《港男FF妄誌》: [Day 7－圖騰禁忌] PART 5
『嘩…呢個鐘數真係多人到...』行到去丼丼屋前，已經見到幾十人喺道排緊隊...
「唔緊要～唔緊要～我地仲有大把時間～等耐D都唔怕～」Emma好快速咁去左拎飛...
呢D食飯時間真係道道都咁多人...
香港幾時先可以少D人丫？
睇黎係無可能...
越黎越多新移民...
咁搞法真係日本未陸沈之前，我地香港就陸沈左先...
「仲有三十六張就到我地～」Emma好開心咁行返埋黎我身邊。
『三十六張？！你捱到架嘛？唔會餓到暈低架嘛？』我疑惑咁望一望Emma...
「我捱到架～就算我餓到暈，都有你抱住我丫嘛～」Emma又翹住我隻手，挨個頭落我膊頭道...
我已經感覺到好多殺氣喺身邊...
打從Emma翹住我行到黎丼丼屋前，我就已經感覺到...
呢種殺氣既質同量，同前兩日阿Wing翹住我行街時有過之而無不及...
好大陣酸味傳入我個鼻...
D葡萄真係一地都係...
都係既…
Emma出現喺呢道真係過於揚眼...
就算有無女朋友喺身邊既男人都會將注意力放晒喺Emma身上...
嗱嗱嗱～呢頭都未講完，遠處嗰個女仔就黑緊佢男朋友面喇～
仲有嗰個嗰個，仲要俾人扭緊耳仔添～
「三十五張～仲有三十五張～」但Emma就好似唔係好為意...
所以話有一件具毀滅性既武器喺身邊真係幾危險～
隨時都會發動到第N次情侶大戰...
雖然係咁，但我又無話好似同阿Wing一齊咁有一種優越感...
始終，我同阿Wing有一個明確既關係。
但Emma...
到左而家我都仲係未可以好確實咁界定一種關係去俾我地兩個...
「喂喂～飛揚～你諗緊乜野諗到咁苦惱丫？」Emma喺我面前揮揮手...
『無無…諗緊一陣食乜好咋嘛…』唔可以俾Emma有任何誤會...
「放鬆D啦～咩都要諗定計定既話，好傷神架～試下放低晒所有野，隨心而發，咁樣做人會舒服好多～」Emma攤開雙手，自轉一圈...
黑色既短裙仔輕輕飄起，一對修長既美腿就展露喺空氣中，吸引到全場男士既目光...
Emma真係唔知佢呢一下既舉動會帶黎災難性既戰爭...
你睇下你睇下～嗰邊就有個女仔嬲爆爆咁走左去～
個男朋友捉都捉住，追都追唔切～
好野～又少左一對情侶等位～
放低所有野…
對你黎講就梗係講得輕鬆～
無憂無慮咁想做乜就做乜～
邊似得我地呢D丫～
所有野都俾周圍既環境、制度、權力控制住...
我地就只可以跟住人地編寫既劇本去演繹...
劇本要你做路人甲就路人甲...
劇本叫你行就行...
劇本叫你企就企...
劇本叫你扮貓叫就唔可以扮狗吠...
咁樣既生活仲點可以放鬆丫？
放棄就有～
企左喺道差唔多等左成九個字，Emma一早就已經攰到挨住我黎企～
哈哈～千金小姐始終都係千金小姐～
口裏說不，身體卻很誠實嘛～
對一個平日應該Book定位一去到就有VIP房坐既千金小姐講，可以企到咁耐都算難得～
比著係Ashlynn？
“妖你去食屎啦！唔忍等喇！”發晒皮四走左N年～
『係唔係好攰丫？』我關心一下Emma。
「唔唔～」Emma擰擰頭。
仲死頂～
不過望住Emma個樣，面上無一絲絲既累意，反而一面幸福...滿足...
究竟呢種幸福滿足既面容從何而來呢？
「到我地啦～到我地啦～」等左十個字，終於都輪到我地～
Emma興奮到好似小妹妹咁捉住我彈下彈下彈入去丼丼屋～
「好野～終於俾我地等到喇～」Emma坐低左之後，拍晒手咁叫好～
能夠俾你等得到係一件好事～
最怕有好多野係等一世都等唔到...
『想食D咩丫？』我望住個Menu問Emma。
「唔...我想食極上海貝丼～」Emma拍晒手咁笑住講。
『生冷野唔食得！揀過第二樣。』又話食熱野...
