2714-晶片.太空.超能力: 第五章
「我地去地下嗰層，我有野想ｓｈｏｗ比你地睇。」文博士說便帶着我們走出醫療室，穿過長長的走廊，牆壁全都是岩石，走廊兩邊都有一道道白色門，每一道門上有一個數字。左右各有十道門，而我們出來的醫療室則在我們的背後，在走廊的盡頭，我們的前方則有一道升降機門。我們進入了升降機，文博士按下了ＬＧ２
「同你地講下啦，我地依家身處嘅依度係一個叫做大帽山嘅地方，我地而家有７０００人住左係依度，我地除左有大帽山依度係基地之外，係地底仲有兩座地下城市。我地係全個地球有３０個根據地，一共六萬人。」文博士說。
「咁點解你地要。。。」小明問
「點解要興建係地底？」文博士說。
「係啊。」
「因為我地嘅晶片同埋地球嘅惡劣環境。落到去再講。」
我們不知不覺就到了ＬＧ２層，升降機門打開，在我們面前只有一道門，門上寫着資料室。我們推門入內，只見內裡的書架上有大量書籍，文件，更有不同的錄影帶，地上有一些我從來未見過的器材，那是一種極薄的對疊的鐵塊，把鐵塊打開，會露出黑色的屏幕和銀白色的鍵盤，鍵盤前方有一細小鍵，按下它，屏幕便發光，出現了一個彩色的一個被人咬了一口的蘋果，在我前面的桌上和桌子下都放了四五十部這種器材，在更裡面的地方有更多這種器材。房裡也有不少人在研究不同的器材。
「據我地嘅研究，依Ｄ係４００幾年前嘅電腦，品牌名叫做蘋果電腦，過左４００年都開到，以前Ｄ人真係好勁。」文博士說。
文博士帶我們走到更入的地方，內裡有更多我們從來未見過的東西。文博士帶我們到一間房的房門前。
「歷史嘅真相就係裡面。」說着便推開門，門後有一張四方的桌子，三面牆上有大量殘舊的書本。
「依度係我地嘅資料館，我地集合左我地嘅研究所做出黎嘅總結。」文博士說着就按了桌子邊的按鈕，桌子的四角發了光，中央出現了一個藍色的地球。文博士便開始解說了。
「我地以前嘅地球係藍色嘅，而唔係紫色。係７００年前，即係２０１４年，一個小小嘅地方，叫香港，依個係一個地圖上完全唔顯眼嘅地方，但係就係第三次世界大戰嘅其中一個導火線同革命地。」此時，地球變成了一張照片。照片上有三個人。
「依三個人係嗰時被人叫做佔中三子，２０１４年８月３１日可以話係歷史嘅巨大轉捩點，自從嗰日起，香港同一個係嗰時叫做中國，而家係叫做世界政府嘅政權，共產黨關係惡劣左好多，雙方日益僵持，最後發生左佔領中環，成個運動雖然只係持續左一兩日，但係就比香港人同中國人意識到依個共產黨嘅不仁之舉，重演６４，強行壓制示威者，而且佔中三子被人暗殺，而警察則懶理事件，終於香港人忍無可忍，要起革命，台灣同澳門都順勢加入起義之師。」畫面又變了，從三人照變成戰爭的場景。
「但係無奈地，就算連廣東省嘅軍隊都加入戰線，依然難以推翻共產黨，經歷完此一役後，中國各地的人民，軍隊都開始紛紛開始想要脫離共產黨，然而共產黨卻做了一樣連大國美國都不敢做的事，使用核彈，而且係對付人民，亂局就係咁樣發生，中國同時向日本，菲律賓，泰國，美國，英國等等嘅民主國家宣戰，結果第三次世界大戰就此發生，各國乘亂互相攻擊，互相爭奪土地同埋資源，時值２１８４年。」
「依個亂局持續左２０年，直到有２０個國家宣佈同盟並且組織聯合軍，完全擊敗其他國家，而佢地淨係用左５０００兵力，同佢地對戰嘅軍隊全部陣亡，而５０００兵力則從來未有過損失，依支軍隊帶黎嘅係絕對嘅獨裁，佢地設立左聯合議會，由依２０個國家決定３０億人嘅命運。」照片由戰爭場景轉變為一個議會廳，有２０人坐在一個圓桌，在談論一些事情。
「而在及後的１１０年裡，人類再次強大，科技也發展成熟，但同時地球都變得不健康，做甚麼都沒有用，佢地開發左火星作為中轉站，暫時居住。係依段時間裡面，世界政府就將已經開發左百幾年嘅科技攞出黎，就當係自己執政時期嘅豐功偉業，加強人民嘅信心。」影像再次轉換，這次是有四份印着機密的字樣的文件。
「依Ｄ機密文件點會係地球嘅？」我問。
「由於依個政府極唔重視依Ｄ資料，佢地全部都帶走左副本，正本就全部都留哂係地球。」
「而家依個政府所執行嘅係惡法，而而家係地球嘅我地唯一可以做嘅就係儲蓄力量，希望救多Ｄ係監獄過黎嘅受害者，然後當時機成熟，我地就一舉反攻。殺佢一個措手不及。」文博士激動地說。
「咁我地而家有咩可以做到？」小明問。
「你地兩個肯加入？」文博士更為激動地說。
「嗯！」我跟小明都同時答應。
「好，你地而家有一樣野一定要做左先！」文博士關掉顯示器，拉着我們的手走出了房，穿過大房間，回到電梯前。
「係去之前，你地要諗清楚要唔要幫我地，因為我地同你做完嗰件事之後，你就無得反悔架啦。」文博士認真地說。
「係！」我和小明同時回答。
「好好好。」升降機到了，我們進去後，文博士便按了２樓。