我fd話我沉船沉到癡L咗線！: Ch3：沉船嘅開始

之後，我開始密密咁搵Circle。
初初我同自己講，我只係鍾意佢嘅「服務」。佢嘅服務的確係好——溫柔、細心、唔催鐘、仲會同你傾計，令你覺得自己唔係一個嫖客，而係一個朋友。
但係慢慢，我發覺有啲嘢唔同咗。
我開始唔係為咗性而搵佢，而係為咗見佢。
我開始記得佢嘅所有嘢——佢鍾意食辣，佢怕凍，佢有個女讀緊小學，佢老公對佢好冷淡。我開始帶啲小禮物俾佢，有時係一包佢鍾意嘅湖北辣椒乾，有時係一支青檸味嘅soda酒。
我記得有一次，佢隨口講咗句：「我好耐冇食過香港嘅街邊魚蛋啦。」第二日，我特登買咗兩串魚蛋上去俾佢。佢見到嗰陣，對眼瞪到好大，然後笑住講：「你傻㗎？我講吓㗎咋。」
「你係講吓，我就記住。」我話。
佢望住我，沉默咗幾秒，然後細細聲講：「你真係一個好奇怪嘅人。」
「點解？」
「其他客，唔會咁樣。」




我冇出聲。因為我知道，我已經唔係一個「普通客」。
我開始期待每一次見面，見到佢嘅笑容，我成個人都會好開心。我知，我沉船了。
我打破咗自己嘅規矩。我唔只搵佢三次，而係搵咗佢三十次、五十次。我親手撕毀咗自己守咗十八年嘅規矩。
我同自己講：只係因為佢服務好。只係因為佢好傾。只係因為冇其他更好嘅選擇。
但係，我呃緊自己。我沉咗落去，沉得好深。