「宜,我同你道別之後一個人諗左好多野。而家我地既關係已經發展到未必係我地可以控制到既階段。我一直以為自己可以收放自如,到你結婚嗰日我地既關係亦會自然咁劃上句號,可惜我高估左自己,亦低估左我對你既愛。
 
原來放左出黎既野就係唔會收得番,要收番係一個好辛苦既過程。過去我試過一次,那次是成功的,我做到了。但那次的我決絕得我也有點害怕。思想是很混亂的,亦是我從未經歷過的。只是人生中一個學習的機會﹖我不知道。不知道會怎樣,不知道能否控制自己。但如果所有事情都那麼計算,任何事情都就住就住。。。做人根本不會開心。
 
我希望我的心裡依舊是當年的堅強,亦希望我能用我的方法助自己渡過這一關,去面對你的最終決定。而我想說的是,我OK呀。你做對自己最好的決定就可。」
 
我臨睡前把這一大段的文字WHATSAPP予阿宜,希望她明白我的想法。把心裡的說話都說出之後,人也特別的放鬆,睡得也特別的好。
 
「第一次見你寫段咁認真,咁大段既野。。。我都冇諗過自己會咁鍾意你,我冇諗到自己連婚都唔想結。好多謝你對我既感情,我好珍惜,亦都覺得好幸運,我都唔知自己憑咩可以擁有你。
 


如果有一日你唔想見到我,或者你唔想再同我講野,你要話我知。。。咁我會知應該點做。我其實係好驚有呢一日,好驚我地既關係會變得好冷淡,好多誤會。。。但無論點都好,我只係知道自己依家好鍾意你。。。」
 
一覺醒來,收到阿宜的回覆。凌晨3時17分,是回覆的時間。阿宜經常都是這樣的,喜歡等我睡了之後才發一大堆文字給我,說是要等我一早起床第一眼就是她。但不用她說,我經常發夢也會夢見她的。每次收到她的WHATSAPP我都會甜絲絲的,這次也不例外。
 
我知道阿宜是真心喜歡我的,不像阿升說的像個玩家,亦肯定我一直對阿宜的信任是沒有錯的。問題是,我還有多少時間改變阿宜要在12月結婚這個事實,我還有多少本錢令阿宜有勇氣面對家人、朋友、同事、他的家人等等,背上悔婚這個罪名﹖阿宜不是那一種男仔頭性格,可以很決絕去做決定的人。我曾經學過睇掌(不是為了摸女孩子的手,而是真的有興趣﹗),阿宜的掌紋很多很亂,這亦代表了她的內心其實有很多東西會想,做一件事之前會先為它想出十萬個後果,想得過多很多時會變成甚麼也流於想的層面。
 
為了不讓她為難,隨後的幾天我也沒有提結婚這個話題。
 
天意總喜歡弄人,而且是看準最好的時機來玩弄你。我的父親星期六會到朋友在大陸的別墅玩,直至星期日下午才回來,而母親及妹妹則星期四已經飛到台灣旅行,最早星期一晚回來。那即是說,我家裡星期六晚一定沒有人在﹗聽到這兩個消息後,第一時間便想起阿宜。縱然平時我們差不多每日都見面,但能夠攬著愛人入睡,而在第二天醒來時第一眼又能夠望到對方的快樂,是與別不同的。很想要吧﹖
 


我立刻把這個消息WHATSAPP阿宜。
 
CHUN「做緊咩呀豬~﹖」
YEE「睇緊劇囉,你呢﹖」
CHUN「掛住你囉」
YEE「口花花丫你﹗都唔知你係咪對個個都係咁既」
CHUN「好啦唔玩喇,你星期六得唔得閒呀」
YEE「幾點先﹖有地方想去﹖」
CHUN「想煮飯你食呀豬」
YEE「吓你識煮飯架咩﹗﹗﹗」


CHUN「做咩咁驚訝者,唔俾架﹖我以前住宿架麻」
YEE「好吸引呀,但係有地方咩﹖」
CHUN「我屋企得呀」
YEE「點解既」
CHUN「老豆返左大陸玩,阿媽同個妹去左台灣旅行,所以咪得我一個囉」
YEE「哦,都好呀,咁幾點上黎呀﹖」
CHUN「你得閒咪上黎囉,我沖乾淨涼等你又點話」
YEE「死啦你﹗﹗」
CHUN「不過。。。」
YEE「不過咩﹖」
CHUN「你嗰晚可唔可以留喺度陪我﹖」
YEE「沈子駿﹗你又諗埋嗰啲野﹗﹗﹗好衰呀你」
CHUN「唔係呀阿宜。。。你唔好誤會呀,我唔係(淨係)諗嗰啲野架,我只係想(曳完之後)攬住你訓,一直訓到天光第一眼就見返你(然後再曳多一次)」當然( )內的只是我心裡的吼叫。
YEE「真既﹖」
CHUN「梗係啦﹗」


YEE「我睇下嗰日得唔得啦,如果唔得淨係上黎食飯O唔OK﹖」
CHUN「梗OK啦 ^^」
 
過了兩天,阿宜覆我話佢嗰晚可以留在我家過夜,不過第二天就要中午12點前回到家。我對此當然十分高興,亦理解阿宜第二天要早走的原因,可能是約了男朋友才能夠換取一天的自由。做第三者就要這樣,要清楚自己的位置,要知道什麼時候需要進什麼時候需要退,該進的時候不能畏縮,該退的時候不能進。當然,我是謀朝篡位的第三者,一定要把她的男朋友拉下來,而我覺得我的機會亦越來越大。
 
