一直俾Emma瞓喺我大髀上,一直安撫Emma。

一種好有戀愛既感覺...

好似好耐都無感受過呢種感覺,由同Ashlynn開始拍拖第二個星期之後,一直都無呢種感覺。

我會認為戀愛既感覺,係最唔真實既感覺。

我黎問你,咩叫戀愛感覺?





3…2…1…

答唔出呢~

喺岩岩遇到心儀既人同埋拍拖既初期,你都會有呢種虛幻既感覺既。

到時間耐左,最真實既一面就會慢慢浮現...

你女朋友就想你付出多D,為佢做多D野。





你就只係想同佢可以扑多幾次野。

慢慢就會忘記左最開頭嗰種摸下女神手仔都會心跳既觸電感覺。

而家喺眼前瞓喺我大髀上面既Emma就俾到呢種感覺我。

如果話無同Ashlynn拍拖既話,我會唔會真係愛上Emma?

我唔知...





我只係知就算會愛上都無用...

Emma又點會睇得上我?

Emma對我既親切,我只會理解為佢份人平易近人。

我絕對唔會誤解為愛!

我成日都話男人係一種單細胞生物!

個女仔黐埋DD又話想同你有肌膚之親。

個女仔同你講下心事又話想同你表白。

個女仔想你幫佢揀下衫又話想俾你除佢件衫。





到最後一句:「對唔住丫~你係一個好人...我只當你係我哥哥...」

咁又走左去從軍...

喺香港做兵就係話都無咁易~

所以話你要擔心解放軍清場既話,不如擔心下自己會俾其他觀音兵圍剿好過啦...

俾Emma瞓左差唔多成朝大髀...

我知道Emma一直都望住我,但我就唔敢望返佢。

我真係唔想俾自己有一個妄想。





妄想可以食到Emma...

女神只有一個,毒撚卻無限多…

有幾多個毒撚可以食到女神?

一個?

NO!

係一個都無!

女神係俾神一樣既男人食架傻仔~

你問下自己,你自己做左幾多次兵?





又服左幾耐兵役?

你有無食過女神丫?

有無丫?

答我丫!

現實D啦...

你係一隻兵,命運唔係要你戰死沙場,就係變成棄卒...

「飛揚...你可唔可以一直都對我咁好...」好耐都無出過聲既Emma終於出聲...





但係...咁講係唔係即係收我做兵丫...

天呀...

當年岳飛被嗚金收兵都無好下場...

今日我俾Emma收做兵...睇黎都係凶多吉少...

唔得!

打撚死我都唔要做兵!

『當然可以...』要做都要做楊戩!

「我會唔會好任性...」Emma扁扁地嘴…

『唔會...』但我似羊𦟌多D囉...

Emma轉一轉個身,雙手攬住我條腰,個頭貼近我個肚...

Emma塊面就貼住左我條JJ!

又因為Emma呢一下突如其來既轉身,我隻手好自然咁掃左上佢條纖腰上...

Emma條腰好幼!

正宗黃蜂腰!

雖然我條JJ已經軟化左,但而家條JJ貼住Emma塊面豬登,手又摸住佢條黃蜂腰,我怕...我怕...

呢頭都未講完,嗰頭條JJ就已經有反應...

Emma好似一個小妹妹咁,攬得我條腰好實。

個嘴都貼實晒我六舊腹肌...

Emma…唔好咁得唔得...

你咁樣,我條JJ真係會再一次失去控制架喇...

我隻左手又好不自覺咁摸Emma條纖腰,右手又掃下Emma D秀髮...

我完全望唔到Emma係咩面容,但我就知我面容開始扭曲...

要忍住...

唔好再扯...

再扯硬D既話,就會喺Emma塊面豬登上面隊下隊下...

唔可以咁樣...

唔得...

但真係好難忍...

「我會記得飛揚身上既氣味...」Emma個嘴貼住我個肚黎講...

Emma講完之後又索多兩索…

氣味...

講開又講...Ashlynn都好鍾意捉住我隻手黎聞...

特別係送Ashlynn搭車返屋企…

佢話過好鍾意聞我隻手D味...