「唔～～～我想食我想食～」Emma扁晒嘴咁嗲我...
『唔得...食咁多生冷野對身體唔好架...』我係唔會心軟架！
「一件啦～一件啦～」Emma繼續扁晒嘴咁嗲我...
ER…
『好喇好喇...我叫個極上海貝丼俾一件刺身你食...你要揀個熱野食...』我咁樣都唔算係心軟姐...
「好野～嘻嘻～咁我就要個十勝帶廣名物豚丼啦～」Emma甜絲絲咁笑...
『呢個都OK...要唔要D小食咁丫？』我再望多兩望...
「唔使喇～夠飽架喇～」Emma擰擰頭。
『咁想飲D乜丫？』我望到去野飲嗰頁...
「可樂～」Emma兩眼發光...
哎呀呀～仲飲可樂？！
真係唔識死架喎...
『唔飲得可樂丫！又凍又唔健康仲話要飲可樂...』我冷眼望一望Emma...
「俾我飲啦...俾我飲啦...一啖咁多啦...」Emma扁晒嘴咁捉住我隻手搖下搖下...
ER…
『好喇好喇...我叫罐可樂...俾你飲一啖咁多…再叫杯熱烏龍俾你...』唔好話我專制喇...
我份人最民主既！
「嗯嗯～你對我真係好～」Emma帶住幸福既微笑向我點點頭...
落完晒單之後，Emma就講：「我都話你好易心軟架啦～你生女既話一定死硬～」
哎呀呀...你早D講既話我一定Cut走晒D凍野去！
「無論做你細妹、做你女朋友、做你老婆、做你個女都一定好幸福～因為你真係好易心軟...」Emma又情深深咁望住我...
乜真係咁樣咩？
或者做我細妹真係幾幸福既...
至少阿Wing表現到俾我知佢做我細妹真係好幸福...
但女朋友...老婆...囡囡...
我就真係唔敢講...
同左Ashlynn一齊咁耐，聽佢嫌我呢樣嫌我嗰樣就聽得多～
話同我一齊覺得幸福就真係未聽過～
好多時我都喺道諗“我係唔係真係對佢咁衰呢？衰到連對朋友都不如？”...
但我又唔覺喎...
專欄作家成日都話男人得到手之後就唔識珍惜～
但我一直都係保持返岩岩同Ashlynn時既我姐～
一直都無變過架喎～
點解Ashlynn仲係話到我咁一文不值架呢？
「我有D妒忌你女朋友...」Emma換上一對怨念既眼神...
妒忌？
嘩…呢下就真係唔講得笑...
如果一個女人用上妒忌黎形容，而唔係羨慕既話，咁就表明佢內心係心存敵意...
『傻既～有咩好羨慕～』無錯，我唔係用錯詞彙，我係有心用羨慕去淡化個嚴重性。
喺高官身上學返黎既語言偽術終於大派用場～
「我妒忌你女朋友唔應該得到你既溫柔...你既體貼...你既付出...」Emma繼續用上佢嗰對怨念既眼神...
Emma將“妒忌”繼續掛起嘴邊...
睇黎我既淡化唔奏效...
『我呢D算得上D乜～好微不足道架咋～』呢句係事實...
對Ashlynn黎講，我呢D所謂既溫柔、體貼、付出根本就唔算係D乜...
Ashlynn一直都係覺得唔夠...唔夠...唔足夠！
「佢唔珍惜，唔代表喺其他人眼中唔珍貴...」Emma皺一皺眉...
珍惜...珍貴...
或者Emma講得岩...
你當佢係草，人地當佢係寶...
相對地，你當佢係寶，人地當佢係草架咋...
我地成日都係岩既時候遇上錯既人...
又會喺錯既時候遇上岩既人...
我唔知係月老老眼昏花？
定一或係邱比特鍾意亂鳩咁射～
硬係成日都錯配的愛，承受不了太多意外～
「一罐可樂...一杯烏龍茶...」女侍應放低D野之後...
「可樂～可樂～可樂～可樂～可樂～可樂～可樂～可樂～可樂～」Emma已經眼定定望住罐可樂...
『嗱～一啖架咋...』我插左支飲筒之後，放到埋Emma嘴邊...
「嗯嗯嗯嗯～」Emma揸住支飲筒啜下啜下...啜下啜下...
『喂喂喂喂喂…一啖咋～唔可以咁貪心～』我捉實Emma隻手...
「嘻嘻～」Emma飲完之後，對我展露出滿足既笑容...
