《學校裡面, 只能有一班生還》: 第十話：《真正的戰場》

「久違啦咁多位同學。」那把真的是久違了的男廣播, 終於響起。
 
 「完喇好嗎...」我一拳揍向欄杆上, 回頭看著已經殘亂不堪的3W課室。

 
  「陸運會既兩位王者, 你地做得太好, 咁樣既話, 我地就可以正式進入測試... 呀唔係, 係遊戲, 其實遊戲測試都係一樣啫, 總之係要你地死既野啦。」我真的有衝動想把課室內的廣播器給拆下來。
 

  「另外, 部份戰果已經傳送咗去你地各自既手機入面架啦。好, 事不宜遲, 正式開始! 」那討人厭的廣播繼續像狗般亂吠。
 




    
 
  再較早時間, 
 
   「黎到3B啦。」 芠芯帶著有點踉蹌的腳步, 隨衛主席走到3B。

 
  「唔理喇, 時間緊逼。」衛主席一腳踢開了3B大門。
 
   裡面, 大部份都是躺下的人。




 
  「3B...估唔到個答案係陸運會咩? 」芠芯還是呆頭呆腦, 問著。


  「總之, 要快啲搵到伍哲宜! 」衛主席沒有多理會, 直衝課室。
 
    課室內的人, 應該不足一班, 甦醒的人也應該出去作戰或是謀生。
 

   「我認得! 」衛主席走到課室後方, 看見一位女生, 背部倚著牆壁, 半躺在地上, 奄奄一息。




 
   「伍哲宜! 」衛主席緊張地看著芠芯, 示意芠芯盡快殺了她。

   「咳...你地...」正當芠芯不知所措之際, 眼前的女生開腔道。


   「我...自覺自己都...咳...活唔長...但係有樣野, 我想你地幫一個忙..」這位女生眼眶通紅, 且滲著血絲, 痛苦地說著。
 
   「嗯! 嗯! 你講啦! 」芠芯蹲下, 哽咽著道。
 

  「呢場遊戲...唔係咁簡單...要快啲, 搵到蛻變既時機...」那名女生臉色蒼白, 看似就快魂歸天國。
 
   「蛻變既時機? 」衛主席一臉狐疑, 看著那位女生。
 





   「我家姐...讀緊中五, 今日同平時咁...嗰兩班中五都冇返...呢個遊戲...要...艾芠芯, 我知你係一個好人。」那位女生看著芠芯, 聲線漸趨虛弱。
 
   「嗯, 你講啦。」芠芯按捺不住眼眶中的淚。
 
   「你地, 要進化蛻變, 搵到個觸發點, 最後, 搵到真相...唔係...全香港... 唔係全世界既人就會...咳...」女生的聲線, 開始放輕得有點模糊。
 

   「艾芠芯, 你要背負著我既性命, 搵到真相, 我...永遠...係一個...基督徒...」。女生說罷, 便緩緩把視線看著衛主席。
 
    「對唔住, 我知道你會明白。」衛主席手握著一把江強提供的短刀。
 

    「嚓! 」血液像噴泉般, 從哲宜腹中噴濺出。
 




    「唔好呀! 」艾芯悲慟地喊了一聲, 並緊緊擁著哲宜。
 

   「還掂, 佢點都會死。 之不過, 背後既...真相? 」衛主席不敢聽到剛才所說的話, 伍哲宜這個人肯定知道一些甚麼, 而她的胞姊的確就是唸中五, 但自從不知哪一天開始, 先是一班中五生無故缺席, 隔了相差半年後, 就再到她胞姊那班。

 
    「我一定會, 多謝你。」芠芯擁著已經絕氣的哲宜, 哭著道。
  
    「咪住先, 佢最尾一句竟然自爆自己係耶拎? 」衛主席愣著注視著伍哲宜。
 

   「 要先從半年前, 嗰單中五既事調查, 也許會有線索...」衛主席思考著, 心裡泛起陣陣不安。