鄰家少女 --- 第二季: 洗傷口

食波餅跌落地嗰陣，原來我隻右手手㬹擦損咗，印度妹堅持要陪我返屋企，同我處理傷口。由球場行幾分鐘，就返到我住嗰間村屋。

入咗屋，印度妹先同我入廁所用水沖吓個傷口，跟住佢叫我出廳先，佢想借廁所用。

我攤咗响梳化，望吓右手手㬹，其實只係擦損少少啫，搽啲消毒藥水就 OK 啦。

「藥箱放喺邊？」印度妹响廁所出嚟。

「冇藥箱喎，消毒藥水同膠布就有啲，放响嗰度。」我指一指電視櫃下面，左手邊個櫃桶。



印度妹好大陣仗咁，摷晒啲黃藥水呀、綿花呀、敷料呀、膠布呀、較剪呀等處理傷口嘅物品出嚟，放晒响梳化上面。佢响我前面，盤膝坐响地下。佢搣咗舊綿花，蘸咗啲黃藥水，哄個身向前，捉住我隻右手，輕輕力咁印吓印吓手㬹嘅傷口。換咗幾舊綿花，洗好傷口，就舖上敷料，再貼上膠布。

「搞掂！」印度妹望上嚟。「今晚沖完涼，你要自己洗傷口呀，唔係會發炎㗎！」

印度妹坐响地下，我居高臨下咁望佢，佢兩隻手臂有好多細毛，由佢件背心領口望入去，見到佢著住個深藍色 bratop，緊緊咁包實佢對波，見到乳溝！……望住印度妹條乳溝，加埋佢身上嘅汗臭味、咖喱味，我碌嘢不受控咁扯起咗！……

「高志輝，你鹹濕！」印度妹望住我，揸住把較剪，指住我褲浪！

我碌嘢响條短褲入面扯起，一柱擎天，褲浪位好似帳幕咁拱起咗。……碌嘢扯起，我都控制唔到，我好尷！……



「你……好嗦吖嘛！……仲要咁著喎，我咁嘅角度睇到，……自然反應啫！……」我望住佢個胸！……既然冇得掩飾，就唯有讚佢有吸引力啦！……

唔通……我話聞到佢陣咖喱味體臭，然後扯旗咩？

「總之……你昅我！你鹹濕！……」印度妹將把較剪隊近啲我碌嘢！……另一隻手掩住個心口！……「不過，你係第一個話我嗦嘅香港男仔！……」

印度妹耷低頭，面露微笑，執拾梳化上啲物品，放返入電視櫃個櫃桶。跟住佢走埋嚟，坐响我身邊，然後……

「好喇，我走喇，聽晚球場見。」印度妹哄塊面埋嚟，……咀咗我塊面一啖！……



印度妹急急腳出門口。

瀨嘢喇，瀨嘢喇！……亂講嘢！……玩大咗喇高志輝！……

印度妹冧我呀！……