《學校裡面, 只能有一班生還》: 第四十七話：《稚惡》
「你地都上咗黎? 」令雪在四樓, 看著眼前人說著。
「樓下...樓下好混亂...」Marco邊走邊拐, 向著令雪說著。
「我地都係趁人唔為意, 先走到上黎。」在旁的晶瑩, 喘著氣說道。
「入房講。」令雪皺著眉, 並為他們開到課室門。
中一的課室, 存著絲絲屍臭, 可不見屍體。
這些屍體, 都交由令雪還有生還的同學集中處理掉, 都放到了該層的雜物房。
「咦? Abbie? 你未死? 」Marco帶著欣慰的語氣問著。
「嗯。」Abbie亦莞爾微笑, 答道。
中一的Abbie, 中四Marco, 還有晶瑩等人都是於音樂劇隊認識或是更熟絡, 本來他們理應是對於暑假前的表演, 密鑼緊鼓地綵排。
「到底樓下? 」令雪苦笑向著Marco問道, 而隨後他亦把樓下的所見所聞和盤托出。
「唉...唔怪得知, 至少我知有兩個中一同一個中二無啦啦死咗。」令雪搖搖頭, 輕嘆。
「我出一出去睇吓其他班啲細先, 你地同吓Abbie聚吓舊啦。」令雪說道。
「我都想睇吓而家其他環境點。」晶瑩跟令雪說道。
「嗯。」及後, 晶瑩就隨了令雪出去。
「你地班死剩你同後面幾個? 」Marco看著後方, 有著數個中一同學。
「有啲出咗去, 唔知死咗未。 」中一的敖欣用著寬容帶點感慨的語氣答著。
還有數個中一在課室後方不是做著自己的活兒就是伏在桌上睡著。
都了無生氣。
「大家要提高警覺, 因為唔知有幾多中六既人混咗入黎呢到咖。」Marco用著剛好全課室能聽到的聲線說著。
「中六對我地而家都冇威脅。」個子細小的Abbie, 抬頭看著大師兄Marco問著。
「但係佢地可以幫到你地完成到今次既任務, 仲有我見過樓下既情況, 有啲中六師兄姐唔係人咁品。」
「但我地同佢地...都係同一個色社...」Abbie結著巴地回應。
「以前sports day團結既日子已成過去, 而家係玩緊命! 」Marco轉換著一個較訓示的語氣跟Abbie說。
話罷, 課室又回歸一片死寂。
「唔會有危險既。」生性樂天的Abbie , 率先打破冷場, 莞爾向著大師兄, 燦爛地笑著。
「希望啦。」Marco同樣苦笑了下。
1B的課室, 雖有著充足的燈光可讓人精神些, 可窗外照射進來的陽光, 不知為何總有種使人想睡眠的感覺。
危險, 總是出現在人物鬆懈之時。
「咯咯咯...」門外忽然傳來一連串的腳步聲。
「邊個...」Abbie問著。
「咮! 」Marco連忙示意Abbie閉嘴。
他小心地把袋中小刀掏出, 並朝著大門。同時, 敖欣亦靜靜地走到課室前方, 拿著令雪提供的斧頭。
「識用? 」Marco問著她。
她點了點頭, 並安靜地看著大門。
只聞腳步聲越趨越近。
在走廊中央...
來到1B課室門前...
大門閃出了人影!
「哦, 係佢地啫。」Abbie用著稚氣的聲線說著。
「Hans, 龍少, 做咩過咗黎吖? 」敖欣把斧頭收好, 問著。
「1R嗰邊冇野玩, 我係出面撞到佢, 咪一齊黎睇吓呢到咩環境。」龍少率先回答著。
「我早過佢出班房, 同樣入黎睇吓有咩情況。」龍少旁的小胖子媚媚道來。
「你不如收陣皮啦。」Marco忽然用著不耐煩的語氣對著Hans罵著。
空氣中彌漫著尷尬的氣氛, 而個子胖小的Hans則嘟起嘴巴, 知趣地走到課室後方。
「Abbie, 你個樣似知發生咩事喎。」敖欣看著Abbie笑而不語的樣子, 問著。
「個肥仔同我地一樣係musical, 佢係入面出晒名係乞師兄姐憎。」Abbie刻意壓低聲線唸著。
「係呀! 大佬啊嘛! 好撚多個朵啦! 好威啦! 」Marco故意提高嗓子, 指桑罵槐著。
「算啦, 男仔係遲啲開竅架啦。」Abbie笑著說。
「話唔係咁講喎。」龍少在一旁搭著訕。
「起碼我得到過一個高form既肯定。」龍少得意洋洋地說著。
「乜水呀? 」敖欣用著暗忖的語氣。
「佢之前whatsapp, facebook, ig, 總之乜鬼icon都係放我同佢啲合照。」龍少繼續解釋著。
「咁所以呢? 」坐在桌子上的Abbie, 問道。
「佢而家...」龍少忽然失去了剛才可愛的稚氣, 取而代之是一片倏地的哀傷。
「失咗蹤。」龍少說。
「嗯...」眾人都點著頭, 也明白了發生甚麼事。
「有啲野...我唔知講唔講好...不過, 冇用啦, 都過咗去, 哈! 」龍少臉上很快地掛回剛才的稚氣, 跟眾人說笑。
「嘿嘿嘿嘿...」在眾人談天說地之際, 課室背後忽然傳來讓人發毛的冷笑聲....