《港男FF妄誌》: [Day 8－確有其事] PART 4
「去邊呀？」埋左張七百幾蚊既單之後，Ashlynn翹住手(翹住佢自己對手)，口黑面黑咁企喺酒樓門口背住我問。
『不如上你道啦～』我真係好想...好想可以抽插下Ashlynn...
好想玩下Ashlynn對長腿...
「唔啦！」Ashlynn擰擰頭。
『好耐都無...』我都未講完...
「唔舒服呀！」Ashlynn已經堅決拒絕。
次次都係咁，係唔係真係唔舒服呀？
定係俾人屌到飽呀？！
你唔好以為我已經唔記得左我仲懷疑緊你係唔係俾綠帽我戴架！
『咁而家去邊好...』喺葵芳真係有乜春好做？
「你係唔係真係咁無主見呀？」Ashlynn成塊面仲黑過炭屎！
『行下街囉...』
「呢道有乜好行呀？又無LV又無Gucci乜名牌都無！」
『去睇下書囉...』
「睇乜書呀無啦啦？」
『去睇下戲囉...』
「有乜戲好睇呀？」
『睇下咪知囉...』
「即係你都唔知啦？」
『開個Apps睇下有幾難丫？』
「咁容易我同個Apps拍拖都得啦？」
『關咩事？點可以拉埋一齊講？』
「唔使用腦既話咁要你黎做乜野呀？」
講到呢道，我停左落黎...
每次都係咁，一講到“要你黎做乜野”我都唔知俾D咩回覆佢好...
其實男朋友，要做D乜？
喺“男朋友一千億個用處”之中，我只係知男朋友既功用有地圖、指南針、閙鐘、天文台、新聞報導、記事本、日曆、司機、侍應、翻譯詞典、腳架、衣架、GoGo Van、按摩椅、保標、陪襯、垃圾桶、防狼器、警報器、計數機、銀仔、魔鏡、ATM！！！
我就係識呢D架咋～其他我真係唔識架～
但呢D野真係一個Siri都差唔多可以做得晒啦～
咁要男朋友呢做D乜呢？
「你係唔係真係咁無主見呀？」Ashlynn翹住手黑起塊面怒睥住我...
『ER…』喺短短一兩分鐘之內被問同一條問題兩次，我真係唔識答...
「唉！去Pacific Coffee！真係無鬼聊！」Ashlynn完全無理我過想唔想就急急腳咁行去Pacific Coffee。
假日既Pacific Coffee人頭滿佈，唔少年青人喺道圍埋一齊做Project。
一杯三十幾蚊既咖啡幾十人坐埋一齊坐足成日又真係幾抵屌～
聽下歌、上下YouTube、影張上Post上Facebook話自己做緊Project、喺WIKI Copy下咁就一日，真係開心～
有個毒撚仲要用部MacBook Pro Retina玩Diablo 3 reaper of souls，真係生活態度～
而好好彩之下，我地都仲有梳化位坐下。
今日行梗乜野狗屎運？
我又真係唔知喇～
「仲唔去買野飲？！」Ashlynn成個人坐左落張梳化後指住我黎點...
『Grande Cafe Latte同Grande Chocolate Paradise。』好喇～又要做侍應...
「多謝你七十二蚊。」仲有ATM…
拎住張飛，望住裏面D員工，有講有笑，你幫下我，我幫下你，個經理仲要屌下個新仔添～
睇人地就真係覺得呢個世界好似好簡單，屌下屌下，吹下吹下咁就一日，但睇自己呢？
點解好似咁複雜？
點解好似有咁多野煩？
點解好似有咁多解決唔到既問題不斷產生？
男神黃子華話過“世界好簡單，人類太複雜”...
係唔係我諗得太複雜呢？
「Grande Cafe Latte，Grande Chocolate Paradise。」
拎住兩杯野，行返去Ashlynn道。
Ashlynn已經打開左部MacBook Air，向我伸長右手...
我將杯Grande Chocolate Paradise交到Ashlynn手中...
「頂！你俾杯咁熱既野我做乜鬼呀？低能架？想熱死我呀？我要你張飛呀！我要WI-FI呀白痴！」Ashlynn一手搶左我張飛...
係唔係我太唔了解Ashlynn？
連佢想要乜都唔知？
我就真係唔知...
我只係知溝通有更好既方法，唔係下下都要指住黎屌...
