上到車,好彩仲有位坐,Emma照舊將我件褸蓋喺大髀上。

雖然可以阻止到D麻甩佬𥄫Emma對腳,但Emma既美麗仍然會吸引好多麻甩佬既目光...

男人...

可唔可以收起你地既獸性?

「飛揚~你信唔信呢個世上有青鳥?」Emma突然好天真咁問左我呢條問題。



『青鳥...』我諗左一諗...

我記得有人曾經同我講過,佢隻青鳥已經返返去佢身邊...

青鳥...

『嗯...我相信呢個世上有青鳥...不過唔係每個人都會遇得到...』我無正視Emma,因為我仲喺回憶裏面。

「咁你遇到你隻青鳥未?」Emma一直將注意力放到我身上。



我諗左一諗...

望一望眼前既Emma...

『或者遇到...不過已經飛走左...』

Emma眼定定望住我,俾唔到任何反應...

係唔係因為我既答案太高深?



定係太無模稜兩可?

我諗Emma唔係好明我講乜...

好多人都話過我經常答唔到重點...

但我好想講,係你無去了解下人地想講乜姐!

『咁你呢?』為左唔好令Emma咁尷尬,我都係將問題轉到佢身上好D...

「我...我諗我已經遇到...但可能唔係屬於我...」Emma將視線放到玻璃窗外...

已經遇到,但唔屬於自己...

話我講野高深,越高深既仲喺後面...



雖然識左Emma唔係好耐,對佢既認識唔係好深...

但係,Emma好似係一個充滿過去既人...

究竟Emma有乜過去呢?

係唔係有一段遺憾既愛情故事埋藏喺深心處呢?

我好想問,但唔方便問...

始終每個人都會有佢既過去...

有D人好想同人分享,有D人卻會想留返俾自己。



我相信假如Emma想講既話,終有一日會講俾我聽...

唔知係我錯覺,定係地鐵又發生故障~

我硬係覺得呢程車好慢長...

比平日更慢長...

去到欣澳站之後,Emma已經急不及待拉住我行去等車。

『睇黎你都好鍾意迪士尼喎~』我企喺Emma身邊,同佢一齊等車。

「有邊個女仔唔鍾意迪士尼架~」Emma咬住唇咁樣講。

有時候,我真係覺得鍾意迪士尼丫,Sanrio嗰D女仔真係好戇鳩。



呢D擺明就係昆你水既玩意黎架啦~

買個爛鳩水杯又幾百蚊~

買個濕鳩地毯又成千蚊~

仲有嗰D帶唔夠一年就壞既錶...真係要黎裝飾咩?

咁都會上檔?

但女仔真係好受落~

女人成日都話要聽真話,但事實上最鍾意聽就係大話!



不過...我都只係話有時候姐~

好似而家面前既Emma,佢一D都唔戇鳩~

仲好Pure好True添~

「你女朋友唔鍾意迪士尼架咩?」Emma突然問起我呢條難題...

Ashlynn佢唔係唔鍾意迪士尼...

『佢鍾意愛馬仕多D囉...』其實佢係乜都鍾意...

「第一樣竟然唔係諗鍾意你自己先?嘻~你真係好特別~」Emma好似提醒左我一D忽略左既野...

今次我無再喺Emma個“特別”道打轉。

今次我係將注意力放左喺“第一樣竟然唔係諗鍾意你自己”道。

無錯喇,點解我第一樣唔係諗起呢樣野先?

事實上,就算係第二、第三、第四樣,我都未諗到係自己...

點解會咁架呢?

一直以黎,我問親Ashlynn鍾意D乜,佢都係答我物質上既野...

好似從來都未提過我...

「車黎啦~車黎啦~」Emma雀躍咁彈下彈下...

睇黎Emma真係好鍾意迪士尼...

