搶婚: 第二十二章

日子總是要過的，人總不能一直倒下。
 
轉眼間便到了阿宜生日的日子。我在12時正送了一個短訊予阿宜，祝她生日快樂、青春常駐等。更重要的，說說明天上班時有禮物要送給她。雖然阿宜的決定我壓根兒知道自己是無力再作任何改變，而理性上亦知道要慢慢與阿宜保持距離，否則對我們倆也會做成傷害，最終不能好來好去。可是，愛情是盲目、更是毒藥，明知有害，卻奮不顧身地要去嘗試，那怕分開後會感到萬劫不復，卻要保持不應該持續的曖昧。
 
YEE「多謝你呀，係咩禮物黎架﹖」
CHUN「聽日你咪知囉，包你鍾意呀﹗」
YEE「真架﹖你攪到我好想即刻睇呀﹗」
CHUN「你聽日LUNCH得唔得閒呀，我請你食飯丫，食完送俾你﹗」
YEE「好呀，一言為定。」
 


我跟阿宜吃了個快餐後，便把她拉到我的辦公室，讓她帶著耳筒細心觀看我的大作。影片的內容，其實都是我們之前一起去過的地方的照片，我把它們連在一起，並配上了《勞斯。萊斯》的音樂及歌詞，讓阿宜重新經歷一次我和她由相識、相愛，到知道無法跑在一起之後的無奈。兩個人相愛，世俗的人不接受這方式的愛，結果，相愛的人不能在一起，一生一世，都要面對這痛苦的經歷、回憶。
 
「好多謝你。。。」阿宜邊說，眼淚已徐徐流下，「我好鍾意，好感動。呢份禮物，俾任何嘢都要好。。。多謝你。」我摟著她，也不怕會有同事突然回來。
「我會好好珍藏，好好愛惜佢，多謝你既心思，多謝你花時間學整。。。我真係好感動。」阿宜短短的幾句話，用了一分多鐘才說完，因為她已泣不成聲。。「我真係好鍾意。。。我返去一定要睇多幾次。。。」
 
「係喎阿宜呀，今日會展有動漫展喎，你放工得唔得閒呀﹖」我問道。
「得呀，你想去呀毒男﹖」
「你今日會得閒﹖」
「。。。。。。」
「﹖」我一臉不解地望著她，理應阿宜應該要陪她的男朋友才是。


「我尋日同佢鬧交，今日唔想揾佢。」
「咁啱喇，我同你慶祝啦﹗」其實我放工後約了阿升喝酒散心的，可是一有和阿宜的相處機會，我便抵受不住一頭栽過去。
「其實。。。」
「其實咩呀﹖」到阿宜有點不惑。
「其實我FEEL到我地都好似有啲病，為左身體著想，下晝係咪應該請半日SICK LEAVE呢﹗」
「哈哈，有好似係喎。」阿宜大笑，並同意我的計劃。
 
我們本打算趁下午到動漫節，期望不要有太多的人，可是，毒男太多時間太少，這個非繁忙時間內，會展亦已擠滿了人。
「你睇吓你有幾多同類﹖」
「頂你。。。我同佢地唔同架，係見今日仲係動漫展所以打算同你行一行架咋。」


「我從來都未行過動漫展架，唔似你呀，你一定成日嚟啦。」我跟阿宜打打罵罵的便入到動漫展。
 
跟阿宜行動漫展，當然不會好像和男性朋友般看GAME GIRLS同COSPLAYERS，而是去一些比較多可愛玩意的地方。我跟阿宜行了些漫畫出版社的灘位、去了特價漫畫區，及一些賣精品的小灘位，沿途說說笑笑，交換一下兒時看漫畫及卡通的情況，就像我們以前般，一點也沒有改變。
 