你呢個Emma...咁奸架...
講好左一啖架咋嘛…
當我又啜一啖...
Emma D口水...
好甜喔...
我眼定定望住Emma既小嘴…
Emma輕輕力咬一咬唇...
點解我會覺得Emma呢一下舉動充滿挑逗性架呢？
「極上海貝丼...十勝帶廣名物豚丼...」女侍應放低D野之後...
「我要三文魚～三文魚～三文魚～三文魚～三文魚～三文魚～三文魚～」Emma已經眼定定望住塊三文魚...
『食左塊三文魚之後無得再要其他架喇～』今次我一定唔會心軟！
「嗯嗯嗯～呀～」Emma擘大佢個小嘴等我餵...
我將塊三文魚放到Emma口中後，Emma啜住我對筷子...「好味好味～」
睇落Emma真係好滿足～
但點解Emma可以咁易滿足？
我真係好唔明...
唔好話一個好似Emma咁既千金小姐，就算係一個普通到極既死港女，都無咁易滿足啦...
Emma呢種性格係點樣鍊成架呢？
「嗯～我呢個豚肉都好好味丫～你試下～」Emma夾左舊豚肉放到我嘴邊...
我咬一咬…
喺嘴裏面慢慢咀嚼...
呢種感覺...
我雙眼開始紅紅地...
我感覺到好似就快有淚水要流出黎...
「飛揚？」Emma將注意力集中喺我眼裏...
『我...有D感動...哈哈～』我擰下擰頭...
「感動？」Emma嘗試追問...
我諗左一諗...『你有無聽過一個故事？』
「故事？咩故事？」Emma充滿好奇...
『是咁的...喺地獄裏面，所有鬼魂圍住大檯食飯。佢地手上都拎住長長既筷子，夾到食物但又唔可以放到自己嘴裏面，於是人人都要捱餓。喺天堂之中，所有天使亦都圍住大檯食飯。佢地手上拎住既筷子都係長長既，但係佢地夾到既食物就互相放到對方既嘴裏面，於是人人都食得飽，人人都好開心。呢個就係天堂與地獄既區別，亦都係幸福與不幸既差別...』我點點頭...
Emma呆左一呆...眼定定咁望住我...
過左幾秒，Emma對我笑笑口：「咁你快D餵我食多件吞拿魚刺身啦～呀呀～」
Emma又擘大個嘴仔等我餵...
『唔得！咁樣就係貪婪架喇～』我擰擰頭。
Emma回返個扁嘴表情俾我...
ER…
『好喇好喇...最後一件喇...呀～』我將件吞拿魚刺身放到Emma個嘴仔裏...
Emma再次啜住我對筷子...「好味好味～」
望住滿心滿足既Emma，我當然就唔會同佢講我感動既原因...
個故事係真...但唔係我感動既真正原因...
我之所以感動，係因為Emma俾到一種戀愛既感覺我...
Ashlynn唔係無咁樣餵過我...
而係無呢種感覺...
一種分享既感覺...
其實好多時，我地仲會只係同檯食飯，各自低頭...
我有我食，佢有佢睇Whatsapp、Facebook、IG...
就算有交流，都係交流下阿邊個邊個去左邊道威...
阿邊個邊個買左D乜柒Post上Facebook或者IG上面曬命...
全部都係一D戇鳩無聊事...
粗俗D講句：『關我撚事咩？！』
一對情侶拍拖拍得耐，係唔係真係再無野好講架呢？
我記得細細個喺機舖打躉，見到有對情侶，男既喺道打KOF，女既就坐喺佢側邊撳電話...
我就同身邊睇緊電話既羊仔講：『屌你睇下條女，好明顯就係背住條仔同第二條仔情慾短訊緊啦～佢條仔仲喺道柒撚懵懵打KOF～成頂綠帽由頭戴到落腳指尾都唔知～真係Sosad～』
羊仔撳住部電話：「哦哦哦...」
過左幾日，羊仔就拖住嗰條女出入機舖...
所以話，如果一對情侶無野講到喺埋一齊同檯食飯都只係識得自己睇自己部電話既話...
真係差唔多係時候玩撚完～
「好滿足丫～」食飽之後，Emma嘆緊佢手中既熱烏龍茶～
『嗯～我都好滿足～』我都啜緊我罐可樂～
同Emma對望一下，笑一下，真係好滿足～
雖然話我同Emma談不上情侶，但感覺上已經超越一般情侶～
咁樣係一件好事定壞事呢？