我係網上面識左個女仔: 第十八章-身後事(1)

有左Anna呢個心靈支柱，我相信我會捱到落去嘅！

我要重新振作起黎。

我坐番起身，阿爸走左阿媽死左，最大既問題應該係……

我應該住邊？

然後就係阿媽既喪禮……



我應該搵親戚幫手…但係我根本無親戚電話……

拿起電話，或者我應該問Ms Lam幫幫手。

「喂？Ms Lam？」
「Frog？你問我係有咩事呀？」
「唔洗咁驚……我想問下你會唔會有我其他親戚電話？」
「應該無喎……」
「依家阿爸走左阿媽死左，我應該去邊住？我無親戚電話……同埋遲啲都要搞喪禮既事……」
「喔……你搵下你媽媽電話？」


咦 係喎……

「唔該老師，我有事要幫忙再搵你啦。」
「好啊，見到你咁快振作我真係放心曬！」

我拎起阿媽電話，係聯絡人度搵到姨媽電話。

「喂？妹？」
「姨媽，我係阿軒呀。」
「阿軒呀？咩事呀？」


「Um……阿爸呢……有啲事走左，阿媽呢……阿媽佢……自殺……死左……」
「阿軒，有啲……有啲野唔可以亂玩架……野可以亂食 說話唔可以亂講架」
「我講真架……所以想問下搵下有無人可以收留我……」
「阿軒……叫你阿媽聽電話！」
「姨媽…都話……」
「－嘟－」

……

「人漸醉了夜……」
阿媽電話響起，我望望，係姨媽打黎。

「喂？」
無人應我……



「喂喂……」
「阿軒，你阿媽…真係死左？」
「…嗯……」

「你黎我度住住先啦……」

就係咁，我去左住旺角嘅姨媽屋企住。