他在壓住嘴角的笑容。
我用手捏一捏雙眼和鼻樑中間的位置。

仲衰咗。這個評語……

「Kerry真係一個要特登起防火牆俾佢嘅人…」Donald －手把好幾顆合桃放進口中。
「果陣喺恆榮，我已經知道，你女人出起招上嚟，唔單止公司，隔籬公司都會俾佢燒着…哈哈哈……」他哈哈大笑。




我呷了一口茶，輕輕自嘲的語氣回應他：「佢唔係我架Donald哥…」
他帶點耐人尋味望向我，又呷了一口茶。
「睇波啦～」我把一些合桃放到他手中。
「哈哈哈…..」他笑我。
「食合桃啦！」
「你都食多啲。補腦！你而家最需要～」
「咁你呢？」
「我而家無官一身輕！我老婆仲喺度睇緊個郵輪假期，叫我去英國陪佢玩兩三個禮拜。」他說。
「幾好呀，而家啲郵輪好多嘢玩。」
「我哋呢啲老鬼，後生玩嗰啲嘢都唔啱我哋架啦！志在食下飯、睇吓表演、睇吓個海，落船玩吓唔同國家影吓相…」





我呷了口茶。
年輕人。我們這些老人。
確實是Michael的優勢……
Kerry…還很年輕……

「喂…諗緊人地啊？怕自己太老啊？」
他忽然又耐人尋味、有點奸狡望向我。但他補充：「我都大我老婆8年啦！有咩問題呢？好多女人，包括我老婆，都鍾意啲成熟啲嘅男人。」
「你老婆大學畢業就同你結婚，生咗Damian。Donald，唔係個個男人啲魅力都好似你咁強嘅。我都冇你咁強…」我吃了幾顆合桃，再自嘲一下。
「你有一個架。你嗰陣自己推開人咋嘛。」他這句……

我一口喝光杯中茶，再斟一杯。
「我徒弟黎。」我輕輕說。
「好…」他呷了口茶，認真望向我：「你鍾意啦～」
「哈…」我微微冷笑。




這個曾家才……
總是那麼幽默。

咯咯咯……
她來了。
「入黎！」Donald喊道。Kerry進來了。
「Donald。會唔會阻住你哋傾計？」

「哈哈哈哈。Kerry！我同梁德言睇緊波咋嘛，黎，你過嚟坐…」Donald邀請她。她坐到我身邊。
我目光照樣在球賽和合桃上。
「梁德言，我記得你部電話好似都用咗好耐…」Kerry開口了。
Donald又在偷笑。
「唔係好耐…做咩？…」
她明知道，我的手機，是上年，朋友訂製給我的。
嗯……




「我而家同你去買部新嘅。啲電話太舊，有陣時更新唔到最新版本，會收唔到訊息。」她……
嗯。
「哈哈哈哈….」Donald哈哈大笑。

「我有其他電話，唔使破費…」我握住茶杯，但沒喝。
「你嗰啲係工作電話…」她輕輕說。
「哈哈哈哈…」Donald…又來了。Donald再說：「買多部電話有幾貴呀？梁德言？我約咗朋友食飯，而家要行啦。你哋走未？我叫Nancy閂門。」

我呷了一口茶。
「咁我哋唔阻你Donald哥。」Kerry說。
我們。
「咁－齊走…」我把手中的茶和合桃吃光，拿了張紙巾便站起來。

她，真的買了一部最新款的手機給我。
職員問是否需要過機的時候，她直接幫我拒絕了。測試手機相機功能是，她拍了一張我和她兩個人的自拍照。整個照片庫，只有這張圖片。





這部手機、這個手機號，她只儲存了，她一個聯絡人。

「做緊咩啊？」
和她去吃飯時，她忽然拿過我的新手機，按了幾下。我便問她。
她默默把手機放回我身邊，微笑：「食野～」