呃Like 呃出人鬼戀(完): 第三十四晚：加藤潮最強武裝！強劍絕盾！
「依件喺？」師太都難俺驚恐神色。
「哈哈，之前我千變萬化嘅造型都只喺煙幕！依一個先至喺我加藤潮嘅原裝造型！喝喝喝。」潮哥擺出一個幪面超人嘅變身動作。
「阿潮......你做咩啫......唔好咁啦......好羞......」思源雖然口裡說不，但喺口角卻不自禁上揚。
「哈哈，曾經有一個都市傳聞，佢嘅堅硬程度可以同鑽石匹敵，仲有人話曾經有太空人將佢喺大氣層到掉落地球，不單無事，仲撼裂咗大陸版塊！佢喺我地手機業界嘅驕傲。雖然，智能手機當道，不過佢嘅神話到依家仍然令人津津樂道。依件由七七四十九部nokia 3310合併而成嘅裝甲，唔好話妳嘅喪門釘，就算星戰光劍！都難傷我分毫！」潮哥一路講，一路轉換緊佢嘅動作。
潮哥胸前原來掛滿咗一排排嘅nokia 3310，而中間只有五部個屏幕被喪門釘插穿，不過機縠嘅硬度竟然可以阻撞得到師太暗器嘅威力，無被貫穿。
「手機？你竟然敢玩我！」師太怒不可遏，雙手退出兩支喪門釘就衝向潮哥。
「師太，你太衝動。你地門派嘅弱點，我一早已經喺阿澤口中知道哂啦。接招啦。」潮哥豪邁一笑。然後......
然後，一直收藏喺長袍之下嘅兩件神兵終於都曝光啦！
「聲控模式！PLAY！」
突然，師太前衝嘅力量一下子停哂，腳步虛浮，仲趴咗喺地。
潮哥反手將一直掛住喺背後嘅長長物件拎喺手，然後再喺背脊拎埋另一塊長方形嘅物件。
「哈哈......由十二部生果5S組成嘅生果騎兵劍！加上二十部三叔N4 相互合併嘅三叔步兵盾。真真正正俾你見識一下我加藤潮最強武裝。」潮哥高舉長劍與方盾。
只見，合計三十二部手機屏幕，同一時開始播放不同的AV 猛片。騎兵劍播放高質女優嘅有碼片，步兵盾就負責播放一覽無遺嘅無碼片，簡直可以話滿足哂所有人嘅需要！
「可惡......呀......依啲喺咩邪術。同......同我停咗佢呀......」連道行高深嘅師太都開始俾擾人心魄嘅小電影震攝。
當然企得咁近潮哥嘅思源，影響就更加大，佢開始覺得騷軟無力，全身發熱，不過佢用手遮俺住嗰口，強忍住唔叫出聲。
潮哥見到師太呼吸越嚟越急速，面頰通紅，甚至傳出呻呤聲，佢嘅身體就不其然轉換更多不同嘅姿勢！原來，動漫特攝嘅角色，點解要無原無故做出咁多多餘嘅變身動作，就喺因為勝券在握，怕咩耍帥！
＊＊＊＊＊＊＊＊＊＊＊＊＊＊
我都唔明，點解要搞到啲柱咁鬼滑。
我雙手出盡全力，大髀夾緊，幾經辛苦，先至將掛喺橫樑上高嘅紅燈籠拎到落嚟。
紅燈籠之上，被人畫咗好多我睇唔明嘅符咒，不過，我見到小雅嘅肉身依家仍然直直咁指住我，我就知道一定唔會搞錯。
天魂一定喺收咗喺燈籠入面。
思源教過我，用我嘅血先滴喺小雅肉身手掌位，然後放上依附魂魄嘅載具，再向載具滴多次我嘅鮮血，經我嘅血引導就可以由手心嘅氣孔令魂魄返回肉身。
只需要叫番醒小雅，成件事就可以完滿結局。太好啦！太好啦！
我實在太興奮，先幫小雅肉身慢慢咁平躺番喺床板，然後喺後褲袋拎出一把早預準嘅界刀，喺手指頭到輕輕咁篤出一點鮮血。
行動估唔到咁順利，令我完全無留意到，就喺紅布幕嘅上方，有一股黑煙正慢慢凝聚。
＊＊＊＊＊＊＊＊＊＊＊＊＊＊
「哈哈......哈哈......師太不如等我繼續同你推介其他珍藏啦。」潮哥見到師太睇到咁興奮，就好似遇到知音人，竟然開始同佢一套套咁介紹現正播放嘅影片。