當然我就無打算同Ashlynn講，因為講黎都晒鳩氣。
佢只會話：「咁你係蠢呀嘛！我有話錯你咩？你咁都唔知我想要D乜，仲要你黎做乜？」
其實我唔係Ashlynn所講咁唔了解佢，而事實上，我又真係幾了解佢～
我知道佢脾氣有幾臭，塊面有幾黑！
我知佢會點樣鬧我，話我有幾咁無用！
我都不知幾咁了解Ashlynn，只係我了解既係佢最討厭我嗰一面姐...
坐喺棗紅色既梳化上，佢有佢煲劇，我有我睇住佢煲劇，大家都唔似活喺同一個空間咁。
究竟人與人之間既距離可以有幾遠？
我就坐在你面前，可惜不但在你心裏，就連眼眼也沒有我...
咫尺之遠，遠在咫尺既距離真係點計都計唔到...
戇鳩鳩咁坐喺道成個鐘，Ashlynn同我既交流就只有一句：「Share個WI-FI黎呀！」
但連對望一眼都無...
好無聊～真係好無聊～
最無聊既係當我想拎部電話上下網，睇下野...
「你唔好搞啦！咁樣會搞到我睇片好窒架！」
就連睇下WhatsApp都唔俾...
我坐喺道真係同做俾人雕緊既雕像無分別架咋喎...
好無聊...真係好無聊...
當我就黎無聊到瞓著既時候...
「哥哥～」一把清脆既聲音由右邊傳黎...
我一個回望...
『阿...喂～』我都未將個Wing字講出口，阿Wing就撲左埋黎攬實左我...
「哥哥～真係可以喺道撞到你喎～」阿Wing攬住我搖左幾下...
『係咯…你...地又會黎左葵芳既？』我望一望阿Wing身後既GiGi...
GiGi面帶一絲絲既微笑向我揮揮手...
我對眼一直俾GiGi吸引住...
GiGi今日著左件黑色V領Tee，黑色熱褲仔...黑色拖鞋...正中𡃁妹仔Look...
雖然GiGi身材嬌小，但係咁貼身既剪裁，總係會凸顯出剛發育既少女軀體...
呢種軀體...
再加上阿Wing身上既少女香...
我心跳得越黎越快...
面都好似熱熱地...
「GiGi話頭先點半既時候有SuperGirls黎做嘉賓～所以我地咪立即走過黎碰碰運氣囉～點知...」阿Wing拎左部電話出黎撳撳撳...
我望一望阿Wing部電話...
「真係俾我同到Heidi合照～你睇下～」阿Wing好開心咁俾部電話我睇。
真...真係兩個Heidi...定係兩個阿Wing？
個Mon入面有兩個差唔多一模一樣既面孔攬住黎合照...
分別只在於一個係金色秀髮，另一個係黑色秀髮...
佢兩個真係好似樣，兩個都係咁靚女...
「Heidi佢好好人架～一聽到我話想同佢影一張合照，佢就攬住我同我影喇～仲話要Add我做Friend添～」阿Wing好滿足。
我都好想可以咁樣攬住Heidi合照丫～
不過...我又覺得好似而家咁樣俾阿Wing攬住係更幸福...
呢種幸福感覺真係可以令人乜都忘記晒...
係囉...點解好似忘記左D野咁既...
「咳咳...」久久無出過聲既Ashlynn咳左兩聲...
陶醉喺阿Wing既擁抱之中，Ashlynn唔咳呢兩聲我都唔記得左有佢既存在...
「Ashlynn姐姐...」阿Wing冷冷淡淡咁叫左Ashlynn一聲。
「嗯...我以為你見我唔到添～」Ashlynn黑起塊面對住阿Wing...
「我本來真係見你唔到架喎～我只係見到我哥哥架咋～」阿Wing冷眼望一望Ashlynn...
「咁講野既？真無家教！」Ashlynn怒視住阿Wing...
「我有無家教都唔輪到你教！」阿Wing又怒視住Ashlynn...
佢地兩個既眼神之中充滿仇恨，中間仲好似有D閃電磨擦緊咁...
硬係覺得呢D時刻總會傷及無辜...
『ER…係呢係呢～你同GiGi行街啦～今晚唔好咁夜返喎～』我向阿Wing打左個眼色...
「嗯～哥哥都唔好咁夜返丫～拜拜喇哥哥～」阿Wing亦都同我打左個眼色後翹住GiGi離開...
