Chapter 1

三月三十一日,天晴。

電視台娛樂記者 Erica 站在公司樓下等待。

不久,她的同事 Nicole 朝著她跑了過來。

「乜老總又咁長氣架?好彩架車未黎咋。」





「咪又係果幾句,『呢個獨家採訪機會好難得架,全世界觸目既大事,得我地有得做訪問咋,要做得好好睇睇呀』...... 呀!老總叫我帶埋呢副眼鏡做後備。」Nicole 用手指輕輕敲了帶著的眼鏡三下,眼鏡鏡片右上角一顆小紅燈亮了五秒,然後又熄了。

Erica 瞪大眼睛,壓低聲線:「Vincy 個經理人講明上到船,唔准偷偷地自己拍片架喎!陣間俾人發現點算?」

「老總話只係以防萬一,一定唔會公開喎。」

Erica 對老總這種陽奉陰違的做法,表現出一臉不悅。


「我咁大個女第一次負責一個咁盛大既活動採訪,好緊張呀!」





「我...... 其實都好緊張呀。」Erica 勉強擠出一個微笑,然後又突然一臉認真。

「不過呢次真係可以話係歷史大事,『生前喪禮』雖然唔係咩新 idea,但一個國際知名的明星為自己搞『生前喪禮』,仲要搞到好似演唱會咁盛大,邀請咁多名人出席,就真係前無古人。Vincy 今次真係創造歷史,做『娛記』有幸為呢件大事留下紀錄,真係值得自豪。」

「係喇係喇,真係多得你囉,醒目女,唔駛咁樣兜個圈迫人讚你既,哈哈哈哈哈......」



這時,一架高貴的黑色長轎車駛到,在她們面前停下來。





「兩位就係 Erica 同 Nicole?」

Erica 點頭,Nicole 搶答:「係呀係呀,我地就係啦!係咪而家上船喇?」

「無錯,我係 Vincy 派黎接兩位貴賓上船架,兩位請上車。」黑色轎車的司機說,同時間後座的車門自動打開了。



大約一小時車程,轎車慢慢駛到位於大嶼山最南端一個郵輪碼頭。


雖然 Vincy 的「生前喪禮」明天才舉行,但是臨近碼頭,沿途的馬路邊經已是人山人海,放滿各式花牌,banner,旗幟,大大小小的花束,毛公仔,全部都是希望見證萬人迷 Vincy「生前喪禮」的粉絲。很多人更加在路邊札起帳幕,準備在那裡過一晚。






「其實啲人係度等咩呢?唔係只有受邀請既名人先可以上船架咩?」Erica 好奇一問。

「哦,聽日碼頭會有大熒幕現場直播船上面既喪禮情況,一大班粉絲一齊見證,會有feel 好多既。同埋,Vincy 上船既時候都會經過呢條路,作為粉絲,把握機會向偶像最後一次表達愛意,都好正常呀。」司機說。

海邊停泊了一艘巨型郵輪,船身寫著「永生號 Eternity」。這艘「永生號」跟一般用作旅遊的郵輪,外觀上似乎沒有太大分別,只是船頭至船中間甲板位置有一個超大型的露天花園,那裡就是舉行生前喪禮的地點。


「咦?入口唔係喺碼頭好多人排隊等緊果度咩?點解唔去果度既?」 Nicole 問。

「因為Vincy 好欣賞兩位,所以特別破例俾兩位自由出入後台,自由採訪,所以上船既入口會同一般觀眾同記者唔同,係後台既特別入口。」司機答。


經過一條穿過碼頭內部貨倉的特別通道,轎車去到上船入口。一名位年約四十歲,典型商界女強人形象的美女站在門前迎接。
「歡迎兩位!我係 Amanda,係 Vincy既前經理人,亦係今次『生前喪禮』既總管。」





Amanda 逐一向 Erica 同 Nicole 握手。

「呢兩張就係出入後台所須既電子通行證,請小心保管。仲有,每人一個『VIP 記者證』,記得帶住佢呀。」Amanda 將通行證及記者證遞給 Erica 和 Nicole,
「好喇,我而家帶兩位入後台,我地準備咗一間雙人房俾你地,今晚你地喺船上面過啦。」