成日聽人話「嚇暈咗」,我仲以為邊有咁易架,估唔到依家我俾把女聲一嚇,竟然真喺不醒人事。

都唔知自己暈咗幾耐,總之醒番之後,望出?外依然天都未光。

個頭仲有啲暈,又有啲痛,原來所謂嘅暈同平時劈完酒差唔多,又暈又痛之後斷片。

我好自然咁拎起放咗喺床邊嘅手機,吓!竟然暈咗成日架啦!依家己經喺另一日嘅夜晚八點。

醒番又要面對現實,依家究竟問題出喺邊先?琴晚嗰電話雖然好得人驚,不過又真係聽到喺把女仔聲:「你做咩改我啲相呀?」



咁咪即喺,果把聲就喺自拍照嘅女仔?亦都有可能佢就喺「前」機主。不過,諗諗下亦都有機會真喺啲污糟嘢扮咗其他人想對我不利喎。點都好,要我就咁掉咗部手機我又真係無咁豪,話哂都成千銀買番嚟,用起手又無問題,上網仲好快添。

而且,最重要喺我嗰心入邊,真喺好想喺自拍照嗰女仔打俾我。

我又忍唔住,打開相簿一張張咁重睇一次。

突然,手機微微一震,好彩唔喺響,唔喺又俾佢嚇多次。

我退番出主頁,有嗰新WhatApps訊息。



打開WhatApps通訊錄,原來喺老麥留言,計落佢發脾氣走咗去都成日,咩氣都消哂啦。梗喺約食飯。

點知,開咗嗰留言一睇,竟然喺成頁嘅粗口!差唔多我所認識嘅中文粗口,英文粗口樣樣有齊。我一路拉落去,拉到最後一句就用粗體打住:「你條X街!唔好再打嚟啦,好狠煩呀。」

喂!依家咩事先,我做過啲咩呀?駛唔駛鬧到咁盡,我邊有打俾老麥呀?我暈咗成日呀,粒米都未落過肚,關心都無句仲無端端俾你插。

依刻真係怒火攻心,即刻打嗰電話過去,鬧番夠本先。

第一次,打通咗無人接聽。
第二次,打通咗又喺無人接聽。


第三次,打通咗仲喺無人接聽?喂!依家到佢避我呀。

真喺火都嚟啦,連續不停咁打左第三,第四,第五次......最後老麥竟然連電話都熄咗。

啱啱好,到我手機響,喺一個無來電顯示嘅電話,如果喺果啲廣告推銷咁你就吾好彩啦,我正需要一嗰發洩對像。


當我一接聽電話,立即!馬上!衝出咗老麥嘅怒吼:「你條X街,X樣,X家......」

佢一直喺到鬧,好似唔駛換氣,鬧到我連插上半話都唔得。世事難料,竟然先俾老麥對住我洩咗先。

我忍,忍到老麥終於攰到出唔到聲,就問佢:「你無嘢呀?我做錯咩先?我琴晚喺屋企暈咗,你都無關心一句,仲喺到插我?」

唔講又止,講完之後,老麥吸了啖氣又鬧:「你條X街!暈左?你唔好去死。仲扮啲咩呀?由琴晚深夜開始,你就喺咁不停打電話比我,接咗又唔講嘢,淨喺對住嗰聽筒喺到吹氣,你變態架。」



「吓?」講咩呀?我琴晚俾嗰女聲嚇暈左,啱啱先醒得番,我點樣可以打電話俾佢,仲要話不停咁打?我無夢遊架。

老麥見我唔答,繼續鬧:「你呃Like呃到連自已都呃埋啦。有種你就查番嗰打出記錄,睇下你對我做過啲咩。」然後通話結束。

無錯,打出記錄可以證明我喺清白。

不過,打出記錄竟然變成左罪證......我己經呆咗無反應。

打出記錄裡面整整一頁都喺老麥電話號碼,我撥到下一頁......下一頁......下一頁......所有所有都只有老麥電話號碼,直至搵到第一次出現老麥電話號碼的時間,正正就喺果晚深夜「兩點十五分」。

邊嗰?邊嗰喺我暈咗嘅時間,用我部手機喺咁玩我啲朋友?玩我我可以忍,玩我啲朋友,我唔會俾你好過。