目送佢地既背影離開，GiGi好似...回頭望一望左Ashlynn一眼...
係我錯覺？
「你點教你個細妹架？教到佢把口咁臭既？」Ashlynn向住我妙嘴妙舌...
『Sorry丫...係我教得唔好...』夠你把口臭？你把口臭到直頭好似食左屎添啦！
「你個妹丫～著住件花花連身短裙就以為自己好有氣質？又唔知自己矮！對腳又短！似足你呀！短人！」Ashlynn指住我係咁篤...
『唔好講喇...』阿Wing不知著得幾靚！
靚過你多多聲！
阿Wing散發住少女氣息～
又活潑～又樂天～
又Pure又True～
「講事實都唔得呀？咁佢係唔夠我高呀嘛！」Ashlynn好似仲唔想停落黎...
『唔係個個都鍾意燈塔架...』我覺得阿Wing呢種高度最惹人愛囉！
「係因為你矮姐～高過你你會自卑呀嘛～你咁唔鍾意咪唔好同我一齊囉～」Ashlynn一副臭嘴臉，真係好想醒佢兩拳！
成日一講到呢D位就會話“唔鍾意咪唔好同我一齊囉～”...
有時我喺道諗我係唔係真咁可有可無...
郁D又話唔好要，郁D又話唔好喺埋一齊，究竟你仲愛唔愛我架？
究竟你仲想唔想同我喺埋一齊架？
如果你真係仲愛我，仲想同我喺埋一齊，點解你會講到我咁無價值架呢？
我又係唔係真係咁一文不值呀？
最慘既係明明就係你唔在意我唔重視我，但點解就要講到好似我唔愛你唔錫你咁架呢？
我已經做晒男朋友應盡既責任，係你唔心足咋喎！
而家又係我錯呀？
「你同你細妹身邊嗰個Friend好熟架？」Ashlynn突然問起一D尷尬既問題...
GiGi…
『唔係唔係…』見過一次咋嘛…
「唔係？你地既眼神交流唔似囉！」Ashlynn疑惑咁望住我...
『見過一次咋嘛…』就係嗰一次差D扑埋野囉...
「見過一次都夠啦～夠晒㗳糖啦～𡃁妹仔喎...睇佢都唔知夠唔夠秤...你最鍾意架啦～夠嫩口丫嘛～岩晒你口味～」Ashlynn雙眼充滿鄙視...
『邊係姐...』我係好鍾意𡃁妹仔...但...鍾意還鍾意，可以還可以...
「唔係咩？我有講錯咩？嗰個咩咩月都成個𡃁妹咁既樣架啦～你不知幾冧佢！咁大個人仲成個𡃁妹咁...正一黑山老妖...」Ashlynn又勾起我心裏既傷口...
『都過左咁耐喇...仲提黎做乜...』前晚先見返阿月...
我一直都唔想再諗起...
連提起都唔想…
「咩過左好耐丫？你唔係一直都好掛住人架咩？你自己都講過架啦！我唔會忘記架！」Ashlynn繼續舊事重提...
『唔好再提起佢好唔好？』我真係唔想再面對阿月呀！
「做咩丫？俾我講中晒呢～心痛呢～傷心呢～同我一齊都仲可以為另一個女人傷心...你話呀！你對唔對得我住呀？」Ashlynn怒氣沖沖。
我唔知呢種算唔算得上係傷心...
我只係知每個人都一定有佢既過去，有佢既經歷...
有好多野都係，發生左就發生左...
你係傷過，你係痛過，你個心一直都會存在住呢條傷痕...
越傷，越深...
無野可以改變，亦都唔可以否定呢段歷史既存在...
正如南京大屠殺一樣，正如六四一樣，係發生過就發生過，你唔可以一句話無，捉晒所有人，毀滅晒所有證據就當咩事都無發生過...
我都只不過帶住個傷痛過活姐...
我都唔想架...
唔係可以點喎...
「無野講喇嘛？都話左你架啦！無鬼用就真係無鬼用！」Ashlynn帶返起佢既耳機繼續煲劇...
我係無鬼用架喇～
我喺你眼中永遠都係咁無用架啦～
喺呢個Ashlynn有佢煲劇，我有我望住佢煲劇完全零交流既情況底下，一直到天黑...
「走喇！」Ashlynn收起返佢部MacBook Air之後，理都唔理我就起身行...
『今晚想食D乜？』我跟喺Ashlynn身後...
