《港男FF妄誌》: [Day 4－臨崖勒馬] PART 2
落左巴士之後，搓下搓下塊面，希望將D血氣搓得平均D，唔好有個五指掌痕刻喺塊面道就好...
睇一睇自己隻手錶...
8：40分？
要跑返去先得喇！
要Emma等我唔係咁好！
跑過幾條馬路...轉過幾個彎...
喺公司間大廈門口，我已經見到著住淺藍色V領連身短裙既Emma快要行入大堂。
『Emma～Emma～嗄嗄...』我揮住手跑去Emma面前...
跑左幾個街口已經索晒氣...
「飛揚～早晨丫～做咩跑到索晒氣丫你～仲有時間喎～」Emma轉一轉身望向我，條短裙仔又飄一飄。
我雙手壓住膝頭哥抖一抖順條氣...
望落Emma對鞋...
藍白間條婆仔鞋？
究竟Emma屋企有幾多對婆仔鞋架？
『嗄...唔想要你等我返黎開門嘛～』
Emma眼定定望住我：「就係因為唔想我等，所以你跑返黎？」
『嗄...可以咁講啦...哈哈...』
Emma笑笑口：「你真係好特別～」
又好特別？
究竟係特咩別呢？
佢又未睇過我全相，又點會知我最特別既地方喺係邊道呢？
「你塊面...」Emma用心打量一下我塊俾人星左兩巴既面...
『無～我跑過黎跑到塊面都紅姐～我地上去先啦～』我撳一撳住塊面走入大堂。
經過尋日之後，我好放心交D野俾Emma做。
而且我都唔使再睇過先Send俾D客。
疑人勿用，用人勿疑呀嘛～
我對Emma好有信心。
一個咁有天賦既女仔係唔應該阻礙佢發展所能～
只要係佢自己想做，總會比別人所想既做得更好。
而今日既我，亦都無乜點𥄫Emma對誘人長腿～(無乜點𥄫都有𥄫～)
可能你會話：「車～梗係無乜點𥄫啦～成日都有得𥄫既話，俾個林瑞瑜你任𥄫都𥄫到悶啦～」
我的確唔可以否定有呢種情況出現，但我而家既情況就唔係咁喇...
唔知點解呢...
之前既𥄫，係帶住一種想侵犯Emma既心去𥄫。
但而家...我有少少帶住欣賞既角度去𥄫...
我唔會話自己係一個君子...
但我都唔係一隻玄牛！
做下做下野又到十一點。
Emma未黎之前，返工真係好無聊～
但Emma黎左之後，工作就開心左好多～
「係呢～老闆仲未返既？佢幾時先會返丫呢～」Emma一邊望住部Mac機，一邊同我傾計。
『我諗差唔多架喇～』我亦都邊畫圖邊同Emma傾計。
有人傾住計黎做野真係唔同D～
個人輕鬆D～
部腦都無咁易Hang～
「咁佢返左黎咪無得同你傾住做囉...」Emma帶住一點點失落既聲線...
『咁又唔會既～老闆入左房之後就好少出黎～唔係講起佢既野應該無問題既～』嗰隻咁既肥豬返左黎同無返無分別～
「係咁就好喇～我最鍾意同飛揚傾計～」Emma又回復愉快既心情。
最鍾意？
係唔係Emma既口頭禪黎架？
同Emma傾計既同時，我發現佢不時都會話最鍾意乜乜乜，最鍾意點點點～
好少話唔鍾意D乜。
究竟咩叫做最鍾意呢？
最鍾意唔係應該得一樣架咩？
講開又講...
我最鍾意既又係D乜呢？
「鍾意同愛係唔同。所以我想搞清楚究竟係鍾意...定係愛...」我腦裏突然閃出呢句話...
鍾意...愛？
我既最愛...
“咔”一聲響，肥豬老闆推門入黎...
『老闆返黎喇？』我好自然咁企起身迎接肥豬老闆入Office...
「推得門入黎梗係返黎啦，唔通出去咩死蠢！」睇黎肥豬今日心情唔多靚...
「老闆返黎喇？」Emma亦企左起身。
「坐坐坐～唔駛咁客氣既～」肥豬對Emma特別好...
