都會錡思妙想ING: 0.5 . 離開熟悉之地

自從喺2026年6月，我喺西九龍CC考完最後一次考試之後，我就已經知道自己已經唔會入到心目中嘅紅磚大。試過向SPEED申請由Year 1 開始讀起，點知佢話只可以俾我讀兩年期既Top-up Degree，咁當然唔係想要嘅結果啦。
所以喺無奈之下就接受咗都大嘅學士申請。

你問我嘅話當然喺覺得唔開心啦，淨係都大並非8大UGC呢一點已經夠我心酸。間圖書館又唔夠紅磚大，而且個排名都幾後吓。雖然曾經一度掙扎睇吓仲有無機會可以入讀紅磚大，不過最後就係失敗收場，唉！

（2026年嘅6月XX日)

雖然我真係好唔捨得，但係都只能夠抱住呢種心情，最後一次利用我張學生證進入紅磚大。呢日出面既保安坐喺出面睇簿，而我用張學生證入去圖書館之外，坐喺4樓度。回想起6樓嗰陣時嘅一大班人認真做嘢嘅樣，刺激我嘅讀書意欲。又諗起自己喺某晚溫溫下書？因為太過眼瞓就瞓著咗，跟住就比人Post咗上IG等平台。

睇咗電話嗰幾鐘頭之後，就肚餓，所以就落咗去Canteen到食「最後的午餐」。期間當我望到出面塊草地既時候就會諗---如果當初GPA既分夠高，我係咪就可以無憂無慮咁入到嚟呢到做我想做既野，例如喺草地到躺平享受陽光等。之後我就喺Canteen到叫咗盒肉醬意粉。食完之後就搭校巴返CC，基本上都係玩吓手機同打電話之類。係有試過喺圖書館睇吓圖書咁既～ 不過睇咗無幾頁就覺得無聊而無再睇落去。到咗黃昏時間就搭港鐵返屋企食飯。