「我今晚無諗住同你食喎。」Ashlynn一直行喺我前面...
『你約左人？』我一直跟上去...
「關唔關你事呀？」Ashlynn仲係行得好快...
一講到關唔關我事，我就俾唔到反應...
我好想知點解唔關我事？
我係你男朋友黎架...
關心下都好正常姐...
但我又唔想搞到好似下下都管住晒、Check住佢咁...
尊重呀嘛～私人空間呀嘛～
咁咪唔迫你答囉...
但係都唔代表唔關我事架係唔係呀？
如果你係重視我呢個男朋友，你自己應該會自動自覺講俾我知呀～
唔使話要你詳詳盡盡寫份計劃書俾我喇～
單聲都好呀～
等你真係咁好彩橫屍街頭，又或者浮屍大海，警察問起我都唔會口啞啞～
你知唔知萬一你俾人姦殺又好咩都好，最大嫌疑嗰個會係我架？
但你而家就乜都唔同我講，交代聲都無！咁樣算係咩意思呢？下？
「我唔使你送喇！」Ashlynn一直行到入佢屋苑範圍內。
『你俾我送埋你上去啦...』我一直跟住Ashlynn身後...
「都話唔使咯！」Ashlynn擰擰頭，繼續行...
『唔好啦...』我捉一捉住Ashlynn隻手...
「都話唔使囉！你跟跟跟跟跟住黎煩唔煩架你？！」Ashlynn一手Fing開我...
『我地真係好耐都無...』我一手就攬住左Ashlynn條腰…
「你放手啦！」Ashlynn推一推我...
但我無俾Ashlynn就咁推開...
我一直攬實Ashlynn條腰，一直搓下搓...
我個嘴就一直強吻Ashlynn。
「唔唔！唔！」Ashlynn嘴唇緊閉，猛擰個頭，唔俾我錫落去。
我就用條脷狂舐Ashlynn個嘴，舐佢塊面，舐到成脷都係粉！
「唔！唔！」Ashlynn用雙手拍我...打我膊頭。
我無視Ashlynn既反抗，右手攬實佢條腰，左手搓下搓下搓到上個胸...
我輕輕力搓左一搓...
我呢一下舉動唔係因為我鹹濕...
唔係因為我獸性大發...
唔係因為我好耐無同過Ashlynn扑過野...
我係因為...
我想證明我仲係擁有Ashlynn！
「放開…我呀！」Ashlynn一手就推開左我，「我都話左我Mood咯！」
我後退左兩步，再行前一步，心裏面無名火起：『你係無Mood定俾人餵飽左呀？！』
我諗呢次係我有生以來第一次對住Ashlynn咁大聲、咁惡同講得咁難聽...
我真係從來都無試過咁大膽！
Ashlynn眼定定望住我：「你講咩丫？」
『我話你係唔係人餵飽左呀？！』呢次比岩岩既更大聲、更惡同講得更難聽...
「你痴咩線呀？」Ashlynn推一推我...
『我痴咩線？你仲夠膽問我痴咩線？前晚你去左邊呀？！』我怒視住Ashlynn質問佢。
「喺屋企瞓覺。」Ashlynn望一望上天。
『喺屋企瞓覺？定瞓喺人地張床呀？』我迫近兩步。
「你講咩呀？」Ashlynn碌大對眼望住我。
『我講咩？我嗰晚見住你同個男人又攬又嘴又摸云全身咁上人地架車呀！』
“啪”一聲響...
係一巴掌...
我開始感覺到塊左邊面有D熱...有D痛...
「你跟蹤我？」Ashlynn打完我一巴之後，怒視住我。
『咁即係係啦？』我凝望住Ashlynn...
「係又點丫？」Ashlynn理值氣壯...
『嗰個係你個好姊妹既男朋友呢架！』我好憤怒！
「係我好姊妹既男朋友咁又點呀？幸福係要自己爭取架！老公都係咁話啦！佢對我好就得啦！」
『佢可以對你有幾好呀？！』
「好過你啦！你第一個反應竟然係話嗰個係我個好姊妹既男朋友！咁你話你有幾愛我呀？」
係咯…點解我第一個反應會係話嗰個係佢個好姊妹既男朋友？
而唔係諗佢背叛我？
但係...
