搶婚: 第二十三章

有時候，我真的不明白我及阿宜的狀態。明知沒有可能，卻每日仍然像情侶般出雙入對，是我們在把握餘下的時光，還是阿宜本身也沒有絕對答案﹖如果她沒有絕對答案，我是否仍有機會﹖
 
YEE「我又要準備婚禮啲野，但我根本冇心情去準備。我衰到唔想提婚禮啲野添呀，好樣衰。我覺得好奇怪，感覺好差。」
YEE「但我始終要準備，但我唔想，我唔想扮開心。我好想同啲朋友講我其實唔想結婚，我好唔鍾意咁樣。」
YEE「我想可以愛你直至你唔愛我。。。但我怕我地既關係喺我結婚後會唔同左，我唔想離開你。。。但有好多野我控制唔到，原諒我。。。我驚到時係我怕你走多過你怕我走，你可能到時又覺得我唔係啲咩架喇。如果可以咩都唔理咁去愛就好喇。。。」
YEE「Pig, u know I love u, but sometimes I just hv to divert my focus as I will be a bride soon. It’s so sad that I can’t love you freely and can only love you with so many obstacles and process it underground. You hv to promise me u will be happy ga, although I will be jealous if u get a happy wife, I will never forget how u treat me so good.」
 
從阿宜的訊息，我知道她內心其實十分痛苦。以她有點怕事的性格，曾經嘗試向她的男朋友提出延遲婚期，已經十分難得，到最後有這樣的結局，可以說是預期之內。說到底，只要我知道她真的是對我動過真心，有一刻想過和我一起，我的搶婚大計已經算成功。
 
現在，我只想她開心，我只想她每天都掛著招牌式的笑容繼續生活下去，我只想她永遠是我心中的阿宜。


 
日子一天一天的過。慢著，為何我們雙愛便一定要名義上也走在一起﹖兩人拍拖、結婚，其實只是世俗加在一對情侶的關係身上的一個階段性名稱，一段關係的重點是兩人相愛對方，關係的稱呼也是其次。想著想著，好像想到一點東西。只要我們依然堅持愛對方，一起與否、結婚與否是否也是其次呢﹖既然現在她跟別人拍拖的時候也可以和我一起，他日她結了婚為何又不可以像現在般和我一起過﹖
 
如此這般的想著，我竟然有一個念頭要維持現在的方式跟阿宜相處，直到永遠。同時，亦希望說服阿宜能夠這樣想。
 
在阿宜生日後的第一個工作天，我依舊和她一起吃午飯。
「阿駿，多謝你啲禮物呀，我真係好鍾意。。。」
「使乜咁客氣呀傻豬﹗」
「我咩都俾唔到你，你都對我咁好，我都唔知可以講啲咩好。」
「咁咪咩都唔好講囉，過得一日得一日啦，可能聽日死鬼左呢﹗」


「唔好講啲咁既野啦﹗」
「係死都好呀，起碼我知道我聽日死嘅時候你會喺我身邊。」
 
阿宜靜了半分鐘，把一直帶在身的紙袋遞給我。
「呢份禮物送俾你架。」
「咩黎架，做咩咁好有禮物收既。」
「你而家唔好拆住，你返到屋企先拆呀﹗」
「有咩而家唔睇得喎，神神秘秘咁，好啦，我返屋企先拆啦。」雖然我很奇怪阿宜為什麼會送東西給我，亦很想立刻打開紙袋看過究竟，但與阿宜有約在先，我還是辛苦地忍著。
 
回到家裡，第一時間便是打開阿宜的禮物。只見袋內有一個小盒子及另一個紙袋，我把兩樣東西都小心翼翼地拿出來。那個小盒子原來是一些心形的朱古力，應是阿宜親手整的，內附一張像信用卡般大的卡。「駿，好多謝你既生日禮物，好有心思，我好鍾意。我咩都唔識整，跟書整左呢兩樣野俾你，希望你鍾意。宜」


 
我吃了一顆朱古力，不太甜，卻有著濃郁的朱古力味。大概是阿宜知道我不太喜歡甜的東西吧。邊吃著朱古力，我打開旁邊的小紙袋，發現內裡有一隻豬形狀的布公仔，大概12、3厘米高，軟錦錦的蠻可愛。剛才的卡說是跟書整，那這個小公仔也應該是阿宜親手弄的吧。
 
