其實好耐之前,我就一直好想喺個舞台到展示自己嘅歌喉。但係如果你問我點解喺西九龍嘅表現,我只能夠話係一條友發癲而唔係真正嘅表現。

而家我哋將個時間倒返去7月11號。

當晚,雖然小弟並無親身參與JFFT 嘅演唱會。但係我睇佢直播聽成班成員歌唱嘅時候。個心跳得好快,個人身體變得好熱。情緒就算無入到現場都覺得好Hyper。由其係米爺同埋黃淑蔓唱嗰首《旋轉木馬》。聽完之後對裏面嘅歌詞同埋旋律上曬癮。自此之後只要我有mood, 就會喺間房到唱,將沖涼房當成自己私人演唱會咁表現。

一路唱一路幻想自己可以好似米爺企上舞台咁唱歌。跟住自己可以聽到落下既人大大聲喊加油啊Tony, Tony我支持你啊。唔單之咁,我仲可以跟同我同界同學一齊練唱歌,一齊練排位,如果有幸嘅話可以一齊食飯。有時可以就住學業上嘅困難互相訴苦,有時可以喺夜蘭人靜既時候傾訴其他心事,對我嚟講,呢種就係屬於大學生既青春。

跟住我喺部手機到打返開Outlook, 搵返學校出嗰篇有關才藝表現嘅email。咁就會見到最下面就有條Link既,掀入去就會見到一份有關於才藝表現嘅Google Form.





份Form就大約咁樣既:
姓名:Tony
學生編號:26XXXXXXX
就讀:Year 1
性別:男
就讀programme: XXXXXXXXXX(呢啲係我既個人私隱,唔能夠公開的)
想以咩形式參加比賽?團體
初賽歌曲:旋轉木馬
如果入到決賽打算表現歌曲:初心love





跟住我就等咗一段時間之後掀咗提交,一開始都好擔心自己會入唔到個提名,不過之後就發現有個名為「星夢好聲音」既群組邀請我去加入。不過「星夢好聲音」呢個名有少少鬼馬。(感覺就係個管理員知道自己有睇曬TVB星夢傳奇同埋中年好聲音系列,而目「星」字同「聲」字又和音,就係為咗準備我既加入)

加入咗一陣之後,發現個group出咗啲故障,好在無幾耐就修復返。

呢個時候我又睇到Threads上面啲留言,褒貶不一。
貶既就話「Tony要喺個舞台上表演,佢應該會唱到好似胖虎咁難聽,速逃!」而褒嗰邊就話「Tony靠佢自己嘅知名度感染到一班新生,提升日後對校園生活嘅希望。」

睇完之後,抱着平常心,繼續練歌。如果有一日你聽到廁所有人試唱《旋轉木馬》,係我喺到練緊歌喉。對我嚟講,呢個小小時段係可以放鬆自己啲肌肉,等自己有更好練習效果嘅方法。希望大家唔好介意。
已有 0 人追稿