『我點樣唔愛你呀？咁耐以黎，你要D咩，我都盡量俾晒你！你想點，我都盡量聽你話！我點唔愛你法呀？』
「同你一齊咁耐，你有俾過D咩我呀？叫你買個銀包又話貴！叫你抽多D時間陪我又話攰！叫你買花又話浪費！叫你買迪士尼既全年通都叫左幾年先捨得買！乜都係我叫架！叫你都未必會做呀！做都未必做得好呀！」
『咁我真係無辦法呀嘛…』
「無辦法無辦法！你次次都係話無辦法架啦！係呀！對住我你咩辦法都唔去諗架啦！叫你去個旅行，過澳門都話嫌遠呀！我地最遠都係去長洲咋！」
『咁我真係無咁多閒錢又無假...』
「無無無無無！你乜都無架啦！你話丫！你有D咩呀？你講唔講得出口呀？人地James知道我鍾意去迪士尼，立即買機票訂酒店同我飛去東京迪士尼呀！東京嗰個呀！唔係香港嗰個半日都玩得晒既爛鬼迪士尼村呀！」
『人地想呃西屌咋！梗係...』我都未將我要講既野講完...
“啪”一聲響...
我岩岩先覺得好返少少既左邊面又開始感覺到有D熱...有D痛...
「好過你明知呢段感情就快要玩完仲想黎個Last Q！你話你幾咁賤格！」
我想黎個Last Q？
我使唔使咁Cheap呀？
「係呀～我地呢幾日晚晚都做愛～第一晚仲要做左好多次～做到攰到郁都郁唔到不知幾好瞓～有時連朝早起身興奮起上黎都要做多幾次～我地沖涼都要一齊沖～口爆又好顏射又好中出都好我都好Enjoy！我從未試過做愛可以咁滿足～咁興奮！下個禮拜我地飛去Paris啦～又可以瘋狂做愛～」
『咁既說話你都講得出既？！你有無廉恥架？！淫婦！』
「淫婦？我係淫呀！起碼James可以令到我淫呀！你呢？你有D乜丫？型又唔夠人地型靚仔又唔夠人地靚仔高又唔夠人地高大隻又唔夠人大隻Man又唔夠人地Man浪漫又唔夠人浪漫！你有無車同我上飛鵝山玩車震呀？有無樓可以同我晚晚瘋狂做愛呀？車牌你都無呀！你乜都無呀！」
『最起碼我真係愛你！』
「你愛我？你真係講得出架喎～你問心呀！你個心唔係一直都喺嗰個羅海月道？你根本就無放低過！愛我？你有咩資格講呀？！」
『咁嗰個James呢？佢有女朋友架喇！』
「佢好快就會同Amy分手架喇～你睇下～佢為我付出幾多～多過你多多聲呀！」
『乜你真係覺得佢愛你咩？』
「最起碼佢俾到愛既感覺我，你無。我亦都感覺到我好愛佢，你都無！」
愛既感覺？
我無？
我俾唔到愛既感覺Ashlynn？
Ashlynn亦都對我無愛既感覺？
如果我地之間真係無愛，咁點解我地一齊左咁耐？
點解我地可以喺埋一齊左足足六年？
「我地玩完喇。」Ashlynn講完之後，轉身離開...
目送Ashlynn入左閘門…身影消失喺我眼前...我再俾唔到反應...
我好迷茫...
究竟發生緊咩事？
我接受唔到岩岩發生既事...
我同Ashlynn既對話...
明明就係我戴綠帽，我應該係受害者先係...
點解仲講到好似係我錯咁架呢？
雨水由天上降到我身上...
喺黑漆漆既夜幕下，我被幾盞發出暗黃色光芒既街燈照射...
無情既雨打到我身上，發出啪啪啪啪啪啪啪聲，就好似喺道恥笑緊我...為我有咁既結局鼓掌...
地上既水氹反映出一個失敗者...
一個戴綠帽都帶得柒個人既失敗者！
古語有云：「綠帽唔怕戴，最緊要除得快！」
而家既我唔單止柒到由頭笠到落腳趾尾，仲要俾人數臭...
試問呢個世界上，仲有邊個男人好似我咁失敗？！
天喔...呢個就係你想俾我既結局嘛？
點解你咁鍾意玩我架呢？
我係唔係真係咁好玩？
係唔係好玩到玩極都唔厭？
我都係人黎架...我都係用肉造架...
點解丫...點解呀？！
呢一刻，我真係好想對住個天大叫...
WHY ALWAYS ME？！