都會錡思妙想ING: 5. Week 4(1) 睡眠與生病
唉!其實呢個問題喺Week 3 嗰陣時已經出現咗啦。Feel 到個鼻唔知點解透唔到氣。所以就已經被人話我既鼻鼾聲好嘈。不過當時我無諗住處理,以為自己只係普通傷風感冒過幾日就會好返。點知去到今個星期就出事。
星期三上數學堂嗰陣時瞓著咗,事源係我入到都大之後依然每晚都超夜瞓,大概喺係凌晨五點既時間先瞓得著。因為我每次上上吓堂都會瞓下覺(無辦法啦,鬼叫啲Lecturer 次次講書都講到咁悶,搞到我完全無發問嘅意欲。)然後返到屋企會睇JFFT或者睇Hololive睇到個人好興奮,搞到自己喺半夜十二點嗰時無乜睡意,然後我就走去打開個Threads睇吓有無靚靚cosplayer。有既話我會俾個like佢。順便碌吓其他嘢。去到凌晨兩點就係屋企到搵宵夜食(肚餓嘅話當然更加瞓唔著啦。) 食完個宵夜之後走去睇吓動漫新番,睇咗幾集,睇咗大既幾集就唔刷牙就咁瞓著咗。
睇到呢到你會問我:「Tony, 咁你喺唔瞓覺既日子係做咗咩先至會喺堂上有積極表現啊?」我自己嘅做法就係喺上堂之前飲一罐Redbull先,飲完之後嗰日全日都無乜睡意。就可以專心聽書。但係嗰日朝早遲到就唔記得去附近Seven去買罐RedBull返去飲。然後個Lecturer 講嘢又係好悶。我既眼皮喺幾分鐘之後變得越嚟越重。之後就瞓著咗。
「ZZZ...ZZZ...ZZZ...ZZZ...ZZZZZ....ZZZZZ....ZZZZZ...ZZZZZZ....ZZZZZZZZ....」
瞓咗唔知幾耐先醒返,個口流曬口水咁嘅款,跟著就隱隱約約聽到周圍有笑聲,我就知道自己嘅醜態應該被人SEND咗上去Threads到。
食完飯之後就唔知咩事,個鼻無啦啦唔知咩事係咁流鼻水,搞到我喺上SCI堂嗰陣時就不斷係咁打乞嗤,跟住要用紙巾抹走啲鼻涕又喺度包雲吞。跟住成手鼻涕咁摸落部電腦到。啲同學個個都喺到用奇異嘅眼光望住我,見到我就想彈開九尺遠。落咗堂之後個鼻仲喺好痕,就去咗將軍澳醫院嗰度Book耳鼻喉科排期。因為我真係唔想日後比人話用個鼻哥窿吹鼻涕氣球呢啲事咁核突。
返到屋企之後,就發現喺Threads到有自己上堂扯鼻鼾嘅片段,甚至將呢個事件等同鐘大教授講女人讀完書攞幾高GPA都冇用。因為最後都係要靠美色去「釣金龜」。拿,我本人係相當反對呢種言論嘅,我覺得女人同女人可以喺埋一齊拍施,一齊住,跟住再互相分享生活嘅點點滴滴,香到爆。最後就可以。。。。。。。
(喂,呢到係Tony本人裏面嘅18禁幻想,唔可以寫出嚟,所以就已經省略號下删咗幾千字,如果唔係嘅話個被個system當係甜故處理,人哋希望呢個故事盡可能符合合家歡呢個形象。)