坐上米奇列車,Emma表現得又緊張、又興奮~

「我真係好耐都無黎過坐過呢架車喇~」Emma將我件褸蓋到大髀上之後,拍晒手~

『對上嗰次係幾時?』

「嗯...」Emma諗左諗,「我諗都有四、五年前喇~好多時都係揸車黎~」

『咁又係既,有車既話揸過黎會好D既~有全年通既話泊車仲要唔使錢~最重要唔使同蝗迫車~今日係閒日先有得坐下~放假?企都無地方企~』蝗最鍾意就係去呢D地方~

自從香港俾蝗侵佔之後,仲有邊個地方係屬於我地香港人?

成日話香港豆腐潤咁細,點解可以容納咁多蝗落黎?

呢個政府係唔係真係為左錢就乜都得?

戇鳩架?

「都係既...不過...我覺得最重要既係同邊個去~同自己鍾意既人去既話,再人迫D,排隊耐D都唔怕~」Emma又再展露天真既笑容。

同自己鍾意既人去...

或者係既...

可以同自己鍾意既人做一D自己鍾意既事係一件好幸福既事。

但係...

而家你去左邊呢?

落左車之後,同Emma一步一步行入迪士尼。

「好野~終於黎到迪士尼喇~」Emma舉晒手~

睇黎Emma已經唔記得左黎呢道既目的...『我地黎係傾野架...』

「係喎係喎...嘻嘻~咁傾完野先玩喇~」Emma好自然咁轉左一下身。

淺藍色既短裙輕舞飛揚~

我真係好懷疑Emma同我一齊黎係唔係為左避開隻肥豬...

我仲有D懷疑Emma係唔係為左黎迪士尼玩,作個故事呃我話肥豬想淫慾佢...

入到去華特餐廳之後,我都要著返件西裝褸。

呢種係尊重個客既表現。

不過一將件褸著上身之後...

好香...

我件褸飄出陣陣少女清香...

呢D香味...

係Emma身上...既香味...

件褸吸左Emma既體香...

令人陶醉既少女香味令我開始面紅紅...

我已經感覺到塊面越黎越熱...

「喂~陳生~」一把沈實既聲線叫醒左我。

我定一定神,已經見到葉總同佢一大一細囡囡坐喺餐桌前。

細女應該同阿Wing差唔多大,大女都有Emma咁上下大。

兩個都幾靚女,身材都唔差。

有錢人係容易保養D~

「老豆有野要傾,你兩個同媽咪去玩陣先~」葉總使開佢兩個寶貝女。

我同兩位千金點個頭後:『你好阿葉生,呢個係Emma,我同事。』

「你好丫葉生~」Emma伸出玉手同葉總握手。

「你好呀你好呀~叫我Henry得架喇...嘩...好滑...」葉總睇黎愛不惜手。

你個老淫蟲!

個女都有Emma咁大啦!

仲走黎搏Emma懵!

『阿葉生坐坐坐坐坐先~』我立即將Emma隻手拉開。

「點呀?我要你改D野改好晒未架?」葉總對眼一直𥄫住Emma,手指就指住我篤篤篤篤篤...

你篤我都唔緊要!

但係可唔可以唔好𥄫Emma呢?

尊重下人望住人講野都要啦!

『改好晒喇,你睇下個版得唔得?』我由公事包拎左個版出黎。

「嗯嗯...嗯嗯...」葉總對淫眼仲未離開過Emma...

由塊面,掃到落胸...

又由個胸,掃返上塊面...

仆你個街𥄫撚完未呀?

「你地都未食野架呵?不如食完先再傾啦~鍾意食乜隨便叫~我請~」葉總叫個Waiter過黎...

『唔使喇唔使喇~都係傾埋先啦~』我先唔會俾你𥄫Emma咁耐!

「唔食野都飲返杯先啦~紅酒岩唔岩呀靚女?」葉總倒左D紅酒落個杯道,隊俾Emma...

葉總仲要捉住Emma隻手,搓下搓下...

