其實依一晚我只係想大被冚過頭,好好咁瞓一覺,將不安同埋老麥反面嘅事放埋一邊。但喺,唔通嗰天都唔Like我?

正當我瞓到好迷既時候,手機竟然響起上嚟!我仲要學人玩懷舊,鈴聲改咗用「玪......玪玪......」果種古董大座電話響聲。

我嚇到成個人彈咗起身,意識到喺電話響之後,望一望床頭嗰鐘「兩點十五分」,唔喺呀!

「真係痴Q線架,邊嗰咁夜打嚟叫我疴夜尿咩!」我份人,瞓緊覺時俾人嘈醒時喺最躁!都唔理喺邊嗰打嚟,拎起電話,我就爆啦。

「喂!邊嗰弱智咁夜打電話嚟呀?依家幾點呀!」我精神仲喺迷迷糊糊,暫時諗唔到啲咩插佢。



「... ...」電話另一邊無人回應。

「喂!喂!要玩電話搵第二個,再唔講嘢,我收線啦。」我對住聽筒喺到咆吼,打錯都好講聲Sorry 咪收線囉,衰就要認。

「... ...」仍然無人講嘢。依一刻,我都靜咗落嚟,加上己經夜半三更,屋無人聲,街無車聲,我隱隱約約喺電話聽到一啲非常微弱嘅聲音......

風聲。

「呼......呼.....」就好似喺一個空洞裡面,微微吹出嚟嘅陰風。



我成身即刻起哂雞皮,由背脊一路痳到上頭頂,快快手收左線之後,㩒埋機身個靜音制,然後鑽番入去被竇。口中不停咁搵嘢念,聖經也好,佛經也好,總之只係祈求嗰怪電話唔好再響啦。

不過,對方好似唔想放過我,雖然隔住咗張被,我依然聽到手機又響啦。

等等......我唔喺己經㩒咗靜音咩,點解仲會響。唔好理佢,睇下邊嗰夠耐性。

「玪......玪玪......」仲唔收線。
「玪......玪玪......」「玪......玪玪......」唔好再嘈。
「玪......玪玪......」「玪......玪玪......」「玪......玪玪......」做咩?點解越嚟越大聲。
「玪......玪玪......」「玪......玪玪......」「玪......玪玪......」「玪......玪玪......」鈴聲罷明向我挑機,越來越嘈,越來唔密;我實在忍唔住!當睜開雙眼時,我真喺嚇到宿咗埋牆角。



部手機......點解會走咗入我嗰被竇!

屏幕畫面一閃一閃,鈴響玪完又玪。如果再吾聽,嘈醒隔離鄰舍俾人投訴就煩。

我咬緊牙關,吞咗啖口水,慢慢拎起電話,先㩒左接聽,然後先僈慢咁將電話放近耳仔邊。

果陣空空洞洞嘅風聲又傳入我耳,我唔敢出聲,靜靜咁等。可能下一刻就會聽到有條醉酒佬喺到嘔呢。

可惜,自我安慰無實現到。而對方亦無任何回音。

但喺,如果又收線,我有預感,對方一定又打嚟玩嘢,所以我鼓起所餘無幾嘅勇氣,用最有誠意嘅聲線:「喂。」

我感覺到風聲好似近咗。



「唔好意思呀,我頭先啱啱瞓醒,語氣唔好,多多得罪,有怪莫怪。靚仔唔識世界。」唔理喺邊嗰,我死哂狗咁,只求佢出句聲,鬧我插我咩都好。

「呼......你......」啊!喺咪有人聲?雖然好微弱,但喺我好肯定佢講咗嗰「你」字。

「喺喺,喺我呀。你果邊收得好差喎。」好囉,有人回囉。一天都光哂(三點都未到喎)。

「呼......你做......」

「嗯嗯,我做?」嘩,真喺收得好差。

「呼......你做咩......」

「我做咩?喺咪問我做咩?」你先最要換電話。

「呼......你做咩改......」



「改?」你講咩嘢呀......

風聲停了。一把淒厲女聲狠狠鑽入我腦入邊......

「你做咩改我啲相呀?」