係我獨有既氣味...

Ashlynn話聞到呢種氣味會令佢覺得好有安全感...

如果話男人既氣味可以令女人有安全感...

我就話女人既氣味可以挑起男人既性慾...

咁即係話女人覺得有安全感係表示已經被挑起性慾?!

而家既Emma...

俾我既氣味...

屌!

我都話男人好撚易誤會架啦!

有個靚女索你兩下就話俾你挑起性慾...

咁D狗公狗乸隻隻走過黎索一索你都係俾你挑起晒性慾架啦!

所以話呢~男人真係一種好鍾意FF既單細胞生物!

俾Emma攬左好耐,佢好似仲未有意慾起返身...

我當然亦唔捨得俾佢起身...

但係咁樣落去都唔係辦法...

再甜美既夢,都有夢醒既一日...

『Emma…我幫你再酙D暖水好嘛?』我輕輕力搖一搖Emma...

但Emma無答到我,只係將雙手慢慢搭到上我膊頭...

我扶一扶Emma...扶到我地面到面...

Emma仍然用上情深深既眼神...

『咁大個女都瞓到成個細路女咁~十足十我細妹一樣~』我試圖淡化呢種尷尬氣氛...

「你細妹一定好幸福...」Emma對眼浮左一浮...

我唔係好明Emma呢句係咩意思...

『其實你都好幸福...』我相信呢句係我最真既真心話...

只見Emma擰擰頭:「我一直都追隨幸福...一直喺幸福背後...所以我唔幸福...」

如果比著係其他富幾代咁講,我一定就一句屌埋去:『你生在福中不知福!』

但面對Emma...我唔忍心...

而且Emma而家仲要用上一副哀傷既神情望住我...

雖然話識左Emma唔係太耐,一個星期都未夠,但我都係第一次見Emma面上表露出呢種神情...

一種憂鬱神傷既難過心情...

究竟Emma有乜故事呢?

Emma明明就無拍過拖...

點睇都無理由係情傷架...

究竟要遇到D咩事,先會製造出你呢種眼神?

Emma越靠越近...

近到我已經感覺到Emma既呼吸...

好近...

越貼越近...

Emma唔係想同我接吻丫嘛…

Emma合一合埋對眼...

之後撲左喺我膊頭道...

「可唔可以俾我攬下...」Emma喺我耳邊講...

講到我有D耳仔軟...

『嗯嗯...』我亦都喺Emma耳邊嗯左兩聲...

Emma個人震左一震...

我再由Emma條腰,掃到去佢背脊...

攬一攬住Emma...

我唔知咁樣做岩唔岩...

我唔知咁樣做算唔算佔Emma便宜...

我唔知咁樣做叫唔叫得上背叛Ashlynn...

但我真係無一種想佔有Emma既心。

雖然話咁樣一攬,Emma對豐滿乳房已經壓晒埋黎...

但我唔會有想揸佢兩下既衝動...

唔知點解,咁樣攬住Emma總有一種窩心既感覺...

我唔知Emma會唔同我一樣都有同一種感覺...

但我就好清楚唔係想搞野嗰種囉...

同Emma一直相擁,一直掃下掃下Emma背脊...

Emma放鬆晒成個人喺我身上...

聞住Emma既體香,總有一種好幸福既感覺~

幸福到,好似已經得到晒全世界咁...

呢一種究竟係乜野感覺黎既呢?

「飛揚~多謝你~」久久都無過講野既Emma終於出聲。

『唔多謝...』其實要講多謝嗰個應該係我...

Emma令到我有一種...

一種好似遺忘左好耐既感覺...

我可唔可以將呢份感覺形容為初戀...

會唔會太貪心...

貪婪喔...七罪宗...

同Emma攬下瞓下原來已經成點鐘...

乜鳩都無做過,又到左放工時間...

所以你話星期六返半日係唔係好撚戇鳩?

『Emma~你仲有無咁唔舒服?使唔使返屋企先?阿Gay生嗰邊等我一個去就OK。』我扶一扶住Emma,眼定定望住佢雙大眼睛...

