喺漆黑既街道上,我淋住雨,濕晒身咁一個人行...

乜我真係有錯咩?

我做錯左D乜呢?

每個人都會有佢既過去...

每個人心裏總有一段忘不了既回憶...





每個人心裏總有一道無法復原既傷痕...

但每人都要繼續生活,繼續向前行架啦...

我只不過係將我既過去、我既回憶、我嗰條無法復原既傷痕收喺內心深深處,再築起厚厚既城牆去保護...唔俾佢走出黎姐...

我無可能忘記...無可能遺棄...無可能放棄,我就要同佢共存架啦...

我咁樣都叫有錯?





我咁樣都叫背叛左佢?

咩叫背叛?

邊個背叛左邊個呀?!

我繼續漫無目的咁喺街上淋住雨行...

點解今晚會咁大雨...





點解街上面好似無乜人咁既?

我究竟要去邊?

我仲可以去得邊?

喺呢條街道上...喺個世界上,仲有無一個地方可以容納我?

「哥...」我好似聽到阿Wing把聲...

係幻聽?

點解會幻聽到阿Wing把聲?

「哥哥!」阿Wing把聲好清晰咁喺我身後傳過黎...





係情傷使我產生幻聽?

咁睇黎我既幻聽真係好嚴重...

「哥哥!你做咩喺道淋雨丫?」頭上既雨突然停左落黎…

唔係…

係有一把黃色既雨傘幫我擋雨...

我回身一望,望到親切既阿Wing...仲有GiGi...

係喎…都唔記得左佢地都黎左葵芳...





「你無事呀嘛哥哥?」阿Wing拎出紙巾,溫柔咁幫我抹去面上既雨水。

無錯,就只有雨水,並無任何淚水既成份。

『我無事~無帶遮丫嘛~係囉...都估唔到會落雨添...』我擰擰頭,接過阿Wing手上既紙巾自己抹...

「真係無事?」阿Wing雙眼充滿關懷同著緊...

『唔使擔心我喎傻妹~你地仲未返去既?』我立即收起我既綠帽之痛,免得阿Wing擔心...

「返架啦~GiGi話想上我地道玩煮飯仔~哥...你...一唔一齊丫~定係...要同Ashlynn姐姐...」阿Wing欲言又止咁...

『好丫~GiGi唔介意丫嘛?』我望一望GiGi。

「唔介意。」GiGi帶住一絲絲微笑擰擰頭。





「好野~有哥哥同我地一齊食晚飯~」阿Wing左手翹一翹我,右手翹一翹GiGi,我地三人行...

喺同阿Wing、GiGi佢地搭車返去期間,望住窗外狂風暴雨撥打車廂,我一直好好控制住內心既悲痛...綠帽既悲痛...

喺任何人面前,我都習慣會將傷心既事統統收起,特別係情傷。

就算係最親既細妹阿Wing,我都唔會表露喺佢面前。

唔係因為我唔敢俾人知我D醜事...

唔係因為我無膽去面對...

係因為我覺得我既感情事一D都唔吸引、唔動人...





我唔係張申然...

我唔係方啟宏...

就算主角係高圓圓,我既愛情故事都唔會令人注視...

因為我只係一個普通人...

我有張申然咁情深,我同方啟宏一樣來自火星,咁又點?

你試下搵阮兆祥同林雪拍單身男女,立即變左套笑片~

所以喺好耐之前開始,我習𠍿一班人既時候唔講感情事。

我習慣一個人喺夜幕下飲悶酒。

我習慣一個人攬住枕頭喊。

我習慣將所有感情、感受都自己一個承受。

那怕黑暗把我吞噬...

但寂寞夜裏我不怕寂寞,因為我好相信有好多人都明白我感受,世上情深漢子又點止得我一個...

返到入屯門,阿Wing同GiGi就話要去買D野返黎煮(成八點都仲有野買?),我就急急腳返屋企入廁所搞搞個人先...

我地呢D年紀咁淋雨法真係好易病...

再加上個心傷得咁甘...

執左套似樣D既屋企衫(始終等等有GiGi呢個客人黎屋企)走左入廁所...

硬係覺得怪怪地...

岩岩先戴完頂綠帽,心情都仲未平伏,呢頭就要面對阿Wing同GiGi...

