我fd話我沉船沉到癡L咗線！: Ch2：第一次見Circle

時間要返去七年前。
嗰排長沙灣有個新嘅一樓一，聽講有個新女叫「Circle」，服務好，樣靚，把聲溫柔。我喺啲討論區睇到呢個消息，梗係即刻去試。
我記得嗰晚係星期四，夜晚九點幾。我行上長沙灣一幢唐樓，去到六樓A室，㩒鐘。門打開一條罅，一個女人露出半邊面，戴住口罩，露出一對好大嘅眼。
「你好，全套八百。」佢把聲好溫柔，好似啲電台深夜節目嘅女主持咁。
我入咗去。佢除低口罩，我嗰刻呆咗。
佢大概三十歲，個子嬌小，皮膚白淨到好似啲韓星咁，五官精緻，笑起上嚟勁甜美，成個樣好似某個台灣偶像劇嘅女主角（我唔開名，費事俾人話我意淫）。
「我叫Circle，隨便坐。」佢笑住講，露出兩個酒窩。
我冇諗過，一個鳳姐可以咁靚。
完事之後，我哋傾咗一陣計。佢話佢嚟自湖北，鍾意食辣，有一個女。佢講嘢嘅時候，對眼好有神，成個樣好真誠，完全冇風塵味。
佢仲話自己好大頭蝦：「講起都覺得自己有啲癲。我試過一日之內唔見電話兩次，第一次漏咗喺小巴度，好彩個司機好人俾返我；第二次漏咗喺茶餐廳，又係好彩冇俾人拎走。我成日都係咁，係咪好傻？」




我聽完笑咗出聲。呢個女仔，真係好得意。
臨走前，佢話：「你下次可以再嚟搵我㗎。」
我點頭，心入面諗：我一定會再嚟。