「做乜同我行街都成日望住個WHATSAPP呀﹗」我問道。
「冇呀，有個FRIEND話今日都會去呀。」阿宜答到。
「咁就要成日望住架喇﹖」
「佢好得意架，佢早排識左個男仔，即刻愛得好激，仲成日BB前、BB後咁叫個男仔，所以我班FRIEND都好八佢地既生活。」
「BB﹖」我覺得這個詞語十分嘔心的，大人大姐，在街上卻叫對方做BB。
「係呀，佢地係咁樣稱呼對方架。」「好核突呀。。。」
「你都覺呀，我班朋友都係咁話呀，不過佢地自己又好似好ENJOY咁囉。」
「BB﹗」我在阿宜的耳邊說。「吓﹖」
「我叫你BB呀﹗」「又話好核突﹖」
「咁你覺得我咁樣叫你核唔核突丫﹖」人就是這樣予盾，人們叫的就是核突，我自己叫的就是可愛，哈哈。
「又接受得到喎，哈哈。」何止接受得到，我從阿宜的表情看得出，她對我這樣稱呼她，不但沒有一絲抗拒，更是甜意萬分。「BBBBBBBBBBBBBBBBBBBB~」「哈，你攪咩呀BB，做咩係咁BBBBBBB咁呀﹖」我願這一刻能永遠留住。


 
最後，我買了一個咕0臣給她在公司墊著腰子坐(之前買的她拿了回家攬，這樣便在家及在公司都可以攬著我送的咕0臣)。這個咕0臣是一男一女的Q版圖案，看上去有幾分像我及阿宜。
 
離開會長的時候都不過時5時多，阿宜提議去沙田食雞粥。「吓，生日喎，正日喎，唔食啲好啲架﹖」我問。「唔啦，同BB一齊就夠啦~」真的甜到漏，我真是愛死面前這個「甜」姐兒，可惜。。。唉，今天不知明天事。
 
在晚飯的時候，我把預備好的生日卡及「餐卷」送給阿宜。「餐卷」其實只是用紙在上面做一點設計，及寫上可換領的食物及「條款」。我寫上的是給阿宜換一餐由我親手煮的套餐，「條款」就包括由我選擇食物的種類、不可吃不完及吃完後要大叫三聲「好吃」等等。其實都是想用些少心思氹阿宜開心的把戲而已，當你對著自己喜歡的人，這些鬼主意便自自然然會跑出來。當然，我知道阿宜一定不會換領這張「餐卷」的，相信這「餐卷」今天仍在某處被好好地收藏。而生日卡，上面點題地寫道，「約定。一起」，「PROMISE，TOGETHER」。
 
生日卡上，我寫上：
「儘管花開花落，陰天晴天，都要跟你約定。」
「約定不是一件隨便的事，因為約定了就要守約；
約定需要兩方面的同意，及努力才值得驕傲。
我希望你能記得我和你的約定，是時間，所有人及事都不能/不可以阻止的~」
 
「駿。。。」「宜，我知道我改變唔到啲咩，但係就算今生唔可以一齊，我約定你下一世，下一世我地一定要一齊，好麻﹖」「唔，我約定你。」我相信，我已切切底底地把阿宜溶化，如果「他」不存在的話。阿宜把卡收好之後，我們繼續享受屬於我們的時光，直到深夜我才把她送到家中。
 


第二朝起床。
 
YEE「豬，我又想打野俾你喇。我鍾意臨訓前講呀，因為臨訓前個人係最RELAX，感情都係最真摯架。我好想每日都寫低自己既感覺，因為寫低左就永遠唔會忘記，一路睇番，一路都會記得寫既心情架，如果日日寫可能要兩點先訓得呀。哈哈，但我好想日日都寫，等我下次要一次過寫番我想寫既野先﹗
 
我有時諗，如果我一早同左你一齊，你會唔會冇咁鍾意我呢﹖係咪因為咁所以有挑戰性呢﹖無論點都好啦，我知你依家係好鍾意我呀，我都好鍾意你呀，但只怪我地識得太遲。我有時都會諗，如果同你一齊去TRIP就好喇，好想訓喺你隔離，豬，I LOVE U AR」