梗係啦～
佢都係睇佢外父頭！
Emma係佢外父既寶貝孫女，唔對佢好D，容乜易收返晒佢D野？
「唔得既～你係老闆黎架嘛～我梗要對你客客氣氣架啦～呀～今晚我返去爺爺道食飯～同佢講下都好喎～」Emma用食指掂一掂自己個櫻桃小嘴。
「唔好唔好～千祈唔好～」肥豬耷晒頭咁。
「咁你應該點回應飛揚向你打招呼呢？」Emma望一望我。
肥豬望一望我，立即行到我面前：「我返黎呢飛揚哥～」
『歡迎返黎...』肥豬喺我面前扮死狗都係第一次...
「唔歡迎～唔歡迎～咁滿意啦呵～我返入去先喇～」肥豬烚熟狗頭行返入房。
我望一望Emma，佢向我打左個眼色，咬住個嘴唇俾左個“LIKE”我...
呢個Emma...真係好鬼死得人鍾意～
鍾意...
鍾意同愛要分得好清...
唔係既話...抱憾終身...
「哈哈哈～係咩？」
『真架～』
「只要係你講既我就信！」
『OK咁啦～我個Friend個女朋友都話唔差架喎～』
「嗯嗯～得閒一定要試試～」
同Emma有傾有講，有講有笑就到十二點。
時間過得好快，開心既時間過得特別快架嘛～
「喺呢～等等我地食咩好呢～」Emma托住個頭，咬住手指咁問。
『等等丫...等等我要去見客喎～今日應該同唔到你食喇...』唔講差D都唔記得約左葉總食Lunch傾野...
「下...」Emma苦瓜乾既面孔望住我，「你去邊道見丫？」
『個客約左去迪士尼酒店間華特餐廳見喎...』我已經執好野，準備出發。
呢個時候肥豬由房行左出黎：「喂飛揚！你等等係唔係去迪士尼見客？幫我係咁易買條頸鏈返黎！」
又要我去買野...
買完又唔俾返錢我...
即係又搵我笨實姐...
「老闆～我可唔可以跟埋飛揚去見識下丫？」Emma突然企左起身...
「咁...」肥豬諗左一諗...
「咁即係得啦～飛揚我地行啦～」Emma拎起佢個手袋仔，拉住我出左公司門...
喂喂喂我無話得喎...
入到升降機之後...
『Emma...咁會唔會唔係幾好呢？話晒佢都係你老闆...』我唔係要向Emma說教...之但係...有D時候都要分下莊閒...
你有免死金牌姐...我無架嘛...
屋企仲有一家大細等我養...
我個妹仲讀緊書架...
一陣肥豬嬲嬲地無地方發洩，炒鳩左我咪仆街？
「你都唔忍心由得我單獨同個鹹濕佬一齊架...」Emma扁扁地嘴...
鹹濕...佬？！
『條仆...老闆鹹濕過你？！』係喎！新聞成日都有報架喎！
話D咩鹹濕姨丈呀、禽獸舅父搞自己D外娚女呀、姪女呀咁架喎！
條仆街唔係真係對Emma出淫爪呀嘛？！
「都好耐之前既事LUU...」Emma欲言又止...
『條仆街唔係人黎架！等我上返去打鑊佢！』我心突然有把火，起勢咁撳個掣！
「你冷靜D先～你冷靜D先～」Emma捉住我隻手，「咁我又無乜蝕底到既～我細細個就好識保護自己～每次嗰個鹹濕佬借頭借路想埋我身既時候，我都會走開～你放心啦～我唔蠢架～」
咁...咁都好D...
你試下隻禽獸掂下Emma，我手都斬斷佢！
「而家仲有你保護我，我就更加唔使驚啦～」Emma又對我打左個眼色...
保護...
又輪唔到我...
我呢D人，唔好話保護人呀，保護自己都難...
自己既利益都悍衛唔到，仲講咩保護他人...
行到出大廈門口，Emma突然問起：「飛揚～仲敢唔敢坐我車？」
「敢～不過...」我諗左一諗，「你唔想坐米奇列車咩？」
Emma眼定定望住我，再散發天真爛漫既笑容：「好丫～我好耐都無坐過啦～」
Emma呢個女仔...總係存在住一顆純真既心～
『喂～你有八達通架嘛？』去到地鐵站先諗起呢樣野...
有錢女應該唔識搭交通工具...(係公共交通工具...)
「我梗係有啦～」Emma立即喺佢個miu miu銀包拎左張八達通出黎。
『有錢架嘛？』唔好話，有錢女既八達通無錢都唔出奇～
佢地有幾何會搭公共交通工具？
「梗係有啦～你當我細路女咩～」Emma谷起塊面豬登。
『唔係唔係...』都係嗰句，你呢D上等人同我呢D下等人隔住成條銀河...
