鄰家少女 --- 第二季: 打水戰

星期六，熱到嘔，今晚場波會踢得好辛苦。

老頭同老媽子過大海，去澳門食好西兼玩幾手，聽日先返。屋企冇人，平時我會响廳睇 AV、打飛機。不過今晚有場大戰，都係禁吓慾，希望今晚表現好啲！

黃昏六點幾，煮咗個步隊鍋辛辣麵，食完，就換波衫去球場。

入到球場，未見我啲 fd，只係見到印度妹响度練緊射波，對家有幾個老嘢坐响場邊煲煙隊啤。

「咁早呀印度妹……」我衝口而出，「呀唔係，……係戴安妮先啱！」



印度妹著咗件白 T、黑短褲，著住尋日嗰對粉紅色 Nike 硬地波 boot。佢件 T 背號係 7，心口印咗 SSLS，又係校隊衫？

「早啲嚟，warm up 吓。」印度妹用腳扚吓扚吓個波。

「咦咦，今晚有妹妹仔陪 uncle 踢波呀？」有條老嘢，揸住罐生力行過嚟。

「秘密武器！小心啲呀 uncle~！」輸人唔輸陣，寸返佢先！「咁早就隊啤，一陣耍醉拳呀？」

「side bet 吖！我哋贏，你請我飲一罐生力，你哋赢，uncle 請晒你成隊飲汽水！」uncle 一口氣飲晒罐啤酒，跟住一手揸扁個罐！



「deal！」我同條老嘢握咗吓手。咁筍，冇理由唔賭啫？況且我對印度妹超有信心！

好快兩隊齊人，我早兩日已同班 fd 講咗，印度妹會踢我哋嗰隊，佢哋冇異議，反正唔夠人就踢唔成。

今晚班老嘢好氣好力，趁我哋未企穩陣腳入咗一粒，上半場領先 1:0！我哋都唔係冇機會，印度妹有腳遠射中柱 (又係中柱！)，有腳助功俾肥滔，但係肥滔炒高咗打飛機！

中場休息開始落毛毛雨。睇嚟下半場要打水戰！

果然啲雨越落越大，場中廿二人都混身濕透。打水戰要消耗更多體力，對班老嘢極之不利。



下半場末段，我嗰隊連入三球 。先有印度妹嚟一球遠射，對方龍門跣手個波入咗網追和，跟住對手擺烏龍，最後肥滔近射埋齋！

「願賭服輸，去 7 仔飲嘢，uncle 請！」條老嘢望住印度妹，豎起手指公俾個 like 佢！「妹妹仔，下次打 uncle 呢隊！」