可能仲係太貼近既關係,我有D尷尬...

「唔得!咁難得可以同你一齊走...我要同你一齊去~」Emma睜大對大眼睛,扁扁地嘴咁講。

估唔到Emma都有任性既一面~

不過呢一下任性又唔會話惹人討厭~

反而仲覺得佢幾得意~

女仔久唔久任性一下其實都唔錯既~

久唔久好喇...

『你真係OK?』我摸一摸Emma D秀髮。

「嗯嗯嗯~我OK架~」Emma點晒頭咁講。

『哈~好喇~咁我地執好野,去食個飯先啦~』我一抱,就抱左Emma起身...

「嘩~哈哈~」Emma好開心咁箍住我條頸,對腳仔踢下踢下~

Emma個人唔係好重,我諗最多都係重阿Wing少少,但一定輕過Ashlynn...

Emma對腳真係好滑,而且仲好彈手...

不過就有少少凍...

可能係因為黎M既關係啦~

自然反應下,我輕輕力搓左一搓Emma既大髀。

而Emma又好似唔係好抗拒,仲面帶一點點甜絲絲既笑容。

Emma輕輕咬一咬嘴唇,好似好滿足咁。

而Emma條裙仔太短喇~

俾我抱起之下,扯到上小腹~

雖然話我呢個角度睇唔到Emma條底底,但就咁睇大髀都已經好吸引~

所以話...男人...唔夠幾秒又起色心...

我一路抱Emma出會客室,不時都會由佢塊面望到落大髀...

Emma係知道,但佢又唔介意俾我望~

仲一直保持微笑望住我~

Emma真係好~

可以俾我大飽眼福~

不過...可唔可以唔好咁好...

我好怕有一日會唔係𥄫咁簡單...

我真係好怕會忍唔住去搞你...

間Office比較細,好快就放左Emma落凳...

Emma好似好依依不捨咁,雙手唔肯離開我條頸...

『你乖乖地坐一陣先~我執埋D野就一齊行~』雖然我都好唔捨得,但再唔捨得都要鬆開Emma對手...

Emma點一點頭...

好彩Emma係一個乖女孩~

拎埋本筆記…

拎埋幾支筆...

應該無野漏喇~

好~行得~

一行到Emma身邊,Emma已經好自然咁翹住左我。

我一直都覺得翹住係一種信任既表現。

而拖手...就係戀愛既表現~

我細細個就已經係咁諗~

所以除左女朋友之外,我係唔會拖住其他人,亦唔會俾其他人拖~

就連阿Wing由細到大都係翹住我,絕對未試過拖住我~

所以我而家會覺得Emma真係好信任我~

兩個人既信任係點樣建立出黎既呢?

我又真係好唔明...

我同Emma由相識到呢一刻,一個星期都未有...

點解Emma會咁信任我?

真係唔怕我會傷害佢架咩?

「飛揚...我想...去一去...洗手間先...」Emma怕怕羞羞咁講...

『哦...好好~』我諗Emma係想去換一換塊M巾先...

喺廁所門前等Emma換M巾...

女仔真係幾慘…

每個月都有幾日唔方便...

做男朋友既真係要好好錫住女朋友先得~

尤其係好似Emma呢D女仔...

身體又唔係好...

又唔戒口...

唔得…真係要睇住Emma先得!

但女仔要食D乜先會黎M黎得順D呢?

Ashlynn好似講過下...

係乜呢?

死喇...平時都唔鬼聽佢講乜架啦...

而家又點會記得呢?

唉...真係點都估唔到,喺而家呢D時候先覺得Ashlynn講既野係重要...

等到Emma換完M巾,喺廁所出返黎,佢仍然翹住我行。

落到樓下同Emma慢步行人路:『今日想食D咩呢?』

「我想食日本野~」Emma搖下搖下我隻手臂...

我隻手臂就撞下撞下Emma個波邊...

『生冷野唔準食~』所以話呢...Emma係唔識照顧自己...

「日本野都可以食熱架姐...」Emma扁扁地嘴望住我...

