???:「吳先生,你終於清醒啦?睇嚟我哋而家可以去做檢查啦。」

叫我既係一位大約三十歲左右嘅姑娘,咁我就係警方嘅陪同下帶咗去檢查房嗰度做檢查。

做完檢查之後,份report就出咗嚟,負責我單case係個五十歲地中海大叔男醫生,有碩士學位。佢見到呢個情況就對住我同班警員講話我既情況需要留院觀察至少二十八日,而且需要暫時性沒收我部手機。

咁我就當然好緊張咁樣講:「醫生,其實手機對我嚟講只係一個紓壓方法,如果無咗手機嘅話會令我更加忍唔住亂咁諗野!會搞到個情況更加嚴重㗎!」

醫生:「呃吳生,根據警方交比我嘅資料顯示,似乎係因為你長期上社交媒體,導致你嘅身心靈嚴重同現實脫鈎多啲。」





我:「我唔信!我唔信!你講大話!你比返部電話我。。。」

話口未完,留意到幾位警員壓制我落地下。跟住接受班姑娘指示話因為我情緒唔穩定,所以要將我綁住係張床到唔比我郁,咁樣我就睇唔到電話。

我初頭喺將病床到叫咗幾十分鐘,叫佢哋唔好綁住我喺張床到,咁樣會令我好辛苦。但係喺佢哋嘅眼中,面前嘅「吳先生」即係我本人係一個隨時會爆炸嘅炸彈,所以佢哋就用比普通病人多一倍嘅強力膠紙痴落我個身同埋四肢,再將膠紙嘅尾端貼落床底,等我走唔到。

咁綁我喺將床到對自己嚟講有咩影響呢?

除咗無得望著部電話之外,連食嘢飲水去廁所都唔做得,我只能夠依賴吊住身體嘅營養液去生存,大小二便係要靠姑娘幫我換片。可以話係咩尊嚴都無曬。





喺我眼前嘅,唔單止係其他同我一樣有精神病嘅患者,同埋無手機嘅多巴胺強制戒斷嘅痛苦生理反應。以及強制絕食(就係因為我四肢無得活動嘅情況下無得去攞嘢食,我啲肌肉就會痿縮),即係話呢次強制減肥減走嘅主要係我啲肌肉,而唔係脂肪。

本來以為抽唔出時間畫畫經已好慘,而家咁樣人身自由限制搞到我乜都做唔到,真係一山還有一山低!
已有 0 人追稿