拿著阿宜親手造的兩份禮物，心裡甜得不得了。我常說，禮物的珍貴不在乎它的價錢，而是它的心思。吃著阿宜造的朱古力，玩著她親手繡出來的小公仔，我完全感受到她造這兩件禮物時的心思。
 
CHUN「我好鍾意隻公仔呀^^佢以後就望住我訓喇。可以幫佢改個名麻﹖就叫小豬啦﹗
YEE「HAHA好呀~你鍾意就得喇，小豬~」
 
不知為什麼，差不多每一段感情入面都會有一至兩隻公仔的出現，男和女的都會把它們當自己仔女般看待，還有爸爸媽媽等的稱呼，就像那些公仔是他們的親生兒子般。既然如此，小豬就是我和阿宜的小朋友。從這天起，這隻小豬便每而都睡在我的身旁，望著它就等於望著阿宜。
 
時至九月三十日。聽阿宜說，她過多一、兩星期便會搬出來和男朋友住，可能晚上不能再自由地和我講電話或WHATSAPP。
 
「BB，聽日有煙花睇喎。」我說。
「係喎，咁快又到國慶既。」我和阿宜坐在紅磡香港體育館外的長椅上依偎著。
「你會陪我睇架可﹖」


「BB，聽日唔係好方便呀。。。我未必出到黎。」
「。。。」隔了兩秒，我繼續說「但係我地上年都一齊睇喎，今年都一齊啦。。。」
「我聽日要陪佢去攪啲野呀，如果唔去佢又會問長問短架喇。。。」
「你話約左FRIEND咪得囉，出黎一陣者，又唔係成日，應該OK掛。」
「駿呀，佢呢排已經睇得好緊，我驚。。。」
「驚就算啦，唔使喇。」不知那裡來的火氣，我發了阿宜脾氣。
「。。。算啦，唔講喇，走喇，我要返屋企喇。」阿宜也不是省油的燈，見我無理的不爽，她也沒好氣繼續說下去。
 
「喂喂。。。」我嘗試叫住阿宜，可是她已起步往港鐵站方向行去。我快步走到她面前，擋住了她的去路。
「BB，我唔係咁既意思呀。。。」
「我只係想今年都同你一齊睇煙花咋，以後都唔知仲有冇機會。。。」
「我明呀，但我真係未必得丫麻，如果我應承左你又做唔到你咪又係一樣會嬲。」
「我都唔係要你應承我。。。要你考慮吓之麻。」
「唔考慮呀，我要返去喇，行啦。」見火頭一時之間不能撲熄，我也只好先送阿宜去搭車。
 


CHUN「BB仲嬲緊﹖」
YEE「冇呀，都冇嬲」
CHUN「冇﹖頭先明明有。。。對唔住呀，我真係唔係迫你同我去睇煙花架，不過想你陪我咋，因為上年睇煙花係你同我一齊過。。。」
YEE「我想你開心呀BB，但有啲野我控制唔到。If u find a girl u love later, dun need to concern me, I just want u to remember me, let me have a little place in ur heart. I am afraid I can’t whatsapp with u so frequently at home later…」
CHUN「唔好講呢啲野啦，到時先算，到今日為止你都係我BB黎架，唔准講埋啲咁既野」
YEE「真既﹖多謝你呀駿。我有時都好炆，好容易發脾氣，所以我其實都唔係咁好架咋。。。」
CHUN「我都會發脾氣啦咁，會鬧人添」
YEE「好似今日咁﹖」
CHUN「吓，咁都算﹖=3=」
YEE「係呀，好惡呀你﹗﹗同你一齊一定成日俾你鬧爆。」
CHUN「Mr. Shum won’t scold Mrs. Shum lor~」
YEE「Mrs. Shum?....I am Mrs. Shum? Hi Hi~」
CHUN「Hi Mrs. Shum~~~I Love u ~3~」
YEE「哈哈，I love you too」
CHUN「好，話說回頭，聽日真係冇得諗﹖」


YEE「知你啦，都係講番呢樣野﹗」
CHUN「咁我真係好想丫麻BB」
YEE「我睇下’鼠’唔’鼠’到出黎啦。。。盡量」
CHUN「BB對我真係好呀﹗」