『ER…好喇好喇…咁去食丼丼屋喇…』你咁既樣我點可以話唔好...

「好野~飛揚對我真係好~」Emma挨一挨個頭落我個膊頭道...

講到好又算唔上...

「你一定會係一個好爸爸~」Emma甜絲絲咁望住我...

『點解咁講呢?』我帶住一副疑惑既眼神望住Emma。

「因為你容易心軟囉~」Emma手指指,指住我心口。

『我容易心軟?』我摸一摸自己心口。

「嗯~嗲你兩嗲就乜都話好~仲唔係容易心軟~」Emma向我打左個眼色...

ER…

講起又好似係...

Ashlynn嗲一嗲我,我就乜都話OK架喇...

「不過,第時你有左小朋友之後,唔好忽略左你老婆丫~特別係生左個女~你咁錫你個女既話,老婆會呷醋架~」Emma谷起塊面豬登...

『生女?邊有咁快丫~連婚都未諗住結...』我擰擰頭...

「你無諗過要結婚咩?」Emma疑惑咁望住我...

『結婚?邊有咁易~又要儲錢買樓,又要儲錢擺酒...仲話要去巴黎影結婚相,去芬蘭Honeymoon...』我望一望Emma...

Emma頭上面好多問號咁...

『唉~你唔明架喇~』你呢D有錢人又點會明無錢係搞唔起呢D所謂有派頭既浪漫呢...

「我真係唔係好明,點解結婚一定要買樓,點解一定要擺酒,影結婚相又要去巴黎,Honeymoon又話要去芬蘭...去巴黎影相同去芬蘭旅行平時做都得啦~」Emma表現出一副無知既樣...

嗱~我都話架啦~

一個再完美既富幾代始終都係富幾代~

就算好似Emma咁完美都好,佢都係唔會明我地呢D下等人既生活係點~

「我最唔明係點解結婚一定要豪...同到最愛既人一齊...一齊踏入人生另一個階段...就算係簡簡單單...住得細D...迫巴士返工...鹹魚白菜也好好味...」Emma若有所思咁望住我...

ER…

俾Emma咁樣講一講,一時之間我俾唔到反應...

『當你日日都係過住食唔飽,著唔暖,月中就要睇住銀行個Balance過活既時候,你就唔會咁諗架喇...貧賤夫妻百事哀丫...』我始終都係一個面對現實既人...

「你真係咁諗?你真係覺得我唔可以為左愛而捱窮?」Emma好認真咁望住我...

我望住眼前一面認真既Emma...

一時間我又俾唔到反應...

我好想答“你可以”,但身為現實主義者既我...

我真係答唔出...

我呃唔到自己...

要一個千金小姐捱窮,就好似捉隻英國短毛貓去非洲玩How To Survive一樣,死撚梗架!

有幾多個錢人可以捱到窮?

唔好睇咁多窮富翁大作戰啦!

昆鳩人架咋!

你估佢真係會做足全日掃街?

瞓足一晚板間房?

拍完幾個鏡頭就返公司嘆冷氣啦!

人地秒秒鐘幾千萬上落,邊有咁得閒同你掃街丫?

醒下啦!

「咁你又可唔可以為左令你愛既人唔使捱窮,而努力改變自己?」Emma情深深咁望住我...

呢句話真係值得令人反思...

我地成日都要求人地乜乜乜...

或者唔想人地點點點...

但又有無諗下自己可唔可以為左人地乜乜乜,點點點呢?

為左你既最愛唔好咁辛苦,買少個LV丫~

為左你既最愛多D安全感,帶返個安全套丫~

為左大家生活可以過得好D,努力D增值自己,應使得使丫~

為左你既最愛,你可以去到幾盡?

成日都有人講“為左你我可以去死”...

既然我地可以為左我地既最愛付出生命,點解唔可以付出多D努力?

試下唔好要求人地,試下要求自己。

兩個人既路應該係兩個人一齊行,而唔係一個人拉住另一個人行...

今日,我明白左呢個道理...

但我又幾時先可以做得到?

Ashlynn…

我同Ashlynn之間,又可唔可以將理論實踐?