我又點知你習唔習慣用呢D專為下等人而設既吸血工具？
上到地鐵，呢個鐘數無乜人搭，我地都有位坐。
一坐低之後，Emma條短裙就拉一拉起，誘人既大腿又再展露喺空氣中。
Emma雙腳緊合，雙手放喺短裙上。
但係咁樣係唔足以防範D淫蟲！(呢點我好清楚！)
咁樣只會令D淫蟲更多幻想！(呢點我更加清楚！)
成車列車既男人都行晒過黎我地呢卡車廂！
坐喺對面嗰排麻甩佬個個都拎住部電話...
企喺道既又拎住部電話...
你估我唔知你地籠野呀？
一個二個死變態佬想影Emma對腳？！
我立即除左自己件西裝褸，蓋到Emma對腳上：『地鐵D冷氣好凍架，小心凍親對腳。』
Emma點點頭：「唔該。」
班麻甩佬無一個唔送個“屌你個嘴要護花就護返屋企啪啪啪啪啪啪啪啪啪啪啪啪啦！”既眼神俾我。
我亦都回返一個“要丁就上這裏成人電影丁啦仆街！”既眼神俾佢地！
有人話男人一日有九成時間係諗緊鹹濕野，計我話男人一日全日都係諗緊鹹濕野！
返返下工，做做下野，可以走去上高登搵丁圖，走去這裏成人電影睇有咩新片。
喺條街道𥄫女仲多過睇路。
見到有獵物仲要拎部手機出黎，影低佢、拍低佢返屋企打丁。
瞓前打個丁，瞓著又想夢到同淫kay大戰。
你睇下你地自己Whatsapp既男子組Group，裏面分分鐘有九成媒體檔都係丁圖/A片！
對話內容八成都係“魔呀”，仲有兩成就係問幾多錢！
所以話男人...
大部份車上既男人都無再打Emma主意～
我一件西裝可以擊退咁多野狼都算英勇～
「唔該晒你件褸～」去到中環站轉車，Emma想俾返件褸我。
『唔使俾返我住，一陣仲有機會用得著。去到迪士尼先俾返我啦。』我同Emma一齊行過去扶手電樓。
我讓Emma行上前先，再喺Emma後面細細聲講：『我喺你後面擋住，你再用我件褸遮一遮後面，咁咪唔怕俾變態佬望～」
Emma照樣行左上我前一級扶手電梯，但就無將我件褸放喺後面...
Emma雙手雙手攬住我件褸...
而我而家只要耷低頭，向下望都可以欣賞到Emma對修長美腿...
但當然我就無咁做...
我係好好奇，點解唔搵我件褸遮遮呢？
一直行到去香港站月台，Emma都仲係攬住我件褸...
我無直接望住Emma，只係由玻璃門既倒影望住Emma...
究竟點解佢會咁做呢？
佢危機意識低？
唔會架...
頭先Emma先講完細細個就好識保護自己...
咁點解佢唔用褸遮遮呢？
「做咩唔問我點解唔用你件褸遮遮？」Emma攬住我件褸望住我。
『下...』突然一問，我俾唔切反應...
「因為係你...我唔介意...」Emma雙眼不帶半點猶疑...
因為係我？
所以唔介意？
我唔係好明Emma係咩意思...
「因為你係一個好男人...」Emma嘴角帶一絲絲微笑...
我是一個好男人？！
係唔係傳說中既好人卡呀？！
我都無做過D乜，做咩派好人卡俾我呀？！
『好男人...世上無好男人架...』我接受唔到未表白就收左皮...
「有...我曾經遇過一個...」Emma對眼好似投影機咁，投射出過去既影像...
Emma喺道回憶緊？
回憶緊曾經甜美既往事？
甜美既往事...
「沒有開始，沒有終結。」
「往東涌既列車會係兩分鐘後到達...」
Emma繼續攬住我件褸笑一笑...
「The train for tung chung is arriving...」
可能呢個世界上真係仲有好男人...我唔肯定...
但我肯肯定我未表白就收左好人卡...
唉...對不起，你是個好人...
做好人都要俾雷劈...
有段時間我都用呢個封面做個人相片...
不過唔係喎...諗深一層...我都無諗過要同Emma表白～
收唔收好人卡又有咩關係？