我fd話我沉船沉到癡L咗線！: Ch1：叫雞專家

我叫做王靜，四十歲，單身。
我呢個名，成日俾人笑。阿媽話，改「靜」係想我乖巧、斯文。結果呢？我係好靜，靜到存在感係零——中學七年，冇人記得我個名；去GYM房教練成日記錯我係「陳生」———屌，我邊忽似陳生？陳靜就話啫。就算連叫雞，啲鳳姐都唔會記得我。
我一個人住喺觀塘一間劏房，朝九晚六做物流文職，人工萬五，冇升職潛力，冇存在感。每日收工，一個人行返屋企，一個人食飯，一個人對住部電視。我阿媽喺鄉下，一年見得一次；我冇兄弟姊妹，冇朋友，WhatsApp入面除咗公司group之外，從來冇人send訊息俾我。
講起叫雞，我先係真正嘅專家。
二十三歲破處，係朋友帶我去砵蘭街一樓一。第一眼見到個鳳姐，我緊張到講錯價錢——佢話全套六百，我聽錯當八百俾，佢笑到收唔到聲。
由嗰日開始，我踏上咗呢條不歸路。十八年嘅叫雞生涯，我洗過嘅錢夠買一架全新嘅豐田Hiace。我試過嘅女，冇一百都有八十。企街、一樓一、指壓、酒店高鐘、甚至係啲私人會所嘅「高級貨」，我全部玩過。
但係，我一直堅守一個宗旨：永遠唔沉船。
咩叫沉船？就係對一個妓女產生真感情。呢個係玩家嘅大忌，係最柒嘅事。我見過好多朋友沉船，有啲仲要同條女結埋婚，結果呢？唔夠兩年就離婚，仲要俾人呃晒啲錢。我王靜，永遠唔會做呢種on9仔。
我有自己嘅玩法。每個鳳姐，我頂多搵三次——第一次試食，第二次翻食確認水準，第三次就係告別戰。三次之後，我一定換人，絕不留戀。個鳳姐幾好服務都好，幾溫柔都好，三次之後就係陌路人。
我有自己嘅黑名單：假波嘅唔要、服務差嘅唔要、態度串嘅唔要。唔食熟人，唔做熟客，費事現實生活同叫雞混為一談，同埋費事引火燒身。




呢個玩法，我守咗十八年。
直到我遇到佢。Circle。