師太依刻真喺無計可施，只好故意將視線移開，當佢見到思源亦都俾啲AV搞到興奮異常，佢已經諗到方法甩身。
「你個死變態，你唔喺連思源都想害嗎？」師太盯向潮哥。
潮哥聽到，亦都即刻收起淫笑，回頭望望思源，見到佢都不停咁喘氣，只喺佢好大力咁俺住個口，所以無傳出任何聲浪。
「思源大師......」潮哥關懷咁問。
但喺思源一句都答唔到，因為稍一放鬆，佢知道自己一定支持唔住。
「我問你喺咪想害死思源呀！我地門派，若果因愛慾失控就會破......功！畢生修行就會毁於一旦。你忍心令到思源一無所有咩？你忍心搞到佢連唯一生存嘅價值都無埋。」師太露出邪笑，佢睇得出依個男人對思源有意思。攻心為上，勝利始終都喺我依邊。
潮哥靜咗，高舉嘅劍盾都無力地垂下。
「你仲唔收埋你啲變態片。」師太繼續遊說。
「思源大師......」潮哥少有地感性。
「啊......啊......」思源好想答一句，不過佢真喺就快唔得啦。
「如果你覺得要捨棄愛情而保留法力喺值得，我可以即刻停咗佢。不過，如果你只喺擔心失去法力之後無哂做人方向嘅話。我加藤潮就喺到同你許下承諾，俾我照顧妳一生一世！如果硬喺要喺依個承諾加上一個期限，我希望喺一萬年！」
「嗚......我......」思源當然無睇過西遊記，依句說話喺佢出世以來，聽過最浪漫，最扣人心弦嘅承諾。
「廢話！全部都喺呃妳架咋！思源。」師太開始著慌。
「佢地要嫁孽，就由得佢地嫁飽佢！妳只需要嫁俾我。」潮哥向思源展露一個最誠懇嘅笑容。
「我應承你！潮！」思源亦都笑啦，廿年嘅地獄苦練又算得啲咩，法力啫？唔要有咩所謂。思源從來都未試過咁開朗，依個喺新娘子應有嘅喜悅。
「你癲咗啦！」師太嗌破喉嚨。
「好！賀我加藤潮新婚之喜，妳地兩師徒，加上三十二個AV 女優，喺我神技之下，一齊升天啦！聲控模式，Volume Max ！」音量一瞬之間調至最高。
「啊！」
「啊！」
原本神聖嘅道堂，淫聲浪泊，高潮迭起！一直持續到所有AV播放完畢。
當一切又回歸沉靜，潮哥回望思源，不禁嚇咗一跳！
思源嘅眼，耳，口，鼻都浮出一團團嘅黑氣，然後黑氣破體而出，全部飛走哂。
「思源大師，妳無嘢嗎？」潮哥掉低哂啲武器，過去扶住思源。
「我......我......我唔知點解......」思源有氣無力，仲有啲迷恾。
唔知喺破功嘅影響，還是喺咩原因，思源感到一遍混亂，一時無辧法理清一個結論。
「啊！啊！啊！啊！」後面傳嚟師太憤怒到極點嘅咆吼！
當思源同潮哥再望番師太嘅時候，即刻涼咗一截。
師太依家全身燒起幽幽藍火，容貌盡去，變成咗一個「紙扎公仔」。
「身外化身！」思源驚叫。
「可惡！可惡！你地依班人破壞咗我一直以嚟嘅計劃，我本來無諗過親手殺人，不過依家無人可以有命睇到聽日嘅太陽！你地要死！隻女鬼要死！就算喺東寶都要死！死死死死......」紙扎公仔口吐人言，繼續喺火海之中傳出。
「身外化身？易命嫁孽？東寶？三魂？我？」思源夢囈一般不斷咀嚼依幾個名詞。
潮哥亦好識趣，一直靜靜咁等思源思考。
「今次弊啦！阿澤同小雅有危險！師父真身唔喺到，即喺佢一直喺後堂到等阿澤佢地自投羅網。我地都中哂計。」思源搖住潮哥隻手。
「咁我地快啲趕過去。」潮哥慢慢扶起思源。
「師父？我？師父？我？易命嫁孽？......點解，成件事點解會變成咁......」思源一邊起身，仍然不停咁思考。
第二戰線完成。