「喂!方包!」在遠處的江強, 在喊著我。

   我對他報以一個微笑, 希望他看不出我剛才情緒起伏的痕跡吧。


   「唔..唔...」我的手機在震動著。
 
  「任務達成, 得到獎勵—天使特權。下一任務: 友情投票。」我看到這裡, 百般不解。
 
   惟有繼續讀下去。






  「學校有兩名老師被抽中, 全校學生需用紙張寫下希望支持的一方老師姓名,  較多支持的一個將會安然無恙, 較少學生支持的一位老師將會受懲罰, 連同支持他的學生, 都一併受罰。投票方法: 將投票紙張放進三樓大堂, 紅色四方形的投票箱內, 時限為一小時, 不准棄權, 只准投一次, 棄權者同樣會受罰。」我瞪著手機屏幕, 嚥嚥口水。

 
   「佢都冇講邊兩個老師。」我滿腦充滿疑惑, 到底是哪兩位老師要出來受靶?
 
    與此同時, 我駭見手機屏幕, 那個天使特權的兩個「使用」和「不使用」在閃動。
 





   我愣地看著江強, 只見江強對著我, 無力地笑著。
 
  「我冇殺到, 我要殺既人。」江強語氣漸趨虛弱, 並從站著的狀態, 慢慢蹲下。
 

   江強沒有殺到那個叫仇永諺的人?
 
  「江強, 唔好有事呀...」我由衷地扶著他, 坐到地上。

 




   為何我會動那一絲惻隱?
 

   我看著那個愈閃愈快的天使特權按鈕, 心裡忽然明白甚麼。
 
   雖然我不明白到底這個有甚麼用, 但儘管試試看。

 
  「使用。」我果斷地按下使用鍵。
 
  「借個電話黎睇吓。」好奇心驅使我看江強手機裡, 到底有著甚麼的簡訊。
 
   「任務失敗, 受到懲罰—虛弱死亡。」我看到這簡短的一句, 就是只有這寥寥數句?






   「天使特權已使用。」我瞥瞥我那部手機, 已使用?
 
    屬於江強那部手機, 同時響起。

 
   「已接收天使特權, 懲罰消除。學校有兩名老師被抽中, 全校學生需用紙張寫下希望支持的一方老師姓名,  較多支持的一個將會安然無恙, 較少學生支持的一位老師將會受懲罰, 連同支持他的學生, 都一併受罰。投票方法: 將投票紙張放進三樓大堂, 紅色四方形的投票箱內, 時限為一小時, 不准棄權, 棄權者同樣會受罰」江強的手機, 收到跟我剛才同樣的訊息。

 
   天使特權, 是指用來救本來要受罰而死的人?
 