「好滑...真係好滑...」葉總仲要一邊意淫未盡咁搓住Emma隻手喺道講!

望住個死淫蟲喺道抽Emma水,我道火就快要谷出黎!

真係忍無可忍...

屌你個嘴呢D咁老套既劇情返去睇CCTVB啦!

『葉生...』我仲未將我要講既野講完...

“啪”一聲...

葉總大大力拍完張檯後:「唔係唔俾面呀化?!」

遇到呢D情況,一向濕鳩既我會點做?

呢D咁老套既劇情,CCTVB都做到爛!

“啪”一聲...

我又一手拍落張檯道,仲要企埋起身!

雙眼充滿怒火咁睥住隻葉總!

接住落黎我梗係要:『我...』

屌你老母都未講到出口...

「我當然會俾面啦~」Emma就一啖飲晒成杯紅酒...

Emma...

「不過支酒就麻麻,都係留返俾你呢D孽畜飲啦~」Emma一講完,起身就拖住我走。

「你個...」我無再聽隻葉總講乜...

Emma一路拖住我,我一路望住Emma既背影...

真係又夠型...

不過會唔會型棍得制?

話晒葉總都係我地既大客...

得失左佢,你叫我點向肥豬交代呢?

返去之前真係要諗返個藉口先得...

「好野~可以去玩喇~」出到酒店之後,Emma就好開心舉晒手話要去玩...

『我地仲返緊工架~』岩岩先得失個大客...仲想走去玩...

「好啦~俾我任性一次咁多~一次咁多啦~」Emma扁晒嘴扮小朋友...

『ER...』

「ER即係得啦~」Emma拉住我行...

我地行到去灰熊山谷,Emma就話要去玩水...

『著到咁玩水?』我向Emma展露出驚訝既表情!

「天氣咁熱有咩所謂~」Emma一邊拉住我入噴泉山谷一邊講。

Emma真係玩得好開心,就算射到成身濕晒都嘻嘻哈哈~

髮尾滴下滴下水既Emma散發住少女既活力...

Emma件V領連身短裙已經濕到透透地...

就咁睇已經睇到Emma既粉紅色Bra...

『Emma...』我諗住拎件褸俾Emma遮遮...

「唔使啦~好快會乾~」Emma向我打左個眼色...

好快會乾都係咁話姐...

身邊已經有一隻二隻灰熊𥄫住Emma...

再係咁落去,我怕連我自己都變埋人狼...

「我地去玩灰熊山極速礦車~會快D乾架~」Emma又拉住我衝過去極速礦車嗰邊...

『喂喂喂...』過山車我唔係好得架咋...

企喺Emma身後排隊,Emma條短裙連底裙都濕埋,已經透到見到粉紅色底底...

唔好望唔好望...

仲要幫Emma遮遮,唔好俾後面班灰熊𥄫到Emma!

好彩今日唔係太多人,排左一陣就入到去玩~

放好安全閘...

『嘩...呀...呀!!!』其實我真係唔玩得過山車架!

「哈哈哈~」Emma一手撳住條短裙仔,一手捉住個安全閘。

Emma真係玩得好開...『心呀呀呀!!!!!』

玩完對我呢講已經好快既灰熊山極速礦車後...

「係唔係丫~都話好快乾架啦~」Emma喺我面前轉左一圈...

條短裙連底裙一齊飄起...

修長而粉嫩既雙腿...

粉紅色既底底...

好迷人...

Emma轉完一圈之後企定定,帶住微笑望住我...

太靚喇...

Emma慢慢行埋我身邊:「飛揚...你肚餓未丫~」

『餓...餓...呀你肚餓喇?』我差D想講我想食左你...

「嗯~有D喇~」Emma點點頭。

『咁你想食D乜?』我記得呢頭好似有間西餐廳...

「我想食漢堡包~薯條~飲可樂~」Emma咬住手指望住我...

下?

一生只想尋找一個肯捱麥記的女人?