要帶住呢種傷痛扮無野面對阿Wing已經難,仲要面對GiGi就難上加難…

GiGi…

我真係唔係好知呢個女仔諗D乜...

上次既事...我地而家再次見返面,佢好似一D野都無咁?

話晒上次我地都玩得好激下,唔係阿Wing撞破既話,分分鐘已經中出左GiGi...

差D就扑埋野喇喎!乜而家D𡃁妹仔真係咁隨便架咩?

好煩呀!

我已經夠晒煩架喇!

唔好再要我諗咁多好唔好姐?

換好晒衫,吹乾個頭,檢查一下地下,睇下有無D唔見得人既奇怪毛髪...

地毯式搜索好一陣子...

好~應該無問題...

再望一望我同阿Wing間房...

原來都有唔少Ashlynn既相...

我幫Ashlynn影既相...

一張又一張,貼左喺衣櫃門上,牆上面...

點解平日唔多覺眼,今晚特別刺眼...

Ashlynn擺左好多Model姿勢,我硬係覺得太過生硬,太過浮誇...

不過佢就係鍾意咁樣...

佢話咁先叫有氣質...

一張又一張長腿走到入我眼裏...

腦海不斷閃出同Ashlynn纏綿既畫面...

將Ashlynn既衣物一件一件咁除落黎...

一件又一件掉到地上...

如何赤裸裸地擁抱...

如何赤裸裸地接吻...

互相愛摸...舐啜...抽插...

一個又一個情慾畫面就好似去左imax戲院咁喺我面前播放...

“纏綿遊戲過後 為何能捨得放手

是定律或是愛不夠 告訴我這段纏綿遊戲過後 為何情不可永久

是事實並沒有真愛 或根本我未看透”

剎那間,男主角變成又型又靚仔又高大又威猛又Man既James...

James捉住Ashlynn條纖腰忘我地抽插...

Ashlynn仲要表現得好滿足...

從來都無係我面前如此滿足...

我既眼淚就快要由內心深心處湧出黎...

“咯 咯 咯”三下敲門聲,阿Wing唔記得帶鎖匙?

我立刻收返起傷心,抹一抹眼淚,吸一口氣,開門...

「飛揚...哥哥...」眼前就只有一個嬌小既身影-GiGi...

『咦?得你一個既?阿Wing呢?』我請GiGi入屋。

「阿Wing話仲有D野要買,所以就叫我上返黎先。」GiGi輕輕鬆鬆除一除對鞋仔,好熟地方咁行到去廚房,放低D食材。

『哦...係丫...』望住眼前既冷艷美人,我唔係好識得反應...

定係我仲未可以收起傷心?

要快D收起,唔可以俾GiGi察覺到...

GiGi企喺我面前...雙手擺到背後...

『隨便坐...地方淺窄...』我後退多幾步,等GiGi可以出返黎...

「其實我成日都上你屋企...」GiGi無行到去木梳化嗰邊,反而係轉左入我同阿Wing間房,「仲會成日坐上你張床...」

GiGi爬到上我張床道坐...

一聽GiGi咁講,我個心跳左一跳...

下?乜原來GiGi有上過我張床,仲要成日添?

始終有女仔上自己張床,總係有D既興奮,又有D緊張既感覺...

『我張床咁高,邊好坐架?哈哈...』我行到入房入面,望住坐喺我床上既GiGi...

不其然我好想拉埋道百合門...

不過我無咁樣做...

始終孤男寡女,空間感大D,安全感大D...對女仔黎講...

「你都上黎坐。」GiGi坐埋左一邊,拍一拍張床,示意我上埋去。

一齊坐埋同一張床?

仲要係自己將床添?

好似唔係咁…

我猶疑不決咁爬到上我張床...

熟悉既床上,熟悉既環境,總有一份陌生既感覺...

因為GiGi...

床上多左個既親密,又陌生既GiGi...

呢種感覺好奇怪...

好矛盾...

「其實我覺得你女朋友唔係咁愛你。」GiGi望住Ashlynn D相。

『點解咁講?』點解你會講得中...

「因為喺佢眼裏根本就無你既存在。」GiGi挨一挨後...

我望住GiGi雙眼,一雙空洞既眼神...

係咯…不單止在你心裏,就連眼裏也沒有我...