  「方包, 多謝你...我差啲...」江強回著氣, 道。


  「以你既實力, 冇可能殺唔到你要殺既人。」我看著江強, 用著半質疑的語氣。
 




  「我搵佢唔到。」江強無奈地, 跟我解釋著。
 

   原來是尋人不果。


  「咁嗰位仇同學, 我諗都...」我搖搖頭, 想到那位仇永諺都殺不到江強, 也應該蒙主寵召。
 
  「一個鐘, 咩都搞得掂啦。」從背後, 我聽到屬於Nick的聲音。

 
  「阿Nick, 入面咩環境? 」起死回生的江強, 用著往常有力的聲音問著。

  「入面...唉, 啲人剩係識係到喊, 冇乜特別。」阿Nick一臉無奈。
 




 
   看來裡頭的人, 沒有給仇恨沖昏頭腦, 殺人只是保命的舉動。
 
  「喂! 係喎阿Nick! 」正當阿Nick想回3W課室之際, 我叫停了他。


  「嗯? 」阿Nick回頭。
 
   「點解你頭先仲咁有得閒幫我地既, 你嗰個目標...」我問著。


   「哦, 嗰班中三係到玩偷襲, 其中一個我認得出係我個目標, 毒撚黎, 咁我咪...」說罷, 阿Nick做了一個殺頸的動作。
 
    我點點頭, 表示理解, 並在腦內自然地模擬那個畫面一秒。
 





    現在要確定的是, 我們要投票給哪兩個老師。
 

    鏡頭一轉, 回到接近一小時半前。
 
    在北翼大樓內, 3R正為自己可以逃出課室而興奮。
 

   「Connie, 你好叻女, 你點估到答案咖? 」在旁的Joanne正興奮地問著。

   「吓...」Connie對於Joanne的提問, 顯然感到不知所措。

 
    Connie在班上, 可算是一位頗正點的蘿莉, 可愛得來同樣帶點姿色。
 
    最讓人感深刻的是, 她那永遠遲三拍的腦部運轉速度。

   
     她有美貌在外包裝, 人們便覺得她可愛的傻, 沒了美貌的話, 班上某些嫉妒她的女生的害人計劃肯定得逞。
 
   「唔知...嗰腦一load...就load到係sports day...」Connie弄著一個小苦眉, 答著Joanne。
 
   「係咪因為半年前嗰單...」平常較為口沒遮爛的家希, 說著。


   「咮! 」在家希旁的幾個男生, 連忙示意閉嘴。
 

    家希差點, 提起那件事。
  
    那個禁忌。

 

    只見Connie的視線仍然維持一樣, 明顯是聽不到, 或是聽了轉不到, 那就算罷。
 
     如是者, 到了遊戲主持人設定的時限。
 

   「由呢一秒開始, 第一回合已經結束, 就算你地而家打得啱, 都係會無效架, 恭喜逃得出既五班, 雖然畀我想像中既少, 但係都未至於冇, 我好欣慰。」3R的人, 同樣留意著男聲說的一言一語。
 
    「咩獎勵吖? 人類特權? 武器偵測, 咩....咩一樓男女廁有大量武器可供提取? 」Connie對著電話屏幕, 一頓一語道。
 
    「你幫我地答啱咗條問題, 可能個MC諗著畀獎勵你。」Josh雀躍地說。
 

    「哦? 乜係呀? 估唔到3R既拯救者係你, Connie。」3W班的依亭緩緩在樓梯下來, 應該是聽到Connie剛才說的話。
 
    「而家首要既野係分配工作, 你, 你, 你地, 入去3B救人, 你, 你, 你地班男仔, 落去睇吓有咩武器。」依亭連鄰班不相熟的人, 照樣指揮著他們。
 

   「我憑咩聽你講呀? 全級第一大晒呀? 」家希不忿駁斥著。
 

    只見依亭本人, 還有後方的人都只是笑了笑。
   
   「就憑我手上, 有一張全校既人名表。」依亭握著她的手機, 洋洋得意地搖著。
 

    其後, 基本上所有東西都是交由全級考第一的依亭, 還有級會主席雪彤負責指揮統籌, 而Myra和Vinci 則負責執行。
 
    沒錯, 這四人就是最原始的四人幫。

 
   「廣播話有五班走得甩, 我地中三已經佔咗兩班, 我畀盡佢中四走得晒都係差一班, 我地點都要派人殺上去, 唔係有一班肯定會死。」雪彤在課室焦慮地跟依亭說道。
 

   「殺人... 唉, 呢個遊戲背後個目的到底係為乜?」依亭神色凝重, 看著正在佈防的同學, 苦思著。
 
   「依亭? 」雪彤問。
 

   「得, 我聽到, 咁啦, 我地冇得博中四既人會唔會殺過黎, 咁樣好兵行險著, 我地搵啲男人伏住晒飯堂附近既位置, 如果佢地殺入黎就夾佢地, 冇人殺入黎就到我地殺上去。」依亭說。
 
   「得, 我去準備。」在旁的Vinci, 點了點頭, 就轉身而去。

 
   「Connie個人類特權, 唔通係同半年前單野有關? 」雪彤輕聲地問。
 
   「我都諗緊。」依亭站起身子, 逕自走離了課室。