2714-晶片.太空.超能力: 第六章
我們到了２樓，升降機外都是只有一道門，但與資料室的門不同，資料室是古樸的大木門，而這道則是充滿未來和科技的味道的銀色大門，門上寫着科研室，我們來到門前，文博士把大姆指伸出，壓在門上的一個玻璃上，突然，門上又出現了一個圓形的，發着藍光的位置，文博士把眼睛靠近發光處，一道藍色光由上至下掃過眼珠，然後便有一把聲音出現：「歡迎光臨科研室，文博士同埋兩位外來人士。」門便打開了。
「德明！」有一位留着短小白鬍子，穿著白袍的人前來迎接，「啊龍！」文博士也上前，兩人來了一個深深的擁抱，擁抱後便介紹了我和小明。
「佢地兩個想要加入，你同佢兩個攪攪佢。我仲要去手術室，去睇下嗰個潛藏人搞成點。」文博士說完便離開了。
「好啦，我叫白龍，你地可以叫白醫生或者龍哥嘅，如果畀面嘅話。」白醫生開玩笑地說。
「你好，我叫小明。」「我叫啊金啊。」小明和我都報上了自己的名字。
「好，不如過黎依邊講解下陣間要做嘅野。」白醫生帶我們穿過一張張實驗桌，科研室內也有不少人在進行不同的研究，我們穿過的空氣衣也是其中之一，不止對物件進行研究，更有動植物的研究，小明殺死過的食人花也是研究對象。
白醫生邊走邊說：「頭先你地睇到嘅研究都唔係最主要嘅研究，我地主要嘅研究就係依度。」他把一道門推開，內裡有不同的人在對同一個物件進行研究，人類智能晶片。
「你地都知道依個係有咩用架嗎？」他拿起一塊晶片說。
「嗯，知道」我和小明回答。
「佢嘅用途其實有更多，而我地就發現左原來佢可以開發出人類嘅新時代，超能力嘅時代，我地利用晶片發展左唔同嘅能力，同一時間，為左防止再被連線，我地都發明左阻隔嘅晶片，離開依個基地都唔會重新同邪惡大腦連線。」
「我地會為所有人加上阻隔晶片，但係超能晶片我地只會比戰士用，一般市民係唔會比嘅。你地係想做平民定士兵？」
「我地當然係士兵啦。」我們兩人一起說。
「點解呢？」
「因為我地仲有親人係生活係強權之下，我地想要解放佢地，救佢地脫苦海。」我說。「我成家人都仲係土地球。」
「好，咁我地先加阻隔晶片，你地跟我黎。」
他帶我們來到一間房間，房裡有數張床，而旁邊則有一架架雙層鐵車，大約只有半個人的高度。上下兩層都放有用透明盒存放的晶片。
「我地幫你地加完阻隔晶片同埋超能晶片後，仲有一種晶片，就係武器晶片，但係我地唔會強逼你地加武器晶片，因為佢嘅用處其實不大，你地願唔願意加埋呢？」白醫生問。
「我唔需要啦。」小明說。
「我願意加埋。」我說。
「故唔到你兩個會有唔同嘅選擇，可唔可以話個原因比我聽呢？」
「我只係感覺我唔駛加武器，你地應該會有武器提供架嗎？」小明說。
「係，我地會為每個士兵提供標準武器裝備。咁你呢？」白醫生向我問。
「我覺得有自己武器會令我有更大生存能力，同埋我想有更多嘅力量去救我嘅家人。」我堅定地說。
「好好好，好啦你地兩個去嗰邊搵張床訓低先。我去搵人幫一幫手。」白醫生說着便出了去
我們二人便找了兩張相鄰的床，躺了上去。靜持白醫生和他的幫手
「好啦，我地開始啦。」白醫生回來並帶了兩個人。「好啦，先放入阻隔晶片，係阻隔嘅過程入面你地會訓着，約莫３０分鐘後會第一次醒，之後仲會再訓番，依過會持續個半鐘，之後會幫你地加超能晶片同埋武器晶片。」
說完便指示那兩人為我們加上阻隔晶片。小明很快便入睡了，但我卻只是愈來愈迷糊。突然我眼前出現了一道白光，我進入了白光，我到了一個全白的地方，一個無邊界的地方，我自言自語：「嘩，邊度黎架，好似好大喎，講野有回音嘅。」
「依度係自由天堂。」一把溫柔的聲音出現，但我見不到有人，於是左右張望。
「我係依度啊！」她的聲音從後方傳來，我立馬轉過身來，隨即見到從上下左右都有一大堆白色的液體飄出來，在我面前形成一個人形，後來出現了的是一位穿著白色裙的女人。
「你係邊個？」
「我係自由女神，你好。」
「做咩你。。。我點解會係度？到底發生咩事？」
「放心，唔駛驚，我會交托一切比你，不過我嘅存在你唔可以同人講，依樣野你要記得啊！」
「好，我會記得，但係你要將一切交托比我？」
「係，其實你地開發嘅智能晶片令你地有能力擁有更強大嘅力量，但係你地就用左係錯嘅地方，而我地善神族需要有人可以撥亂反正，而我就選擇你。」
「下，幾時嘅事？點解係我啊？」
「由出世開始，我地善神族可以睇到人嘅善惡，甚至佢嘅善惡成份，而你係我見過自由同善良都有最高成份嘅人，所以我選擇左你。」
「但係我咩都唔識架喎。」
「唔緊要，你嘅自由意志同善良足以感化別人，我有樣野要送比你，自由之翼。」說着便把手放到我的背部，口中在念著我不懂的語言，像是一種咒語。當祂念完，我頓時感到背部肩胛位置附近有兩股暖流。
「當你要用嘅時候，只要念住有一對翼係背脊，對翼就可以出黎架啦。」
「多謝你，但係我幾時會用到呢？」
「咁就要睇你判斷啦。好啦，差唔多啦，８８」說完便消失了，我就返回了現實世界，當我坐起來時，幫我加上阻隔晶片的人和白醫生都用奇怪的眼神看着我。
「咩事，你地做咩咁樣望住我？」
「無，你嘅完成時間比一般人快一倍，想睇下有冇事啫。」
「無，我無事喎。」
「等我幫你睇下有無成功阻隔訊號。」白醫生說着便把手中的一個圓形物件放近我的後頸，圓形物件連接一個方形的銀色物件。「ＯＫ，你已經隔左啦。」