「你好似好傷心咁。」GiGi望住我...

我喺GiGi眼裏見到自己...

『唔係丫。』我對GiGi笑一笑,勉強既苦笑...

「你講大話。」GiGi依然將佢既注意力放喺我身上...

我俾一對空洞既雙眼吸引住...

我既靈魂好似就快要離開身軀...

『每個人心裏面都有佢既故事...一個唔想俾人知既故事...你應該都好清楚...』我望住眼前既GiGi,就好似望住自己咁...

GiGi無講過半句說話,一直望住我...

整個空間變得寧靜,好似停頓左一樣...

所有野都唔再存在,就只有我同眼前既親密,又陌生既GiGi...

GiGi捉起我隻手,慢慢放到佢胸前...

“噗通”...我感到一種心跳聲...

“噗通”...一種少女既心跳聲...

“噗通噗通”但呢種心跳有D奇怪...

少女既心跳唔係應該比較急速架咩?

“噗通噗通”點解GiGi既心跳好似總係比想像中平靜...

GiGi塊面一路靠近...

越黎越近...

GiGi微微閉起雙眼...

我個心開始跳得越黎越快,但GiGi既心跳就無乜變化,一樣咁平靜...

當GiGi快要貼近我嘴邊...感受到佢既呼吸...我聞到...蜜蜂糖既氣味?

我用力推一推:『對唔住,我唔可以對你咁樣。』

「點解?因為你女朋友?」GiGi慢慢退返開。

『唔…唔係…佢已經唔係我女朋友...』好奇怪,點解我會對GiGi講出我呢個仲未接受到既心底話?

「咁係唔係因為阿Wing?」GiGi冷冷送一句...

阿Wing?

俾GiGi咁講一講,我突然又俾唔到反應...

點解GiGi會提起阿Wing?

雖然話我同GiGi之間既橋樑係阿Wing,但都無理由拉到去阿Wing身上...

“咔”一下開鎖既聲音...

「我返黎喇~」係阿Wing把聲。

阿Wing買完野返黎…

我立刻跳返落床,走返出去:『返黎喇~你去左買D咩丫?』

阿Wing除埋對布鞋,換返對拖鞋:「一支紅酒~我嗲左根叔好耐,佢先肯賣俾我咋~嘻嘻~」

『紅酒?』飲酒?

「係丫~食牛扒緊係飲紅酒架啦~識得食一定係咁食~嘻嘻~GiGi呢?」阿Wing四圍望...

「我係道丫~」GiGi由我地間房行返出黎...

「哦~你地兩個喺間房行出黎...你地...」阿Wing用上一對疑惑既眼神望住我同GiGi...

『無丫無丫!我地咩都無做過!』喺細妹面前可以話係極度心虛...

「哈哈~」阿Wing掩住個嘴仔笑,「我梗係知你地無野啦~GiGi好鍾意上你張床架~佢每次上黎都會上你張床道坐下瞓下~佢話佢一直都未試過瞓碌架床喎~所以特別有新鮮感~哥你唔會介意架呵?」

『唔介意...唔介意...』有女仔鍾意瞓自己張床,其實都可以稱得上係一件幸福既事...

可惜既係對像好似唔係好岩...

GiGi…

我唔係話GiGi唔吸引...

GiGi好吸引!

我最鍾意𡃁妹仔呀嘛!

Ashlynn成日都咁話我架啦!

又Ashlynn...又Ashlynn...又Ashlynn...又Ashlynn...

Ashlynn個西咩?!

Ashlynn都跟佬走啦!仲Ashlynn黎做乜撚?

但點解我會覺得唔可以搞GiGi呢?

GiGi已經夠秤,絕到可以性交...

但點解...我個心...硬係好似有道阻力?

阿Wing拖一拖住GiGi:「我地入去煮飯仔~哥哥你坐定定等等~」

岩岩先戴完綠帽既我望住眼前呢兩個女仔...

一個係自己細妹,一個係細妹既好姊妹...

我個心情好複雜...

我要控制住自己唔可以表露自己既傷心,但又唔可以無視內心一種鬱結苦澀孤寂感覺...

好矛盾呢...

望住檯上面既紅酒...

