《一位明星，在自己的「生前喪禮」上死了》: Chapter 16

Chapter 16 



「點解架船會開架？」Amanda 倚著甲板欄杆，眺望著越來越遠的大嶼山，不禁驚呼。 

「唯一知道架船點運作嘅就係 Aaron，但佢已經一支箭咁跑左去喇！！！......鳴鳴......」 
陳校長繼續抽泣，她似乎被接二連三的突發事件，嚇得情緒有點失控。 

鄺牧師上前安慰陳校長。 






「我地應該唔會有危險掛......？」記者 Nicole 自言自語。 


眾人望著自己被『永生號』困在大海上，都顯得不知所措。 


「架船點會無端端出海？唔係話長期停泊碼頭架咩？」鄺牧師問。 






「咪住先！Aaron 頭先好似知道發生咩事咁一支箭就跑左去 ...... 
尋晚...... Vincy， Aaron 同 Rosemary 三個唔知搞咩，神神秘秘咁，約左所有人一齊上甲板睇星但又遲大到......」 

Amanda 一邊說，一邊走到 Rosemary 面前，「Rosemary，你一定知道發生咩事嘅！！究竟點解架船會開架？同 Vincy 嘅死又有無關係？？？」 


「呃......」Rosemary 面有難色的望了一眼陳校長，似有難言之忍。 






「講喇！」Amanda 激動的追問。 

Rosemary 繼續支支吾吾，吞吞吐吐，沒有答話。 




「會唔會...... 係計劃去進行安樂死呀......？」鄺牧師語帶挑釁的說。 

「以我所知，船隻一旦出咗公海，就唔再受香港法律規管，而係受隻船既註冊國家法律規管。 

我查過，『永生號』既註冊國家係荷蘭，安樂死喺荷蘭係合法既。」 







「如果真係咁......」記者 Erica 這時忍不住內心的疑問，根據鄺牧師的假設，繼續推論。 

「咁即係 Vincy 嘅死，並唔係佢原本計劃之內啦。 
因為照道理，佢係打算出到公海先至進行安樂死。 

但而家，佢喺生前喪禮之上已經死左。」 


這到底意味著什麼？ 

船上各人的心目中，都有各自不同的解讀。

「唔係咁架！唔係安樂死呀！！」 

Rosemary 內心掙扎良久，思前想後，終於決定說出真相： 





「其實...... Vincy 係計劃...... 同我去台灣結婚呀......唉......」 


眾人大驚。 


「結婚？你同 Vincy？你係指...... 同性婚禮？」記者 Erica 驚訝的問。 


「......係呀。」Rosemary 一臉悲傷。 


原來，二人計劃秘密於生前喪禮之後結婚，誰知...... 計劃去到喪禮這一步便完了。 





如果這是事實，的確是令人扼腕嘆息。 


來自台灣的歐陽牧師接著說： 

「露絲瑪莉小姐說得沒錯，我可以作證。 

Vincy 的確是計劃跟 Rosemary 到台灣，舉行一場簡單而低調的同性婚禮。 

台灣立法院最近剛剛通過了同性婚姻法案，經過了這麼多年的努力，同志伴侶終於可以在台灣結婚，並獲得法律承認。 
我作為台灣同光同志教會的牧師，跟 Vincy 又是多年的好朋友，所以我就被邀請來當這場婚禮的牧師了。 
Vincy 她一直都希望香港可以跟得上台灣在同志平權方面的腳步，可惜她已經等不到香港同性婚姻合法化的一天了，所以只能到台灣做這件事了。」

「你地搞還搞，點解要神神秘秘咁開架船去先？」Amanda 抱怨。 





「Vincy 話，因為咁樣，先可以確保陳校長留喺現場見證個婚禮......」Rosemary 內疚地回答，眼角偷望了一下陳校長。 

「噢...... 我明白......」Amanda 意識到自己的問題令 Rosemary 和陳校長都很尷尬，不知如何打完場。 




記者 Erica 見大家都靜了下來，便嘗試把話題引導回現時最逼切的問題上： 

「Rosemary，咁你地設定左，架船幾耐會返番香港架？如果太耐，我地可能要揾其他船或者直升機接我地番上岸喎。」 

Rosemary 皺一皺眉：「我記得...... 個系統好似設定左大概聽日下午會去到台灣海域範圍，喺果度停留一個下晝，晚上回程，大概後日中午返到香港。不過我唔肯定呀，個程式係 Aaron set 嘅。」

這時，警察先生和 Aaron 終於慢慢走回來大家當中。 

Rosemary 吿訴他們二人，大家已經知道了 Vincy 本來計劃秘密到台灣辦同性婚禮的事。 




「相信頭先 Rosemary 都講左大概情況俾大家知。 

呢架『永生號』係由高科技智能系統控制，能夠跟據預先設定嘅程式自動航行。 

因為 Vincy 要我保證絕對無人能夠停止佢個出海計劃，所以佢尋晚同大家喺甲板睇星星之前，自己 set 左個密碼俾呢個航行指令，除非有密碼，否則連我呢個船主，都唔能夠改變個航程。 

所以我恐怕，我地要揾方法自己返番香港先。」 


警察先生緊接著 Aaron 說： 

「而家係夜晚九點四十分。如果我要番到岸上，再番警署先同各位落口供，可能會搞到今晚凌晨四五點，先可以放大家番屋企休息。 

咁好似好辛苦大家。 

一係咁樣，大家今晚喺呢架船上暫住一晚，我就逐一同大家落口供，咁大家就可以喺船上面嘅房間休息下先。我聽朝一早會叫警方同海事處派船黎接我地上番岸。 

有無人對呢個做法有異議？」 


大家都搖頭，表示沒有異議。 


「就咁決定喇！大家喺船上面過一晚，聽朝就可以上岸。 

而家我同陳校長落左口供先。 

其他人可以番房休息下，今晚我會逐一去你地房敲門，同你地落口供。」