一世回味的初戀: 第4章：相處

打完波，離開學校。我懷住一個好輕鬆嘅心情衝番屋企。

一回家，就迅速走進浴室。
花灑發出的沙沙水聲，令我加快洗澡，更加令我急不及待地抺乾身體。

洗澡後，我拿著她給我的那張紙，將啊詩嘅電話號碼加進手機通訊錄。

心砰砰地跳，我正諗緊send咩俾佢。第一個send俾佢既SMS，究竟打咩好呢？
心裡面諗左幾個版本：
「嘻嘻，你估我係邊個？」


「哈囉，啊詩！」
「HI!」
「喂喂：）」

諗左好耐都諗唔到點揀，算啦，用番d小學雞嘅開場白，我決定腥呢個俾佢～「哈囉，啊詩，你估我係邊個？嘻嘻！」

係等佢覆我嘅時刻，心情十分忐忑，個心情就好似世界盃決賽互射十二碼個刻，最後嘅劊子手係我，而對方龍門就係啊詩，而球就係個個SMS。

突然，電話短訊鈴聲響起，我即刻拎起電話，打開收件匣。。。
「頂！你個死人啊力呢d時候腥咩SMS嚟姐，問我有咩功課，你都唔到嫁啦！！！」因為啊力個SMS搞到我好嬲，所以就無諗過應佢。



等左半個鐘，我正想瞓嘅時候，我被短訊既鈴聲嘈醒，我好似唔記得左啊詩件事，我又再次打開收件匣，原來係啊詩嘅SMS，我開心到彈醒左，佢覆我話：「傻瓜！隻腳無事嗎？多謝你杯橙汁:-)」

收到佢個短訊，佢一句簡單嘅關心，足以令我滿足。

跟住，係呢一晚，我哋為左了解對方，就不停SMS。

整晚，手機嘅鈴聲，噠噠噠噠，似是落雨時嘅水滴聲。。。

由於佢跟係我屋企附近，我哋就相約明早係公園等，一齊番學。