唉~

今朝有酒今朝醉,都係唔好諗咁多…

喺個雜物櫃裏面搵左好耐,終於俾我搵到個十年都唔會用一次既開瓶器...

“卒”一聲開左支紅酒先~

聞一聞個酒塞...

好似都唔錯喎~

雖然話陳年老紅酒先要抖抖氣,但人地話新酒抖過氣無咁易醉~(好似係)

對住兩個小妹妹,都係唔好俾佢地飲咁醉好~

再喺個杯櫃裏面拎出三隻紅酒杯...好多塵...

拎去廁所洗乾淨,洗到好似新一樣,抹乾水,等阿Wing同GiGi煮晚餐。

等...

「哈哈~成手都係喇~」

唔...

「喂丫~好油架~」

唔唔...

「小心D小心D。」

唔唔唔...

「好似好香咁。」

人總係會有D八卦...

我都係想睇下佢兩個小妹妹搞成點...

我偷偷地行近廚房...

睇到兩個嬌小既身軀喺廚房道對住個火爐~

阿Wing用個鑊鏟剷兩下...

GiGi又用個鑊鏟翻幾下...

呢個兩小妹妹真係...好似好溫馨咁~

佢地兩個既感情真係好好呢~

「哥哥做咩偷窺我地?出返去出返去~」俾阿Wing發現左...

『小心D丫~』唯有聽聽話話出返去啦...

「嗯嗯~」聽過兩把清脆既少女聲回答後,我就坐返出廳張木凳上...

點解我一直都好似好聽女人話咁架呢?

對Ashlynn又係咁,對阿Wing又係咁...

唔單止係咁,我仲好聽老細話,好聽D客話,好聽人地話...

好似係人地既說話我都要聽...

好似我從來都無試過聽自己話...

係因為一直以黎人地既說話都係岩?

定抑或我自己講乜都係錯?

我乜都唔知...

我只係知道阿Wing所講既都係為我好既...

「有得食~」阿Wing同GiGi拎住三碟牛扒,仲有兩個蠟燭台仔...

將所有野都放好晒喺細小既圓木檯上之後...

GiGi點著D蠟燭...

阿Wing熄埋D燈:「咁先有情調架嘛~」

『咁我會唔會阻住左你地兩個撐檯腳架~』我有D唔係咁好意思...

喺呢種浪漫既氣氛下...

「梗係唔會啦~我地好歡迎你~」阿Wing翹一翹我,又翹一翹住GiGi...

三人...行?!

我地三個坐定定之後,我為兩位...女士斟酒...

『你地都係唔好飲咁多…』細路女都係唔好飲咁多酒...

阿Wing谷起塊面豬登:「仲當我地係細路女丫?GiGi好飲得架!」

我好自然咁望一望GiGi,打量左一眼...

GiGi帶住一絲絲微笑:「我OK架。」

『嗯...』潛意識之下,其實我係唔想佢飲得既...

不過身為長輩唔去阻止佢兩個飲酒都不單止,仲要助長...

好似真係唔係咁岩規矩…

「Cheers~」碰過杯後,開始享用兩位少女親手炮製既燭光晚餐。

同尋晚喺Emma屋企食既燭光晚餐好唔同。

除左話我心裹面有一份心傷感之外,我仲有一絲絲溫暖...

我覺得有兩個小妹妹為我呢個哥哥(我絕對唔會認自己係怪叔叔)煮晚餐真係好窩心...

呢種係唔係就係後宮既感覺?

痴線架?

將自己細妹放埋入後宮入面?!

我梗係戴帽戴到傻撚左!

用餐刀喺牛扒上切一切,仲有少少血流出黎。

估唔到佢兩個人仔細細都識煎五成熟牛扒~

細味一口...『好食喎!』

我不禁要讚出口!

雖然話塊扒就一定無尋晚Emma買嗰塊咁貴,但真係好好味!

「梗係啦~我同GiGi家政A+架~」阿Wing同GiGi打左個眼色。

『如果可以日日都食到你地親手煮既野就真係幸福死喇~』我不禁吐左我內心最真實既說話出黎...

死喇...講左先覺得後悔...

咁樣講會唔會嚇親GiGi?

又會唔會嚇親阿Wing?