很快便到星期六,我先約了阿宜在她下車的位置等,再到超級市場買菜。說穿了我也只懂作一些簡單的菜式,但在住大學宿舍時來說已是山珍海味了。今晚的菜單有蕃茄炒旦、玉米湯、炒菜心,基本上沒有什麼難度,亦不會出亂子。買好材料後便上我的家把它們先洗乾淨,待時間差不多時才開始烹調。
 
一上到我的家,我便帶了阿宜到我的房間。我在出去接她之前,特地在家裡的窗花處,用螢光條子(中秋玩的那一種)砌了一個大型的「Y」字。「Y」字代表阿宜,在暗暗的房間中這個色彩繽紛的「Y」字顯得特別耀眼。
「阿宜,送俾你架﹗」我在阿宜耳邊溫柔地說道。
「好靚呀。。。你自己整架﹖」
「緊係啦,忽然間想整啲野俾你咪諗囉,又俾我諗到喎。」阿宜很喜歡我的小傑作,不停要跟它拍照,要留下它最光亮時的美麗。有的時候,簡單的浪漫比又何明貴的禮物更得人心。
 
「我地幾時食飯好呀﹖」阿宜問道。
「你想呢,而家先6點幾,不如7點半食囉,可以一路食一路睇電視,就好似呢度係我地屋企咁。」
「好呀。。。係呢阿駿,我有啲野想同你講。」阿宜的面色有點凝重。


「做咩呀豬,唔舒服呀﹖」
「唔係呀,我同佢決定左推遲啲先結婚呀。」我被阿宜突如其來的消息嚇得不敢相信。
「你講真架,佢之前唔係一直都唔肯架咩﹖」我問道。
 
「我地早幾日再講呢個問題,鬧左場好大既交,連我地父母都知道喇而家。佢嗰陣好激動,但我真係唔可以用咁既心情去嫁佢架,咁對佢都唔公平。」我只好點頭附和,及盡力收藏自己內心深處的喜悅,因為我知道只要多一分時間我便多一分勝算。
「所以我同佢講,我唔係唔同你結婚呀,只係我覺得我自己未有呢個心理準備咋。佢好奇怪咁冇繼續發脾氣,打左兩個電話就同我講希望我左諗清楚,諗清楚自己所做既野係咪真係對自己係好,如果係既,佢冇意見。」
「又會忽然之間冇哂意見咁好﹖」阿宜望了我一眼,我知道自己說了不應該說的事。
 
「佢以為我有婚前恐懼症呀,我後來先知佢同啲FRIEND傾開話阿邊個邊個都有啲咁既情況,之後去左個婚前輔導班就冇事喎。佢打嗰兩個電話就係幫我報左個班,兩個一齊去。」
「唔,但係佢總算同意左延後個婚期丫。」
「都係既,但我仲係覺得好煩呀。。。」
「我喺你心目中,就算我做左120分都唔及佢。。。我覺得。」
「豬呀,唔可以咁計架,你知我係咩人架啦,我唔係放個勇字喺心口,衝就衝,咩都唔理。其實我好淆底,為左你我已經做左好多自己都覺得好大膽既野。」阿宜見我不作聲,有點不好意思。
 
「SORRY呀阿駿,我唔係特登喺你面前講架,我揾唔到邊個人可以聽我講呢啲野呀。」


「唔緊要,我地咩都可以講架麻,就算你最後唔同我一齊,我都會一世當你係好好好好既朋友,一世喺你身邊守護你同埋聽你講野。」
「多謝你呀,我真係有考慮緊同你一齊架,冇考慮就唔會延期,而家全世界都覺得我係衰人,攪到佢咁。但我真係未決定到會點,我希望你都唔好抱咁大期望。。。」
「唔緊要架阿宜,我知你為左呢件事已經受左好多苦,已經令到好多人唔開心,淨低既,由得個天去帶我地行啦。」阿宜點點頭,「差唔多時間喇,去煮飯喇。」
「YES,MADAM﹗」
 
我一邊煮,阿宜就從旁協助我,很輕鬆地便完成了2餸1湯。「好野有野食﹗」阿宜興奮地拿起手機不停拍照,又把剛才偷拍我下廚的照片給我看。
「係呢,飲唔飲啲酒呀。」我問。「好呀。」於是我便從酒櫃隨便拿了支白酒便邊吃邊喝。兩口子嘻嘻哈哈的談天說地,我們真的是無所不談,除了她結婚的事情。
 
「好飽呀~」阿宜摸著漲漲的肚子坐在沙發上說。「係呀,我特登等你食咁飽,肥到冇人要既時候咪冇人同我爭囉﹗」阿宜行到我身邊,輕輕敲了我的頭一下,「死人沈子駿,咁樣咒我,到時我變左個大肚婆你都唔要我啦。。。」還未等阿宜的逆話說完,我便向前擁著她嘴唇亦調較好位置落在好的小嘴上。
 
兩嘴交合,已經非常有默契地舞動著。