一世回味的初戀: 第3章：相識

好奇，令我對啊瑩個妹有興趣。（有興趣係指繼續了解佢，了解佢係生活上等等嘅野）

放學之後，我抱住會係小食部會再遇到佢，所以就扮去球場打波。
我故意約啊輝，啊力佢地打波，之後就話去買野食。

我行到去小食部，就問小食部啊姨：「啊姨，呢幾日係咪成日有個女仔食晏個陣嚟買野食啊？」
跟住啊姨就話：「係啊，晏就好小女仔會留係學校食野嫁。平時都係得你幾個衰仔會因為掛住打波而留係學校食野咋嘛！」
「佢放學都會嚟嫁，但佢今日晏就同我講會晏小小落嚟，好似話去圖書館啵！不過話時話，你個衰仔問咁多做咩？啊姨講咗咁多野俾你知，點都幫襯下啦！亅
我：「無啊，我無聊問下咋。緊係會買野啦啦隊點都幫襯下你嫁！咁呀，鮮搾橙汁啊！亅
啊姨就講；「個女仔都鍾意飲嫁！我每都整四杯嫁咋舌淨係賣俾你兩個飲嫁咋！亅


「哈哈，咁岩既！亅我笑住講。

同啊姨吹左陣水，佢就行緊過嚟。我就同啊姨講：「係咪仲有杯橙汁啊？我幫個個女仔俾錢啊！亅啊姨就二話不說就收左我錢。

我拎住杯橙汁，行埋個女仔杜，就講：「請你飲啊。今日晏就唔好意思啊，我掛住跑去打波，無睇路就衝出去，撞到你添。ＳＯＲＲＹ啊呀。呢杯野當向你賠罪。嘻嘻！亅
佢就笑住咁講：「傻瓜！咁你仲有冇事啊？大頭蝦；）」　　（ＰＳ：原來係叫啊詩）
我就話：「緊係無啦！嘻嘻！係啦，你好似今年先轉校過嚟，慣唔慣啊。。。。。。。。。。。。。。
。。。。。。。
。。。。。。。
突然，我聽到啊輝話：「喂！！！溝完女未啊？差你一個打３ＯＮ３啊呀！！快Ｄ過嚟啦！！！」


我就話：「啊詩，我班ＦＤ等我打波，你幾號電話，今晚ＳＭＳ再傾（個時未有ＷＨＡＴＳＡＰＰ）。」
佢就用張ＭＥＭＯ紙寫左個電話ＮＵＭＢＥＲ俾我，跟住就話：「打波加油，仲有多謝你杯橙汁！走先！」

我拎住佢俾我個張紙，仲開心過拎住張六合彩頭獎個張飛仔。跟住就去打波。。。