「你想既話,我都可以多D黎同阿Wing煮俾你食。」GiGi飲一啖紅酒,展露一絲絲微笑。

「嗯~如果哥哥得閒既話,我都好樂意親自下廚~」阿Wing亦都飲一啖紅酒,展露幸福既微笑。

『嗯...』我只可以點一點頭...

你地兩個可唔可以唔好對我咁好...

喺岩岩先失戀既我,係極需要心靈同肉體既慰藉...

心靈既慰藉就有喇,咁肉體呢?

但喺面前既,一個係我細妹,一個係我細妹既好姊妹...

兩個都唔搞得唔掂得...

就係諗下都好有罪惡感!

我都係一個正常男人黎架咋...你地兩個叫我情何以堪呢...

「哈哈~拍拖究竟係咩感覺?」

『被幸福淹死既感覺~對女仔黎講~』

「男仔唔可以都一樣被幸福淹死架咩?」

「哥哥只會窒息而死~」

『或者係一刀一刀被刺死...』

「總人有可以修補呢個傷痕。」

『就算有人修補,都唔會補到天衣無縫...』

「咁就要睇下邊個補啦~哥哥~」

『你拍過拖啦咩~』

「我無~不過我有戀愛既感覺呀~哥哥...」

「縱使無拍過拖,都好清楚自己既愛向住邊個方向。」

「為真愛飲杯~Cheers~」

我地不停咁飲...

當然我飲得最多~

除左唔想被兩個都仲未成年既少女飲咁多之外,我係想借酒消愁...

失戀呀嘛~係要飲酒架啦~

「咁快飲晒既?」阿Wing好似仲未飲夠...

『你飲左好多架喇~』我拍一拍阿Wing。

「唔~我仲要飲~」阿Wing一邊講,一邊行去個木櫃...

阿Wing喺個木櫃道拎左支V.S.O.P.出黎...

呢支咪係上次去完文武既婚宴之後偷返黎嗰支?!

『阿Wing唔好喇~溝酒飲好易醉架...』我試圖由阿Wing手上放返低支V.S.O.P....

「唔緊要啦~又無其他人~醉左都無所謂啦~」阿Wing面紅紅...

其實阿Wing應該醉醉地...

『聽日你地仲要返學架...起身頭痛死你地架...』我都仲要返工...

「哥哥~」阿Wing嗲我兩嗲...

俾阿Wing咁樣嗲一嗲,嗲到我個心都軟晒...

GiGi接過阿Wing手上既V.S.O.P.,好熟手就開左...

斟晒三杯之後...

「Cheers~」

『Cheers…』其實我唔係好飲得架咋...

人地話失戀飲酒特別易醉...

我都覺得係...

飲多兩飲,我對眼D淚水開始湧出黎...

開始睇野睇得唔清楚...

「哥哥~你做咩眼濕濕~」阿Wing指一指住我...

『無丫~有兩位靚女陪我飲酒...我感動到喊囉~』我係道講緊咩丫?

點解我聊自己個妹架?

「嘿嘿...你衰喇~你睇中左GiGi!」阿Wing笑笑口咁指住我同GiGi...

「阿Wing你醉喇。」GiGi拎過阿Wing杯酒,一啖就飲左落肚。

「我無醉~我都不知幾清醒~嘿嘿...」阿Wing已經挨左落我身上...

『阿Wing~你真係醉喇~』我扶一扶阿Wing...

「我無醉喔~我無醉喔~」阿Wing越挨越實...

我亦扶扶下變攬住左阿Wing...

阿Wing個身熱辣辣...

而我其實都唔係好好多...

我對眼睇野都開始分開四格...

「夜喇,我都係時候返屋企。」GiGi擺左一擺企左起身。

『我送你返去丫...』我扶一扶阿Wing之後,又企左起身...

「唔使喇,你睇住阿Wing啦。」GiGi拎齊佢D野...

『唔好既,你一個女仔,仲要飲左酒...危險丫...等我送你返去...』其實我講呢句野既時候真係有小小心虛...

我覺得而家既我先係GiGi最大既威脅...

「嗯~你就俾我哥哥送你返去啦~」阿Wing都贊成。

「嗯。」GiGi點點頭,睇落好放心...

我換返對鞋,拎起把黃色遮...

「哥哥~我等你返黎喔~」

醉住咁送同樣醉醉地既GiGi返屋企…