我喺路邊撿到個18歲醫科女返屋企⋯: Ch1.王Hea

是咁的，我叫王為。
阿爸阿媽改我呢個名，用意好明顯——做人要敢作敢為，頂天立地，做個真漢子。結果呢？我份人由細Hea到大，讀書Hea，做嘢Hea，連呼吸都Hea過人。所以啲朋友幫我改咗個花名，叫「王Hea」。
你明「Hea」咩意思架啦。
成日俾人笑：「喂，王Hea，你今日又食玩瞓呀？」、
「喂，王Hea，呢排7仔有新公仔換喎，
嗱，咪話我唔益你啦，
女神娜娜最冧呢啲，換返套送比佢啦。
（娜娜係我地公司新請返嚟嘅秘書）
係喎，唔記得咗你咁hea
對娜娜係冇興趣嘅！」




屌，我都慣咗。
我今年三十八歲，單身，標準西裝上班族。喺一間中型企業做行政主任，人工唔高唔低，夠食夠住。我阿爸阿媽留咗一層唐樓俾我，喺大角咀，有成八百呎咁大，樓齡就舊啲，但係我一個人住，夠晒有凸。
照計，我有樓、有穩定工作、個樣都算係中年英俊大叔嗰款（啲女同事話我有啲似成熟版嘅金城武，我唔知佢哋係咪盲嘅），應該好多女埋身先啱。
但係，我份人冇乜慾望。
唔係講笑，我真係冇乜慾望。
錢？夠用就得，我唔係嗰啲成日諗住發達嘅人。性？間唔中自己打個飛機搞掂，乾淨利落，唔使煩。愛情？拍過幾次拖，最後都係分手收場，因為我太Hea，啲女頂唔順。
我嘅人生格言係：凡事留一線，日後好相見。
或者應該話，凡事Hea住做，日子易過啲。
但係，我呢個Hea爆嘅人生，喺一個平凡嘅夜晚，俾一個女仔徹底打亂晒。