［報復］交換伴侶——我的日本淫亂之旅: Ch.1-用完即棄

我叫Yumi，三十歲，兩個仔嘅媽，離婚一年。

前夫同個細我三年嘅秘書結咗婚之後，成日喺Instagram放閃。佢哋去泰國、去日本、去歐洲——每一張相，佢新老婆都笑得好甜，每一張相，佢都攬得佢好實。

我睇到嗰啲相，會用力到手指發白，然後熄電話，對住塊鏡問自己：「Yumi，你仲有冇人要？」

鏡入面嘅女人皮膚仲係白，胸仲係大，腰仲係幼。但肚皮上面有兩條淡淡嘅妊娠紋，同埋一個細細嘅、已經褪色嘅紋身——
一朵小花。

前夫話過：「你生完仔之後，成個黃面婆。」



我要證明佢錯。

我要佢喺Instagram見到一個唔再係「黃面婆」嘅女人——一個佢後悔放棄嘅女人，一個仲可以令男人失控嘅女人。

我約咗兩個中學男仔一齊去日本——大東同阿猿。仲叫埋我最好嘅朋友阿欣。四個人，一間大房。我專登book一間。

我要影相準備post上IG，要俾全世界睇我而家有幾「精彩」。

但我內心深處，仲想試一樣更危險嘅嘢。



我想知道自己仲有冇魅力，仲可唔可以令男人為咗我瘋狂。

或者咁講，除咗「帶住兩個仔嘅人妻」之外，仲係一個「女人」。

臨出發前一晚，我幫朗朗同樂樂執行李，送佢哋去阿媽度住。朗朗臨走前攬住我問：「媽咪，你去日本會唔會買禮物俾我？」

「會呀。」我笑住摸佢個頭。

「我要爆旋陀螺！」樂樂大聲講。



我望住佢哋兩個，突然之間，個心好似俾針吉咗一下。

但係我冇喊。因為我知道，如果我喊，我就會心軟，我就會取消成個計劃。而我唔可以取消。

我要去。我要做。我要證明。

就算代價係咩，我都唔理。