《學校裡面, 只能有一班生還》: 第四十八話：《喚醒》

 「已經幾次...你冇喇...」在課室背後的Hans, 陰森地看著課室前方, 絮絮唸著。

   「做咩事...好...好恐怖...」Abbie在桌子上, 微微地發著抖。


   「點解...呢種感覺...」敖欣下意識地提緊斧頭。

    課室裡其他的人, 也看著Hans, 走離他三丈。
    
 




   「對唔住呀龍少, 頭先呃咗你。」Hans用著稚脆的聲音, 頓然說道。

    只見龍少一臉疑惑。


   「我頭先唔係出去行路咁簡單...」他微微地低著頭, 無數陰森的氣息從他為中心向外擴散。

    「轟! 」忽然, 在Marco腳下忽然破出一個大洞。






    「做咩事? 」無數的沙石從破洞冒出, 並且像一尾蛇般抓緊了Marco的頸。

   「你做咩呀? 」敖欣猛然提著斧頭, 欲動身往Hans處。


   「唔好郁, 再郁殺埋你! 」Hans忿然罵著。

   「唔怕話多樣野比你聽呀龍少, 我見你咁信我, 我先當係情報咁益你。」Hans狡黠地說道。






   「我好清楚記得, 我係頭先係1R畀嗰班八婆笑完我肥之後, 我好唔gur, 然後就feel到我身入面有一種唔知點講既力量。」他說。

   「然後, 我係出面每殺一個笑過我既人, 我feel到既力量就越黎越大! 」他猛然抬起頭, 狠狠地看著Marco方向。


   「你而家係咪透唔到氣呢? 你知唔知我畀你地蝦既時候, 嗰種持續既痛苦遠超你而家承受既! 而家咁算益咗你! 」他咬字用力, 字字擲地有聲地瘋狂罵道。

   「放過我...我透唔到氣..就黎死....」Marco痛苦地用著雙手希望解開纏在他頸上的沙石, 可都是徒勞無功。


   「求吓你放過佢啦。」從桌子上跳了下來的Abbie, 用著哽咽的聲線, 哀求著。

   「冇用架啦, 佢唔係第一個。龍少, 或者其他未觸發到特權既人, 可以試吓比人罵吓, 玩吓, 笑吓。」Hans的聲線透露他沒有減退半點憤怒。






   「龍少, 你自己都知唔少內情啦。」Hans忽然用著一個詭異的語氣, 直接穿透了龍少的心坎。

   「唔好扮野啦。佢‧既‧失‧蹤。」他繼續說道。

   「嗝...」猛然, Hans在原地發出了一聲悶響。


   「Marco! 」大門被猛烈打開。

   「點解...」Hans的肩膊冒了一個小洞, 一個清晰的血洞。

    晶瑩慌張地撥開纏在Marco頸上的沙石。


   「唔好阻住我! 」Hans按著肩上那個不知如何造成的傷口, 說道。





   「你再嘈我就打爆你個頭! 」門外, 一把熟悉的女聲傳至。


   「係令雪姐姐! 」敖欣興奮地大喊。

     令雪在門外架起了狙擊槍, 並且瞄住了Hans。


    「得返呢個咁阻頂既武器, 真係累事。」令雪在原地自怨。

     「Marco! Marco! 」晶瑩不停拍打著那已了無反應的身體, 哭著。


    「點解...點解啊! 」她發出只有女性就可以發出的高頻率尖叫波, 嚎哭著。





   「唔可以饒恕, 唔可以饒恕...」晶瑩伏在原地唸著。

   「唔可以以暴易暴...」令雪大聲在門外叫著。


    「啊啊啊啊啊!」晶瑩向著Hans方向大喊。

    霎地, 在Hans所立之處, 冒出了強烈的綠光。

   「又做咩? 」令雪提著狙擊槍, 進入了課室。

    無數木板連帶一些枝葉像圍牆一樣, 封住了他。






   「放我出黎啊! 」他在內裡呼喊。

   「點解連晶瑩...」令雪自語道。


    「呼呼! 」在混亂之際, 連接走廊的窗外忽然傳來兩聲東西擦過的聲音。

    「呀...」晶瑩發出一聲哀嚎後, 便垂直向側倒下。


     而在木板內的小胖子, 亦無發出任何聲響。

    「邊條契弟。」令雪提著狙擊槍, 走出了課室, 在走廊環迴瞄著。


    「冇人? 」


    「晶瑩師姐! 」Abbie伏在地上, 搖著倒在Marco的晶瑩。

     她頭部插著一杖箭頭, 無數的血液從傷口處滲出。


     而敖欣把層層木板挪開後, 亦發覺Hans亦死於同一情況。

    「令雪師姐。」敖欣向著正在進回課室的令雪道。

    「有高手。」令雪回應道。